الموضوع: أأجر الشقه لسورى ولا لا ؟؟

المشاركة الأصلية كتبت بواسطة ياسر مصطفي

اولا بشكرك على كلمة اجر رمزي دي لاني كنت عايز اكتبها بس كانت تايهه عن بالي بجد فكتبت كلمة بسيط ههههههه

ثانياً . انا كنت باجر في بيتنا لناس مصريين كانوا في امس الحاجه لشقق مع اني مكنش في بالي ااجر لحد ويوم ما اجر الشقه مني . نظراً لظروفه ولاني مبرحمش فعلا !! فاخدت منه 160ج كل شهر بدون مقدم بدون خلو بدون بدون بدون . اللهم اصلح احوالنا يارب

جزاك الله خيرا

اصل يا كبير
بيتنا القديم خلاص كل اما ارمم فيه حاجه حاجه تانيه تبوظ
المهم قررت اخد شقه ايجار قانون جديد
اقل شقه ادميه 2000 جنيه طب ليه يا ناس ايه الى جرى وايه الى حصل دى الشقه فى المكان دة كانت 1500
قالك السوريين رفعوا الايجارات----طب ما فيه شقق فاضيه اهوة وكتير كمان-يقولك الاسعار بقت كدة
ما فيش رحمه يا استاذى
قلت اتنازل شويه واشوف شقه فى مكان تانى -حى شعبى مثلا---انسه انك تلاقى حاجه عدله
المهم لغيت فكرة حى شعبى وفضلت ادور وادور
لحد اما لقيت شقه فى مكان معقول 1700 جنيه فى الشهر-يا حلاوة
قمت ماجر على طول فرصه لاتعوض 1700 جنيه بدل 2000 وبدل 2500
شوفت ازاى اصحاب العقارات طيبين

انا لو عندى شقه كنت اجرتها ليهم بسعر قليل اعتبره نصره ليهم يا خى

المشاركة الأصلية كتبت بواسطة lanos2004

شوف انته لو مش عايش فى نفس البيت الى هتاجر فيه الشقه
انته تاجر عقد 6 شهور او 9 شهور
وتاخد تامين على الاقل ثلاث شهور او اربعه --علشان بس لو بعد كدة اخر الايجار تكون ضامن حقك لنهايه فترة الايجار

تمام انا فى الطبيعى باخد تأمين 6 شهور

حديلو عقد على قد التأمين كفترة اطمئنان ومعرف حسن المعامله مش اكتر

كلامك سليم

المشاركة الأصلية كتبت بواسطة 3mr farrag

هو ذي ما قال استاذ لانوس
بس هيفرق شويه.....ايجار الشقه في حدود مثلا 2000 جنيه ولا مثلا 1000 ولا اقل
وانت تعرف مستواه فعلا...والاحتمال للناس الاقرب ليه
لأنه وارد جداا ان ناس تيجي تقعد عنده فتره
وحضرتك ممكن تسأله مباشره علي الموضوع ده
الموضوع مش سوري ولا غيره....قد ما يكون واحد محترم ومايبهدلش الشقه
والمحترم مابقاش بالشكل و لا بالفلوس

اما بخصوص الضمانات انا مش عارفازاي تتعمل وهو اكيد مش معاه اي اثباتات انه دخل مصر..

ياااه 2000 و 1700 ايه الارقام دى !!!!!!!! ده حيأجر عندى بــ 600 جنيه بس

المشاركة الأصلية كتبت بواسطة mazagangee

انا ماجر ل 4 سوريين و منهم 2 من اكتر من 3 سنين و مفيش مرة الايجار اتاخر او عملوا مشاكل
ناس محترمين و مالهومش صوت خالص و لا تحس ان فيه سكان في البيت

والله شكل المصريين هما الى اغلبهم غلط ومعاملتهم زى الزفت ........... انا الى الان شايف ناس محترمه بجد (اقصد السوريين) خلاف ما عندنا

المشاركة الأصلية كتبت بواسطة ahmed a.maksoud

كل جنسية فيها الكويس و الوحش.......مفيش مقياس غير حكمك على الشخص

واحد صاحبي مأجر شقته لسوريين بقاله سنة و واحد صاحبنا ساكن في نفس العمارة بيقول عليهم ناس كويسة جداً

و وارد طبعا انه يستضيف حد لفترة و ده مش عيب

المشاركة الأصلية كتبت بواسطة eldeep

المهم لا تستغل الحاجة ......وعاملهم بما يرضى الله

الحمد لله ده مش من طبعى

المشاركة الأصلية كتبت بواسطة lanos2004

اصل يا كبير
بيتنا القديم خلاص كل اما ارمم فيه حاجه حاجه تانيه تبوظ
المهم قررت اخد شقه ايجار قانون جديد
اقل شقه ادميه 2000 جنيه طب ليه يا ناس ايه الى جرى وايه الى حصل دى الشقه فى المكان دة كانت 1500
قالك السوريين رفعوا الايجارات----طب ما فيه شقق فاضيه اهوة وكتير كمان-يقولك الاسعار بقت كدة
ما فيش رحمه يا استاذى
قلت اتنازل شويه واشوف شقه فى مكان تانى -حى شعبى مثلا---انسه انك تلاقى حاجه عدله
المهم لغيت فكرة حى شعبى وفضلت ادور وادور
لحد اما لقيت شقه فى مكان معقول 1700 جنيه فى الشهر-يا حلاوة
قمت ماجر على طول فرصه لاتعوض 1700 جنيه بدل 2000 وبدل 2500
شوفت ازاى اصحاب العقارات طيبين

استغلال بس حضرتك بتتكلم عن اى امكان ؟؟

اعتقد انة ممكن تضع شرط جزائى بانة بعد نهاية مدة العقد يعتبر ايجار اليوم مثلا مثلا 500 جنية يوميا +حساب فوائد بنك مركبة وبكدة لو رفض يمش بعد العقد يبقى الشرط الجزائى ضامن لحقك

اعمله عقد مدة ٣ شهور في الاول و لو ارتحت للراجل و بيدفع الايجار في معاده يبقا اعمله عقد تاني بقا و يكون سنوي ولا حاجة ،،، بس متخفش معروف عن السوريين انهم مش بيتاخروا في دفع ولا حاجة

اتفق معاه علي فتره قليله للإيجار في الاول لمده ٦ شهور مثلا و بعد فتره مش كبيره حضرتك هتقدر تحكم عليه و بناء علي ذلك تشوف إذا كنت هترتاحلها للموضوع فتجد معاه بعد كده زي ما انت عايز او تخلص المده و ما تجد دش تاني لو حصلت اي مشاكل و الكلام ده لأي مستأجر مش شرط لانه مش مصري لان كل جنسيه فيها الكويس و السيء

1700 دة فى النزهه الجديدة -القاهرة وبالعافيه على اما لقيتها