عايز أشتري كومبيوتر PC من اسكندرية خلال يومين ..
حد يعرف مكان كويس ومضمون .. وتكون المكونات متوفرة عنده لأني عايز أجمع جهاز وأنا واقف وإمكانياته عالية
همتكم معانا يا اسكندرانية :Oc_sun1[1]:
عرض للطباعة
عايز أشتري كومبيوتر PC من اسكندرية خلال يومين ..
حد يعرف مكان كويس ومضمون .. وتكون المكونات متوفرة عنده لأني عايز أجمع جهاز وأنا واقف وإمكانياته عالية
همتكم معانا يا اسكندرانية :Oc_sun1[1]:
نصيحة اشتري جهاز اتش ابي او كومبك او ديل او اي ماركة محترمة وسيبك من التجميع حتتقرف ومشاكل دايما في الكيسة , مره بريسسور ومره كارته فيجا ومره فانه ومره ... الخ
انزل سوق الكمبيوتر فى سموحه وحتلاقي كل حاجة عن الكمبيوتر
+11111111اقتباس:
المشاركة الأصلية كتبت بواسطة alexaway
Maximum hardware الديب مول
أفضل شركة في اسكندريه والقاهرهاقتباس:
المشاركة الأصلية كتبت بواسطة ahmed ezz
مجمع منهم جهازي مكلفني 11 الف .. وكل الاكسسورات بجبها منهم .
ومعروفين انهم بيجيبوا الحجات الغاليه والعاليه
نصيحه .. جميع جديد .. وسيبك من خدعة اجهزة مستعمله استيراد والكلام الفاضي دة
انا كنت شغال فى مجال صيانة الكمبيوتر لفترة اربع سنوات واتعاملت فى البيع والشراء كمان وكنت بجمع اجهزة وعندي خبرة في المجال ولما اقول ان الاجهزة الكومبك افضل يبقي عن خبرة مش فتي وخلاص , اغلب عملائي وقتها اللي كان لديهم اجهزة كومبك اعطالهم فى الاجهزة بتكون من سوء استخدامهم , اما عملائي من الاجهزة التجميع فكانت بتبقي من عيوب الصناعة وعيوب التجميع ودايما كانوا بيجيولي كل شويه علشان اغيرلهم ويندوز ( دا بالاضافة لاعطال الهاردوير اللي مبتخلصش ) ,اما الاجهزة الكومبك عمري ما جالي جهاز نسخة الويندوز فيه ضاربه او محتاجه تغيير الا لما يكون الزبون عايز يغير لنسخة احدث .اقتباس:
المشاركة الأصلية كتبت بواسطة dreamo
معلومة هامة لحضرتك وللاعضاء الكرام الشركات الكبيرة اللي بتصنع اجهزة كومباك بتحط مكونات الجهاز بشكل متوافق مع بعضها بحيث الجهاز يعمل بسهولة وبشكل سريع وبدون اي مشاكل , دا غير ان المكونات دي بتبقي ذات جودة عالية لان الشركة اسمها كبير ومش عايزه تخسر سمعتها , مش مكونات من زبالة الصين زي القطع اللي موجودة فى الاجهزة التجميع .
معلش بس يعني ايه عيب صناعة ؟! نفس المنتجات الي بتركب هنا هي الي بتركب هنا بالعكس في التجميع بتبقي حاجات احسن !! ... بالعكس الاجهزة الكومباك و الحاجات دي بتبقي متهانة و اترمت في بلدها في الزبالةاقتباس:
المشاركة الأصلية كتبت بواسطة alexaway
متشكر جداً على كل الردود
وبالنسبة لاختيار جهاز أصلي أو تجميع .. فللأسف خيار جهاز أصلي غير متاح لأني محتاج جهاز بإمكانيات عالية لشغل 3D Rendering وبالتالي الأجهزة الأصلية الي موجودة في مصر مش هتنفع خالص ، ولو حبيت أجيب جهاز أصلي بالإمكانيات الي أنا عايزها هيتخرب بيتي أكيد :)
وأنا شايف إن أجهزة التجميع ممكن متفرقش عن الأصلي في حاجة لو اخترت المكونات بعناية بحيث تكون متوافقة
+ مليون ! ... معاك في نقطة خدعة الاجهزة المستعملة الاستيراداقتباس:
المشاركة الأصلية كتبت بواسطة DreAmO
المكونات بتبقي هي هي ... مش هيحطوا رامة هنا فرز تاني و هنا اول !! ... و طول ما انت بتختار مواصفات جهازك بعناية هيبقي افضل 100 مرة من الاستيراد ... دي اجهزة عفي عليها الزمن !
و الا تبقي صناعة الكمبيوتر في العالم الي بمليارات ملهاش لازمة و شركات زي Asus , gigabyt , kingstone , thermaltek , antec , ocz تقفل !
للعلم كمان ... نسبة الاجهزة الماركات ال HP و الكومباك و الحاجات دي لا تتعدي 10% من اجمالي حجم سوق الكمبيوتر في العالم ! ... مفيش الا التجار اصحاب الضمير المعدوم في مصر بيلموا الاجهزة الي عمرها الافتراضي انتهي و اترمت في بلدها في الزبالة ... بيلموها و يشحنوها لمصر و يبيعوها باسعار خزعبلية بالنسبة لامكانيتها العتيقة !
------
الحال من بعضة هاني طلبة في Maximum مشطب جيوبنا اول باول :D
بس بسم الله ما شاء عندة تشكيلة تحفة
اول حاجة مش نفس المكونات اللي بتركب فى الاجهزة الكومباك بتركب فى اغلب الاجهزة الموجودة في مصر , انت لو جبت نفس المكونات اللي موجودة فى الاجهزة الكومباك وجمعتها مع نفسك حتعمل اغلي من لو اشتريتهم جاهز من شركة محترمة , تاني حاجة حتي لو كانت نفس المكونات هي هي فهل تعتقد ان المنتج الموجود في السوق المصري اصلي وايه اللي ينضملك انه مش معمول في مصانع تحت بير السلم فى الصين ( وعلي فكرة اغلب بضاعة الصين الموجودة فى مصر فرز تالت ) ,تالت حاجة لو حتي لقيت مكونات اصلية مية في المية وهي نفس المكونات اللي موجودة فى الاجهزة الكومباك فهل عندك المهندسيين اللي حيقدروا يجمعوا هذه المكونات بشكل متوافق مع بعضها بحيث لا يكون هناك تعارض ويعمل الجهاز بكفاءة وبالسرعة المطلوبة منه ؟؟؟ .اقتباس:
المشاركة الأصلية كتبت بواسطة ahmed ezz
اخيرا بخصوص الاجهزة الكومباك وانها متهانة واترمت فى الزبالة في بلدها , فحضرتك بتقصد بكلامك الاجهزة الكومباك المستعملة " ممكن حضرتك تشتري كومباك جديد مش لازم مستعمل " ,الكلام علي ان الاجهزة المستعملة متهانة وبتترمي فى الزبالة كلام غير صحيح بالمرة , انا واحد اشتري كونتر اجهزة مستعملة وكان طالب مني وقتها اني اروح اتمن سعرها ,مفيش كيسه كنت افتحها الا لما الاقيها بتبرق من جوا ,متبصش لبلاد بره علي اساس انهم بيعملوا الكمبيوتر زي المصريين , هناك الحاجات دي بتتعامل كويس مش زي عندنا هنا بنهلكها ومنرمهاش الا لما نكون فرمناها , بره اغلب الشركات والبنوك بتغيير اجهزتها المكتبية وتجيب الاجهزة الاحدث والاجهزة دي بتبقي لسه بحالتها لان هناك مفيش تراب وفي تكييف وناس محترمة وفاهمة بتتعامل مع الجهاز .
فعلا انت لو عايز تجيب جهاز كومباك بمواصفات عالية فتلاقي سعره عالي جدا , انما التجميع حيكون سعره اقل في دي انا معاك ومش حينفعك جهاز كومباك مستعمل .اقتباس:
المشاركة الأصلية كتبت بواسطة abdo_eldesokey
اما بخصوص نقطة ان الجهاز الاصلي ميفرقش عن التجميع في حاجة فدي معلومة غلط , فرق السما والارض بين الاتنين , امال الاصلي ليه غالي ؟؟؟؟
وحتي لو الاصلي غالي علشان الشركة بتتضحك علي الناس وبتبعلهم الحاجة اللي رخيصة غالية فهل انت تقدر تجمع جهاز بشكل متوافق زي المهندسيين اللي شغالين فى هذه الشركات الكبيرة ؟
يا راجل يا مفتري :)اقتباس:
المشاركة الأصلية كتبت بواسطة ahmed ezz
الاجهزة الكومباك بيتحط فيها رامة فرز اول وهنا فرز تاني
يعني شركة ابل بتحط في اجهزتها رامة فرز اول ورامة فرز تاني :)
واضح انك اشتريت جهاز كومباك مستعمل من واحد معندوش ضمير غير المكونات الاصلية للجهاز وعلشان كدا عندك فكرة سيئة عن الاجهزة الكومباك .
يا باشا فكرتك عن السوق المصري قديمة اوي ... دلوقتي السوق كلة منتجات عالمية من Asus و sapphire و Antec و EVGA و حاجات تانية كتير بوكلاء محترمين جداً زي QDS و الطويل و X-track كلهم حاجات ليهم وزنهم في السوق .. و معلش يعني ايه مهندسين يجمعو بنفس الكفاءة ؟! تجميع الكمبيوتر واحد ! ... و بالعكس نقطة ان لو نفس المواصفات لو جمعتها بنفسي هتبقي اغلي من جهاز كومباك مثلا! و نحسبها مع بعض يا باشا باي جهاز حضرتك تختارةاقتباس:
المشاركة الأصلية كتبت بواسطة alexaway
النقطة الوحيدة في التوافق هي اني مثلا اختار رامات ب Buss يمشي من البوردة مش اكتر ... بروسيسور بنفس سوكت البوردة و هكذا انما نقطة ان شركة x مش تشتغل مع شركة z دي كش صحيحة !
يا باشا انت لما بتنزل تشتري بيبقي في رامات صيني مجهولة المصدر لحد رامات OCZ و رامات G.skill بالوفات مروراً بـرامات كينج ستون الي ب 140 يعني فرق 10 جنيه عن الصيني المجهول ! .. يعني العيب علي الي بيختار !اقتباس:
المشاركة الأصلية كتبت بواسطة alexaway
و دي مثلاً تشكيلة الرامات الي في السوق يا ريس
Maximum Hardware Prices, Review, Compare in Egypt | EGPrices.com
هي Asus شركة جديدة ؟اقتباس:
المشاركة الأصلية كتبت بواسطة AhMeD EzZ
دا انا اعرفها من اول ما اشتغلت فى المجال دا من اكتر من عشر سنين واضح ان فكرتك عن السوق انت اللي مش دقيقة :)
وبعدين مع احترامي لحضرتك انت بتقارن مين بمين , بتقارن بين اسوس وفيجا وبين اتش بي وديل وابل وشركات عملاقة !!!
برضوا معلومة غلط التجميع مش واحد , يعني عايز تجيب ناس فهمة يعني ايه تردد ويعني ايه فولت ويعني ايه الكترونيات ودوائر الكترونية لواحد كل اللي يعرفه عن التجميع هو الباس وسكوت البرسيسور :) , بجد ضحكت من حكاية سوكت البرسيسور دي :)
وعموما يا سيدي انا بقول رأي انت مش مطالب انك تقتنع بيه ورأي دا بناء عن خبرة في مجال الالكترونيات وكمان مجال صيانة الكمبيوتر لمدة اربع سنوات , ممكن اعرف حضرتك بتتكلم عن خبرة في مجال ايه ؟ ولا معلومات حضرتك معلومات عامة ؟؟؟
طبعا محدش يقدر ينكر ان الأجهزة اللى زى hp & dell مثلا افضل من الأجهزة المجمعة وده ليه ؟
الفرق فى حاجة واحدة وهى ال quality control بمعنى ان الأجهزة اللى بتبقى من الشركات العالمية بتبقى فية مواصفات صارمة تتطبق عليها وهى مواصفات الدول الأوروبية وطبعا ده للاجهزة الأستيراد لكن عموما حتى الأجهزة اللى بتبيعها توكيلات الشركات دى فى مصر وده طبعا زى كل الأجهزة اللى بتنزل شرق اوسط بتبقى فرز عاشر وستوكات عندهم علشان كده بيبقى فية فرق سعر جامد قوى بين هنا وهناك وده طبعا بينطبق حتى على المكونات اللى بنجمعها بتلاقى فرق فى الأداء بين الكروت والهاردات اللى حد بيجبها معاه من اوروبا واللى بتتباع هنا فى مصر فانصحك لو تقدر تشترى جهاز اصلى من كارفور مثلا لكن انا بارشحلك تشترى جهاز سوبركومبيوتر مع هارد سيجيت اسود 2 تيرا وده اسرع جهاز فى مصر بس سعره عالى شوية
ASUS - P6T7 WS SuperComputer
مش فاهم هو كلام حضرتك دا ايه علاقتة بان الرامات اللي فى الاجهزة الكومباك فرز اول علي تاني بالعكس دا انت ايدت كلامي ان الجهاز التجميع سلطة ممكن تلاقي فيها فرز اول علي تاني علي رامات مجهولة المصدر .اقتباس:
المشاركة الأصلية كتبت بواسطة ahmed ezz
معاك فى موضوع الجودة دا , واحب اضيف ان الشركات الكبيرة دي بيبقي لقيها معاملة خاصة من جانب الشركات المنتجة لها , يعني المنتج اللي بيتبعت للشركات دي بيبقي بمواصفات عالية جدا ,بالاضافة ان في شركات بتطلب تصنيع مكونات خاصة بها فقط , وعلي سبيل المثال البرد الخاصة بالاجهزة الكومباك اغلبها مصنعة خصيصا للشركة وليست مطروحة للجمهور لشرائها , دا غير ان فى مكونات بيتم تصنعها فى الشركة نفسها .اقتباس:
المشاركة الأصلية كتبت بواسطة aw2100
للاسف تم تشويه الاجهزة الكومباك من جانب المستورين المصريين اللي بيجيبوا اجهزة كومباك مستعملة ويغيروا فى مكوناتها بغرض بيها بسعر اعلي ووضع مكونات رديئة اخرا داخلها
وده موقع بيتكلم عن مكونات السوبركومبيوتر المنزلى طبعا احنا هنا بنتكلم عن جهاز مش حيقل تمنه عن 15000 جنيه بس طبعا حيبقى سريع جدا فى برامج الd3 وفى فلاتر الفوتوشوب ومبروك على جهازك الجديد ؟؟
http://www.tomshardware.com/forum/26...ific-computing
alexaway
مع احترامى الشديد ليك بس كلامك ده غلط !
الأجهزة الاستيراد عمرها ما هتكون أحسن من التجميع
و الهاردوير اللى فيها هو هو اللى بيتباع فى المحلات
و مفيش حاجة اسمها فرز أول و فرز تانى
و مصر فيها توكيلات كتير بتجيب حاجات أصلية و مستحيل تكون صينى
و ليه التجميع محتاج مهندس متخصص ؟
الحكاية كلها تبقى فاهم اللى بتعمله
و لو واحد معندوش خبرة يسأل ناس تانية فاهمة و ممكن تدخل على عرب هاردوير تشوف طلبات التجميعات
و لو على كلامك أن الواحد يا يجيب استيراد يا يجيب مهندس يجمعله جهاز
يبقى كل الناس اللى على عرب هاردوير و tomshardware و guru3d و overclockersclub و anandtech و مواقع تانية حاجة من اتنين :
يا كلهم كفتجية و فتايين و ملهمش فيها
يا كلهم مهندسين متخصصين فاهمين يعني ايه تردد ويعني ايه فولت ويعني ايه الكترونيات ودوائر الكترونية
و معلش يعنى ايه الهاردوير ميبقاش متوافق مع بعض ؟
يعنى مثلاً لو بروسيسور amd لازم كارت الشاشة amd و لو ركبت nvidia مش هيشتغل عشان دى شركة منافسة !
و ايه علاقة الويندوز اللى بيقع بالكومباك بالتجميع ؟
سبحان الله ايه التأكيد دا علي ان الاجهزة الكومبك مش احسن من التجميع :) وكمان القطع اللي موجودة فيها موجودة في المحلات , طب ممكن حضرتك تكلف نفسك وتنزل تسأل عن المازر بورد دي IPIWB-PB دي بتاعه جهاز Hpاقتباس:
المشاركة الأصلية كتبت بواسطة OMAR61995
لو لقيتها في المحلات نبقي نيجي نتكلم بقي فى الباقي :)
اسأل على ايه بس ؟اقتباس:
المشاركة الأصلية كتبت بواسطة alexaway
دى أصلاً asus ونازلة للأجهزة الoem
و بصراحة أنا مش شايف فيها حاجة تخلينى اسأل عليها
مفيش uefi bios ولا wifi ولا solid capacitators ولا dual bios ولا pci 3 ولا sata 6 و أخرها فى الرامات 1600 mhz
ممكن بقى تقولى ايه اللى يخلى دى أحسن من ماذربورد أسوس ولا جيجابايت ولا msi ؟؟
مستنى إجابتك على باقى الكلام كمان !
يا باشا انا مطلبتش منك تبحث فى جوجل علشان تجبلي معلومات عن المازربورد :) , انت قلت ان مكونات الاجهزة الكومباك موجودة فى المحلات وانا جبتلك مكون واحد في جهاز Hp ومش بقلك روح اشتريها علشان تقلي "بصراحة أنا مش شايف فيها حاجة تخلينى اسأل عليها "اقتباس:
المشاركة الأصلية كتبت بواسطة OMAR61995
واسمحلي انا مش حجاوب حضرتك ولا حرد علي حضرتك بعد كدا لان واضح ان معلوماتك قوية وانا معلوماتي علي ادي :)
تحياتي
واضح أنك مقرتش المشاركة كويساقتباس:
المشاركة الأصلية كتبت بواسطة alexaway
أنا قلت أن دى أسوس بتصنعها و بتنزلها للشركات اللى زى كومباك
و طبيعى أنها ما تنزلش السوق عشان دى بتنزل للoem بس و أسوس بتبيع منتجاتها باسمها
المهم أنا كنت متوقع أنك مش هترد بس كنت طمعان فى شويه من معلوماتك القيمة
شكراً و أسف على تضييع وقتك مع واحد مبتدئ زيى
تحياتى
ههههههههههههه
فكرتوني بالاعلانات اللي بتيجي على قنوات تايم وموجه وسيما .. الخ
جهاز امريكي استيراد يشغل جميع الالعاب الحديثه
مزود بهارد عشريييييييييييييييييييين جيجا .. علشان تحمل عليه كل اللي انت عايزه
وكارت LAN علشان تدخل على الانترنت .. يا عيني يا عيني .. ايه الدلع دة كله
والمفاجأه معاه ماوس وكيبورد .. WawW
أنا مندهش :)
انا عندي لعبه 35 جيجا ..
نصيحه اخرى لصاحب الموضوع
ماتستعجلش وجمع مكونات الجهاز بعنايه فائقه .. علشان يبقى متوافقه .. ومش هوصيك على باور محترم يعمله 800 جنيه كدة ولا الف جنيه
لو قطعه واحده في الجهاز مش متوافقه .. هتخرب عليك اداء الجهاز كله
بخصوص اجهزة الاستيراد المستعمله .. احيانا الجهاز بيجي اصلا ناقص رامات او ناقص بروسيسور
فبيركبولو رامه او بروسيسور من اي جهاز .. ومشي حالك
وفي الاول والاخر اعتق الماركات في الكمبيوتر صناعه صيني .. لكن صيني عن صيني يفرق
يعني لما شركة زي Evga تصنع كارت شاشه في الصين .. بيكون بمواصفات وسمعة الشركة
مش بمواصفات وسمعة المنبه الزمبلك الصيني اللي بيتباع في مصر
لو ظبطت كل حاجه مع بعضها وجبت كيسه كويسه وتبرد كويس هيضرب الجهاز الأصلي وهيبقي بنص السعر
الكيسات اللي بنشتريها معنفه لكن لو بصيت في كيسه بتاعت جهاز اصلي هتتخد من شكلها وتقلها ولتبريد بتاعها
اهم حاجه تخلي الأمكانيات كلها ماشيه مع بعضها
يعني متجيبش مثلا بورده وبروسيسور الباص بتاعها 1600 مثلا وتجيب الرامات باص 800 وتقول الجهاز بطيء ليه؟ لان في الحاله دي كله هيشتغل علي اقل حاجه
برده حاجه هتفرق معاك جامد جدا في الأداء هي الهارد ودلوقتي فيه حاجه اسمها SSD or Solid State Drive ودي هارد ديسك شبه الفلاش ميموري وسريع جدا مش بنظام ابره وحاجات بتتحرك وكده وده اسرع من الهاردات الساتا الموجوده ب 3 مرات بس غالي طبعا بس يستهال يعني مثلا تجيبلك واحد 120 تنزل عليه الويندوز وتجيبلك هارد تاني عادي للحاحات التانيه
انا برده عايز اجمع جهاز عملاق بيشيل رامات لحد 64 جيجا ولقيت ان سعره في السوق دلوقتي هيعدي ال 20 الف ههههههههههههه يعني عربيه فمستني الأسعار تنزل الأول
ودي الحاجات اللي فكر اجيبها بالأسعار بتاعتها دلوقتي
i7-3960X -15M cache 7,100
Core i7-3930K 6 Cores -12M cache Requires a motherboard that supports X79 chipset 4400
Corsair Hydro Series H80 740
GeForce GTX TITAN
GeForce GTX 690 7690
SAPPHIRE Radeon HD 7970 3GB 384-bit GDDR5 (21197-00-40G) 3215
Cooler Master Cosmos I 2275
1000W Cooler Master Silent Pro 1410
Intel DX79TO or DX79SR or DX79SI
Intel DX79TO or DX79SR or DX79SI
ASRock X79 Extreme9-M 2950
Gigabyte GA-X79-UD5 2970
G Skill Ripjaws 1600MHz DDR3, 8GB
kingston 8G DDR3 1600 SODIMM/Predetor HyberX 430
Western Digital Caviar Blue 3TB for storage
ADATA XPG SX900 ASX900S3-256GM-C 2.5" 256GB SATA III 1550
Kingston HyperX SH100S3/240G 2.5" 240GB SATA III 2075
Samsung BD-ROM SH-B123L 60
بسم الله ما شاء الله يا شداد باشا ، انت داخل تحارب ولا ايه ؟! بس بسم الله ما شاء امكانيات تحفة
شغلي كله عايز جهاز غبي ويقدر يشيل كذا Virtual Machine بس طبعا انا مش هشتري الجهاز ده الا لما الأسعار يترخصاقتباس:
المشاركة الأصلية كتبت بواسطة AhMeD EzZ
اخر مره اشتريت جهاز ب 6200 وبعديها بشهرين تمنه كان 3000 تقريبا عشان كده مستني يرخص او اجيب حته حته من بره
بس الفكره كان عشان موضوع التجميع والاصلي وعلي فكره دخلت علي موقع ديل وشفت اعلي حاجه اللي هو Alienware وعملت تعديل فيه باعلي حاجه وبرده موصلش للأمكانيات اللي انا حاططتها دي
الفكره كلها في ال Chipsetبتاعة انتل وتشوف ايه البوردة اللي بتدعهمها يعني مثلا البورسيور الجديد سداسي النواه بيتطلب Chipset X79 , ومنها دورت علي البوردة اللي فيها الشيبايه دي وظبطت الباص كله علي بعضه وشفت الأسعار هنا وبره وكل حاجه في فرق عملاق
بس اكتر حاجه لفتت انتباهي هو المبرد او الفانه بتاعة البروسيور والبور سبلاي والكيسه
في كل الأجهزة التجميع الحاجات دي كانت بتبقي اي كلام وكلها علي بعضها متكلمش 500 جنيه
لو بصيت في الاسعار اللي كتبتها فوق هتلاقي اقل حاجه فيهم معديه الألف
يعني مثلا الكيسه
Cooler Master Cosmos I 2275
والبورسبلاي
1000W Cooler Master Silent Pro 1410
والتبريد الميه
Corsair Hydro Series H80 740
دوول لوحدهم معديين ال 4000
مع تظبطت البص كله علي 2400 يبقي الجهاز ده ينفخ اتخنها جهاز اصلي
وعلي فكره الاجهزة اللي عندنا في الشغل كلها ديل وكلها Made in China
طيب با جماعه الراجل احتار معاكم كده
هو عاوز يعرف يجيب منين مش يجيب ايه
انصحك بشركه اسمها اسكندريه للحاسبات في سموحه العماره الي علي اول الشارع الي بيدخلك علي مول زهران
صاحبها راجل محترم جداااا
وممكن تاخد منه الجهاز بعد ساعه متجمع
لو حبيت تروح ومش عارف السكه كلمني وادا ادلك او لو كنت قريب مني ممكن نروح سوا
دي نمرتي 01223145607
الموضوع طلع من يوم 18 والراجل قال خلال يومين يعني الوقت عدي
اتمني يكون اتوفق وجاب الجهاز
شكلك فعلا مكتئب :(اقتباس:
المشاركة الأصلية كتبت بواسطة shnory
امال فين تعليقاتك الساخرة ؟؟؟
هههههههههههاقتباس:
المشاركة الأصلية كتبت بواسطة alexaway
مكتئب جدا والله
والنهارده الاعداء نالو مني
https://www.facebook.com/photo.php?f...r¬if_t=like
داخل علي 2000 شير مرتاح اهوه ههههههه
هههههههههههههههههههههاقتباس:
المشاركة الأصلية كتبت بواسطة SHNORY
المولات كتيير في سموحه في وش النادي
فيه المنوفي وسوق الكمبيوتر