إستفسار بخصوص دينامو اللادا

**Truman** · 18-03-2013 08:06 PM

عربيتى عطلانه بقالها أكتر من أسبوع الدينامو قطع شحن و الباطرية خلصت و حاولت أدورها بالكابل مفيش فايدة لمبة البطارية طافية رحت فكيت الباطرية و شحنتها و ركبتها تانى و حاولت أدورها بالكابل مفيش فايدة برضه مش عارف دى مشكة مارش و لا إيه و يا ريت حد يدلينى على كهربائى كويس فى 6 أكتوبر عشان مش عايز حد يعجن فى العربية و لكم جزيل الشكر

**mohammed dodda** · 19-03-2013 03:25 AM

انا مرة لقيت لمبة الدينامو الحمرا نورت عندى فى التابلوه رحت للكهربائى وانا حاطط ايدى على قلبى وايدى التانية على جيبى قالى الدينامو كويس بس هنغير حاجة جواه اسمها قاعدة السيليكونات..أشتريتها روسى جديدة ب55 جنيه وركبت والحمد لله اللمبة طفت

**hassanin_lada** · 19-03-2013 06:25 PM

المشاركة الأصلية كتبت بواسطة truman

عربيتى عطلانه بقالها أكتر من أسبوع الدينامو قطع شحن و الباطرية خلصت و حاولت أدورها بالكابل مفيش فايدة لمبة البطارية طافية رحت فكيت الباطرية و شحنتها و ركبتها تانى و حاولت أدورها بالكابل مفيش فايدة برضه مش عارف دى مشكة مارش و لا إيه و يا ريت حد يدلينى على كهربائى كويس فى 6 أكتوبر عشان مش عايز حد يعجن فى العربية و لكم جزيل الشكر

كلام الاستاذ محمد سليم واساس الدنمو هو القاعده نفسها اللي بيقول عليه

بس انا غيرتها بواحده استيراد ب 80 ماعرفش بقي ايه الفرق

عموما اتأكد ان المشكله من الدنمو فعلا يعني تروح تقيس الشحن عند اي واحد بتاع بطاريات لو طلع اكتر من 14 يبقي كده الكاتوت اللي عندك بايظ فالدنمو بيدخل كهربا كتير وغالبا هتعوز تغير بطريه لانه هتلاقي فيها ربع ضرب

بس انشألله يطلع العيب من قاعدة السليكونات وتغيرها والعربيه تبقي زي الفل

الكلام ده لو الشحن قليل يعني 10 او 11 كده يعني

واكشف علي البطريه بالمره

الكاتوت لو هتغيره هيبقي في حدود 30 / 35 جنيه بس هاتو من حد ثقه عشان اللي في السوق مضروب وبعد ماتركبه اكشف علي الشحن تاني وخليك متابع مؤشر البطريه

وزي ماستاذنا الكبير احمد جمال قال

اي موشر في العربيه يجي علي الاخمر يبقي خطر

ارجو اكون افدك