تقرير فحص التوكيل للميجان 2006 - هل العربية كويسة و اشترى ولا سيئة ؟؟
السلام عليكم و وحوش الميجان
النهاردة كشفت على عربية ميجان 2006 اوتوماتيك عاملة 134 الف كيلو و ده كان التقرير بتاعها
فيا ريت تدلونى اذا كان التقرير كويس ولا وحش علشان ان شاء الله هشترى العربية بكرة .
هما سلمونى تقرير بالحاجات اللى محتاجة تتغير فى العربية و كبس الماتور
كبس الماتور كان : 10 - 7 - 7- 9
و الحاجات المطلوب تغييرها
1 ديفيزور
4 كويل
1 فيوز 40
1 علبة دريسكيون
2 مقص
1 طنبورة دينامو
1 شريط ايرباج
2 مدفع حزام
1 كمبيوتر ايرباج
2 حساس جنب ايرباج
1 حساس ضغط فتيس
1 uch
1 كمبيوتر فتيس
1 حساس مستوى زيت الموتور
1 حساس شكمان سفلى
1 حساس abs
و فى اخر التقرير مكتوب
السيارة بها اصلاحات خارط التوكيل و قطع الغيار اصلية.
مع العلم انهم مردوش عليا فى نقطة اذا كانت العربية مرشوشة من جوة ولا لأه و انا بصراحة معنديش اى خبرة فى النقطة دى.
و النقطة التانية قالولى ان العربية عاملة حادثة علشان كده مدفع الحزام و شريط الايرباج و كومبيتور الايباج و حساس جنب ايرباج محتاجين يتغيروا
و لما كلمت الراجل صاحب العربية على النقطة دى قالى هو فعلا العربية حصلها حادثة خفيفة فى جنب الباب و العتب من تحت و كان فعلا اثارهم باينين على العربية و قالى هو ده اللى خلى حساسات الايرباج تضرب.
النقطة التانية ان فيه كارت تشغيل ضايع و قالى انه فيه ناس بتعمل الكروت دى ب 500 جنيه
لان التوكيل بيعمله ب 1850 جنيه
النقطة الاخيرة انا خايف ان العربية جايبلها نص امامى لاننا لما بصينا على العتب حسيت بس ده مجرد تخمين ان العتب ملحوم.
افيدونى ان شاء الله لانى اتفقت مع الراجل انى مش هنفذ الا لما اسال.
