بتحسب استهلاك اللوجان للبنزين ازاي؟

**Land_Cruiser** · 18-03-2013 12:10 AM

اعتقد انه علشان الأمور كلها تبقي واضحه أنكم هتبقوا محتاجين حد يقولكم الاستهلاك بس تكون العربيه ماشيه شويه يعني مثلا عدي ال ١٠ الاف كيلومتر و العربيه عملت صيانه حقيقيه و غيرت زيت لان صيانه ال ٥ الاف دي صيانه بسيطه ما بتفرقش مع العربيه قوي

**Khaled Online** · 18-03-2013 12:19 AM

المشاركة الأصلية كتبت بواسطة walidzakzok

هو انا ملاحظ ان استهلاكها عالى علشان كدة انا كل شوية اصفر العداد واشوف المتوسط

داخل القاهرة مع التكييف 14 لتر وممكن اكتر
طرق طوالي بس مش سالكة اوي 11 لتر مع التكيف
طرق طوالي سالكة حوالى 10 لتر مع التكييف

المشاركة الأصلية كتبت بواسطة sh_sunsea

معايا بتعمل متوسطات اقل من الارقام دي لتر تقريبا في كل سطر

المشاركة الأصلية كتبت بواسطة porsche911tt

أنا عامل حوالي 3 الاف والمعدل مابيقلش عن 9 لما بتكون سواقتي هادئة ، لكن معظم الوقت في حدود 10 أو 11 بسبب ان رجلي تقيلة على البنزين

المشاركة الأصلية كتبت بواسطة abusamra41

هى عندى بتعمل ف الزحمه 10 وف الطرق السريعه 9 وف اغلب الوقت عندى 9 لان كل طريقى طرق سريعه

المشاركة الأصلية كتبت بواسطة avalanshoon

المتوسط العام في القاهرة على طرق سريعة وبطيئة معا لا يقل عن 9.5 لتر لكل 100 كم

طيب متوسط الاستهلاك كده حوالي 10 لتر لكل 100 كيلومتر في ظروف سواقة شبه مثالية
السؤال بقى بعد كام كيلو وصلتو للاستهلاك الأمثل ده؟

**abusamra41** · 18-03-2013 12:57 AM

بالنسبه ليا بعد الالف كيلو

**mahraan** · 18-03-2013 01:12 AM

يا باشا العربيه مش هتديلك اداء حقيقي غير لما توصل 5000 كيلو.. قبل كدا لا

**Khaled Online** · 18-03-2013 01:16 AM

المشاركة الأصلية كتبت بواسطة land_cruiser

اعتقد انه علشان الأمور كلها تبقي واضحه أنكم هتبقوا محتاجين حد يقولكم الاستهلاك بس تكون العربيه ماشيه شويه يعني مثلا عدي ال ١٠ الاف كيلومتر و العربيه عملت صيانه حقيقيه و غيرت زيت لان صيانه ال ٥ الاف دي صيانه بسيطه ما بتفرقش مع العربيه قوي

وجهة نظر تحترم يافندم
مين هنا معدي ال10 تلاف ياخد بايدي؟ :)

المشاركة الأصلية كتبت بواسطة abusamra41

بالنسبه ليا بعد الالف كيلو

تمام جدا ربنا يبارك
على كده بأه أنا أطلع بالعربية على الطرق السريعة كام مشوار كده عشان الموتور يفتح ويحسن من الاستهلاك شوية ولا إيه؟

**avalanshoon** · 19-03-2013 11:17 AM

المشاركة الأصلية كتبت بواسطة khaled online

وجهة نظر تحترم يافندم
مين هنا معدي ال10 تلاف ياخد بايدي؟ :)

تمام جدا ربنا يبارك
على كده بأه أنا أطلع بالعربية على الطرق السريعة كام مشوار كده عشان الموتور يفتح ويحسن من الاستهلاك شوية ولا إيه؟

مشوار الطرق السريعه هيضبط لك معدل الاستهلاك بس برضوا مش هيقل عن 9.5 لتر الا لو كل مشاويرك على طرق سريعه فقط وده طبعا مستحيل

**كوباية شاى** · 19-03-2013 01:00 PM

عربيتى اوتو عاملة 18000 كيلو و المتوسط العام داخل القاهرة 10 لتر بالضبط.

**abusamra41** · 19-03-2013 11:31 PM

ما عمر ما المعدل هيقل لو كل المشاوير ف وسط البلد والزحمه الشديده

**Sh_sunsea** · 20-03-2013 09:55 AM

سؤال تأكيدي بس - انتم بتعتمدوا على كمبيوتر الرحلات في الحساب - تمام كده

لان معايا وكاحد سكان اكتوبر الي بياخدوها من الشرق للغرب في النزهة الجديدة المعدل عادة معايا 9 في الحدود دي وده طبعا لاني صديق للدائري صباحا - والمحور مساء

انا كسرت 7 الاف

**adel_edrees** · 20-03-2013 07:55 PM

أنا عامل 5500 كيلو و العربية قبل ما أغير البوابة كانت بتعمل 7-8 لتر لكل 100 كيلو أنما بعد ما غيرت البوابة بقت تعمل 9-10 و بدون تكييف و 11 بالتكييف و ممكن تحسب الاستهلاك بطريقة تانية تصفر العداد قبل ما تمشى و تشوف المشوار خد كام لتر بنزين و تشوف المسافة المقطوعة و تقسمهم على بعض الطريقة دى أدق على فكرة

الموضوع: بتحسب استهلاك اللوجان للبنزين ازاي؟

LinkBack

أدوات الموضوع

عرض

-

-

-

-

-

المواضيع المتشابهه

استهلاك الهوندا ex للبنزين قد اية ؟؟؟

استهلاك اللوجان للبنزين

أيه أقل معدل استهلاك للبنزين وصلتله عربيتك اللوجان؟

استهلاك الياريس للبنزين 95

استهلاك عربيتى للبنزين

الكلمات الدلالية لهذا الموضوع

المفضلات

المفضلات

ضوابط المشاركة