الموضوع كتر وقدم وبقى سخييييييييييييييييييييييي يييييييييييييييييييف
اللي عايز ياخد غرز --لو لازم يعني وخلاص هيفوته ميعاد الطيارة-- يخليه في الشمال أو حتى تاني حارة شمال
لكن اللي بيحصل ده مهزلة وبتحصل حوادث بالعبيط بسبب الفهلوة السخيفة دي
عرض للطباعة
الموضوع كتر وقدم وبقى سخييييييييييييييييييييييي يييييييييييييييييييف
اللي عايز ياخد غرز --لو لازم يعني وخلاص هيفوته ميعاد الطيارة-- يخليه في الشمال أو حتى تاني حارة شمال
لكن اللي بيحصل ده مهزلة وبتحصل حوادث بالعبيط بسبب الفهلوة السخيفة دي
انتا اصلآ على الطرق السريعه لو بتأخد غرز يمين بتلاقى عربيات جايه عكس :d
اصلآ احنا بلد عكس
في الحالتين غلط تاخد غرزة :d
لان اليمين زي الشمال في مصر....كلها حارات بطيئة. الحل؟ تقعد في بيتكم احسن لانك ياما هتعمل حادثة ياما هتتثبت.
حسبي الله ونعم الوكيل.
اخطر غرزه هى الغرزه الى فى اقصى اليمين دى ( عملتها مره زمان اوى و لقيت عربيه فى وشى و حرمت من ساعتها - مكنتش اعرف الخطوره بتاعتها )
حاليا بقى ممكن تلاقى عربيه واقفه - توكتوك جاى عكس - ناس مستنيه المكروباص ع السريع - عربيه ترمس ع الدائرى
بس بصراحه عندى احساس ان الغرزه لما تتاخد للحاره اليمين ( مش اقصى اليمين ) بتبقى امان اكتر مش عارف ليه بحس ان العربيه ماسكه نفسها احسن مش عارف ده صح ولا احساس ان العربيه بتروح للجنب الى انا مش فيه الاول
الاسف كتير من الناس لما بتشد ولا بتجرى بتلاقى اليمين فاضى فا هب اخدين يمين ميعرفوش ممكن مستنيهم اية بس حرام خلو بالكم فى ناس بتبقا وقفا على اليمين
الغرز اصلا حرام
للأسف الشديد، ده بقى العادي
دى حقيقه فعلا ، الموضوع بقى مستفز وكل الناس عامله نفسها مايــكل شــــوماخر وان شوارعنا المعفنه المكسره بقت حلبات ســــــــــــــــباق
بصراحه كل ما بشوف واحد مش الشباب السيس دول بيعمل غرز فى شوارع عرضها حوالى عشره متر وزحمه ، ببقى عايز اوقفه والســـــــــــــــــعه على قفـــــــــــــــــــاه
ههههههههههههههههههههههههه هه طيب لو شوفته حد بياخد غرزة وعلي العربية استيكر نايل موتورز يسامحني :44:
بس نتفق لو الطريق فاضي ووواحد ماشي علي الشمال علي 20 .... هاخبطه هههههههه
لا يمين, ولا شمال..
يا ريت كل واحد يلتزم بحارته و الحياة هتبقى فلة..
طب لما يكون في عالم رخمه بنت رخمه ماشيه بطئ على الشمال وفي النص ومفيش مكان اعدي منه غير على اليمين الواحد يعمل ايه بس ؟
على العموم انا مابعديش من على اليمين غير لما بتكون الرؤيه واضحه وشايف ان مفيش اي خطر من اني اتجاوز من اليمين.
عملتها قبل كدا و دخلت اقصى اليمين لقيت واحد راكن ف المخالف و لبست فيه xd
بلاش غرز يا جدعان و الله اخرتها سودا
حاولو متغيروش حارتكم على قد متقدرو
نصيحة من مجرب بلا ا ا ا ا ا ا ا ا ش
أحيانا الغرز من ناحية الشمال بتكون ضرورية لما يكون قدامك أتوبيس/نقل/سايق بطيئ ووراك نقل أو حتى ميكروباص ومش عاتقينك كلاكسات وبيكبسوا بنزين
والغرزة بتتعمل صح برده.. إشارة للي وراك + كلاكس خفيف للي قدامي + تقدير مسافة مزبوط + بيكون اللي قدامي واللي ورايا متوقعيني (مش زي اللي بيكسروا علينا بعربياتهم ومتقمصين دور الموتوسيكلات الصيني)
وجب التنبيه عشان ملاحظ بعض الزملاء الأفاضل فهموني غلط
حضرتك بتتكلم عن مصر ؟؟
يا باشا دا الناس بتاخد غرز من فوق الكبوت والغرز دي متعت القياده انا معاك انها متعه مميته بس الطريق بحيكمك
احنا فمصر
وبنتوقع اي شئ فالطريق
تعبت بصراحة من طريقة السواقة و تعبت كمان من الكتابة في المواضيع دي .
للآسف دي أخلاق (رقم 1 ) و تفاهة (رقم 2 ) و غباء (رقم 3 )
انا شوفت بي ام من 3 سنين بيأخد غرزة يمين ....... لبس في نقل كان راكن في أقصى اليمين ....... و العربية بقت كفتة .
ربنا هو الهادي
حصل موقف هحكية علشان الناس تتعلم
عربية واحد زميلي في الشارع هيونداي اكسنت ار بي جديدة لسه
المهم اول يوم العيد قولنا نرو دندي مول بليل المهم واحنا علي طريق المحور
وصحبي ماشي علي 180 وماشي شغال غرز يمين شمال والعربية بسم الله ماشاء الله حب جميل وثبتة لي انها كانت لسه جديدة معملتش 3000 الف كيلو سعتها المهم وهو ماشي في الشمال لقيامامة علي بعد مثلآ 200 متر او اكتر عربية وسرعته هتتخطها وفي الحارة الي في النصف عربية جيب وسرعته برضة ضعيفة وهو صحبي سرعته هتتخطها المهم راح يمين من الشمال لليمين مش حارة حارة لا خطف اليمين اتاري بقا ايه الجيب مغطية علي عربية 127 هوبا مسك فرامل العربية عومت بقت من وره جت يمين وشمال وقام لطش العربية ال127 بي جمبة الباب اطبق بتاع 127 وعربيتة الباب والرفرف رشه وسئلتة ايه سبب التعويمة قالي ان الدركسيون خفيف جدآآآ مش دركسيون زيت كهرباء فالما ضغط جامد الدركسيون عايز اقل من لمسة فا الحمد الله انها جت علي قد كده والعربية ماتقلبتش لي اني مش متخيل لو عربية كانت اتقلبت علي سرعة 180 كانت هتبقا شكلها ايه واحنا كنا هنبقا ايه
ده اصل المشكلة ,
http://www.nilemotors.net/Nile/338367-a.html
و لو اتحل (و حله ان يبقى فيه رغبة عند الناس انها تراعي بعض مش رغبة انها تخنق على بعض) هايقلل عدد الناس اللي بياخدوا غرز بنسبة كبيرة
الجزء التاني من الحل ان اللي بياخدوا غرز نفسهم يراعوا برده الناس التانيين ما يبقاش عايز يدوس عليهم
أنا باخدد الغرز اليمين في حالة واحدة إني أكون كاشف الغرزة تماما وعشان أعملل كده ببقوم حادف بالعربية يمين جامد قبل الغرزة علىطول ومطلع راسي يمين وأشوف لو فاضية كملت يمين لو مقفولة بيبقى قدامي فرصة إني أرجع تاني فمش بسيب أي مجال للخطأ والصراحة الغرز إللي عاليمين بتبقى كلمة السر إنك تجيب أي حد بيشد معااك
انا مبخدش غرز خالص الحمد لله
نقل حارات فقط
فوضى الشارع اسوء قيااااااده فى العالم قيااااااادة المصرييييييييين
- كل واحد أتكلم معاه او اسمع كلامه تحس أنه ملتزم بالقواعد 100% طب مين بقى اللي بيكسر القواعد :new:
-مبررات everywhere :go:
اكيد مش في المنتدي هههههههههههههههههههه .........وانا اعترفت
بس بجد بجد حرام لما تلاقي واحد ماشي وهو واقف علي الشمال هههههههههه
زي ما حران غرزة علي اليمين ....... يبقي حرام ده يمشي علي الشمال
ودلوقتي بقي الشارع لو 4 حارات
اليمين فاضية طبعا ....... اللي بعديها والشمال ماشين علي 20
وااللي بينهم ماشي علي 30
انت بقي تخش وسطهم وتستني حد يتعطف عليك ويشعر بنزين علشان تطلع من وسطهم او تاخد اليمين
الرحمة حلوة برده :))
-الكلام مات يا جماعه احنا نتكيف على الوضع و خلاص :36_2_46[1]:
- و على فكره أقصى سرعه داخل المدينه 60 كم-س و 90 كم-س :ok:
مش ديه المصيبه كمان اللى بياخد غرزة من ناحية الشمال ساعات مش بشوفه بلاقى صاروخ من جمبى
-الصراحه طريق السويس و الاسماعيليه مليش فيه أخري الرحاب و توكيل هيونداي في الاسماعيليه يبقى الحمد الله أنا مش من الأغبيه :Oc_sun1[1]:
-بس أعتقد لو طريق سفر بيبقى فيه مناطق سكنيه ف لازم تنزل بسرعتك + ان السرعه الرسميه 120 كم-س في طريق السخنه فقط الباقي أعتقد كله 100 كم-س
-أنا أكيد مثلا مش بتقيد بالسرعه الرسميه لطرق السفر زي وادي النطرون بس بكون شايف الطريق فاضي لمرمى البصر و واثق من الاطارات و مفيش مناطق سكنيه الح....
-لو قيه كثافه على الطريق أخري 100-120 كم-س
-أنا عندي نظريه لو مفيش قاعده ثابته يبقى لا تلوم أحد لو مفيش سرعه قانونيه نلتزم بها يبقى لو أنا نتهور مثلا و ماشي 160 و عامل وحش على الناس اللي سايقه بالسرعه القانونيه هيجي عليك واحد راكب ب BMW ماشي على 200 كم-س يشيلني من على الارض :go:
الغرزة من اليمين لو مش شايف الطريق قدامك هتبقى كارثة لان هناك احتمالات كتير:
عربية ماشية براحة
عربية راكنة اصلا
ناس واقفة
طوب او رملة او ردم مرمى على جنب الطريق
لا يا باشا انت كده كده مش من الاغبيه :Oc_sun1[1]:
انما الفكره كلها لما الطريق مهما كان سرعته وتلاقي واحد بيتدلع في الحاره الشمال. زي ماتكون أمله انه يمشي فيها. وتلاقيه ماشي على 60 مثلا والسرعه 100. والناس طبيعي بتمشي على 120 يعني فرق كبير حتى عن السرعه المحدده.
ومعاك حق في موضوع البي ام الي بيمشي على 200. اول لما طريق اسكندريه اتفتح اول مره بعد التصليحات في الصيف كان اقل واحد ماشي 200 والي وراه بيقلبله عشان يوسع :chirol_bak1:
ساعتها طبعا كنت انا ماشي 210 وبقلب للناس الوحشه الي ماشيه 190 عشان مش عارف اعدي هههههههههههههه ايااااام
متحاولوش يارجالة :((
للأسف الجرى عـ الطرق السريعة بقى يميــــــــن؟؟!!! -- غير كده مش هتعرف تجرى!
وده للإثنين: للى بيجرى واللى بيتغرز عليه -- تخطى! lol
:C_laugh[1]:
- واللى بيقول أنه مابياخدش غرزة يمين إلا لما يكون كاشف الطريق؟؟!!! أقوله: إنسى الكلام ده! :wink01:
دا فيـــــــــن ده؟؟ وعلى سرعات كااااااااام؟؟!!
أى غرزة يمين على سرعة عالية بتبقى pure LUCK 100% مفيهاش أى حرفنة ولا سواقة ولا إمكانيات عربية!!
- أنا شايل واحدة قبل كده فـ قلب مدينة نصر.. فـ غرزة يمين (كنت حارق بعد مطب على الـ2nd لحد 6000 rpm) وهى بتعدى الشارع غلط X
والحمد-لله انها ما ماتتش! :go:
- وبفضل الله -وحده- نافد من غرزة يمين عـ الصحراوى على 190-200...
بعدى النقل من اليمين لقيت واحد تانى (نقل برده) على يمينه: عديت بينه وبين السور الخرسانة بالعافية؟!! :36_2_46[1]:
بس فعلا: البنى-آدمين اللى بيمشوا فـ الشمال يشلوا؟؟!!! أصلا غلط جدا انك تمشى بطىء فـ طريق سريع عليه صورايخ من اليمين والشمال!
ياتمشى بسرعة الطريق، أو ماتطلعش عليه أصلا وتغور تمشى جوا البلد (وبردو هيقرف الناس ويعمل زحمة)!!
ربنا يسترها ان-شاء الله
من حق الطريق عليك -- فـ رأيى:
- لما تلاقى واحد جاى من وراك بسرعة عالية.. لاااااااااااااازم ولابد توسعله!
عن نفسى بعمل كده -ولو حسيت انه ممكن يتلخبط (يعدى من يمينى ولا شمالى).. بأديله إشارة/غمزة عـ الجنب اللى هأروح عليه، أو بكسر الدركسيون خفيف!!
مش عايز أقول: دانا ببقى شايل همه فـ الغرزة اللى بعدى -بعد ما يعدينى- هينفع يكمل بسرعته ولا لأ؟؟!!! دى مفيهاش هزار! :cool::cool:
أصل انت مش ضامن رد فعله أيــــــه؟؟
زى مانت ماتعرفش ظروف الفرامل بتاعته -- لو قفلتها عليه؟؟؟!!!!!!
دا حق الطريق: ماتعطلش واحد أسرع منك أبدا، و واجب عليك تعديه -لو تقدر safely؟!!
الناس اللى بتخنق عـ اللى بيجرى دول: خبؤات! Lol
الحمد لله .......... نادرا لما بمسك شمال أصلا ..... لأني في 99 % من الوقت مش بزود عن 80 كم - س و أحيانا 90 كم -س لو الطريق يسمح .
و اللي بيزمرلي أو يرعشلي و أنا يمين ........ ببقى عايز أنزل أضربه بالجزمة ....... و أقوله أروحلك فين يا غبي يا متغابي ؟
لما بسافر ....... مش بمسك شمال برضه ...... لأني بمشي بسرعة الطريق الرسمية ......... و غالبا قليلين قوي اللي بلاقيهم ماشيين معايا بنفس الأحترام ..... و الباقيين مش محترمين السرعة الرسمية ..
و بالتالي بأمسك يمين أو في النص ........ و لو بعدي نقل ........ على طول أرجع مكاني تاني .
و لكن الأحترام مفيش أحسن منه .......... و السرعات القانونية مش محطوطة هباءا ........ و التعود على الغلط مش معناه أنه يبقى صح .
مع أحترامي الكامل لكل الشخصيات المحترمة (ذاتيا ) في المنتدى .......... و لكن أنا لا أحترم التصرفات الخطأ فقط .
مع تحياتي و أرجوا أني مكنش بزعل حد برأيي
فعلا الغرز دلوقتي بقت pure luck من اليمين والشمال ومن كل حته :chirol_bak1:
بقالي كام يوم مابجريش غير في الطرق المستقيمه المفتوحه غير كده اخري اخد نص غرزه :d
في السعوديه بيعملوا زيك بالظبط. تبقى ماشي 180 في الحاره الشمال ولما حد يقلبلك لازم توسعله.
وانا بعمل كده كمان
وبالمناسبه حلوه كلمة خبؤات :biggrin:
+1
فعلا اغبيه قوي الناس الي بتقلب للواحد لما يبقى ماشي في النص او الحاره اليمين. مره واحد قلبلي وانا على اليمين قمت معلمه الادب.
بس صحيح يا رجاله انتم بتتكلموا عن الناس الي بتمشي بطئ على الشمال ومابتتكلموش عن البهايم الي شايفينك بتجري وفي غرزه قفلت عليك ولسه بتفتح وهتكمل جري يقوموا قفلينها عليك مع انك مدي اشاره كمان !!
اللي بيعمل غرزة في أوروبا ......... بيدخل السجن و يتحرم من السواقة كام سنة أو للأبد حسب الضرر ...... و يدفع غرامة ممكن يكون يبيع بيته فيها !!
و حضرتك بتقول عن اللي بيدافع عن حقه في الطريق (من حرامية الطريق الغرزجية ) انه بهيم ؟؟؟!!!
اعذرني ....... أصل مش معنى أننا بنسوق بالبركة ............ أن ده صح ..........
و على فكرة (في الدول المحترمة ) مفيش حاجة أسمها واحد يقلبلك علشان يعدي منك .
علشان ببساطة ...... فيه سرعة رسمية للطريق ........ و الكل ملتزم بها و مفيش حاجة اسمها تقليب للي قدامك .
مالها يا جدعان 80 أو 90 كم - س ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
لسة فيه زميل في قسم تويوتا عامل حادثه بسبب الغرزة بعربية ياريس .
و أنا شوفت واحد ببي أم بيعمل غرزة من اليمين من كام سنة على الدائري و العربية بقت كفتة ... بجد كفتة دخل في عربية نقل من ورا !!
ليه كل ده ...... كله بيوصل ... مش فارقة نص ساعة أو حتى ساعة زيادة على الطريق ........ المهم أني أوصل سليم معافي و معايا عربيتي سليمة ...... و الناس في الطريق سليمة
طبعا لا مجال للكلام عن الناس اللي بتمسك شمال و تمشي بسرعات منخفضة أو العكس .
التطرف شئ غير صحي (التطرف في أي شئ ........... حتى الدين )
ربنا هو ا لهادي .
تقبل تحياتي يا أستاذ محمود ........ و أرجوا أن وجهة نظري توصلك
واضح ان في سوء فهم في الموضوع.
انا ماقصدش غرزه بمعنى اني اكسر على حد. اقصد عاوز اتجاوز. هوضحها اكتر
انا ماشي في الحاره الشمال وقدامي واحد تييييت ماشي بطئ جدا وعلى اليمين الطريق كان في عربيه بس الطريق فتح وممكن ادخل يمين. بقوم مدي اشاره وهدخل يمين واكمل وإذ فجأه الاقي بهيم بيكبس عشان ماعديش ويمشي يتمختر سعادته.
يبقى بهيم ولا مش بهيم ؟ :d
ومع احترامي لحضرتك الي عاوز يمشي على 80 و90 يمشي بس في الحاره المخصصه للسرعه دي انما مايقفلش الطريق على حد. يعني مايصلحش الغلط بغلط