الموضوع: اسعار فورد فوكس

مهتم و متابع و مستغرب جدا من قلة الردود فى قسم الفورد !!! انا خايف أجيب فورد ألاقى نفسى لوحدى بكلم روحى....

مش لوحدك اوي بس ممكن تقول مميز جدا لو هتجيب الفورد، بهزر يارجاله، انا مش متابع اووي الاسعار بس الهاي لاين انا جبتها ب ١٨٥ الف هاتشباك من ٧ شهور تقريبا ، دلوقتي بقت ب ٢٠٩ الف، الفرق في الكماليات بس اعتقد اللي يهمك ان مواصفات الامان ثابته في كل الفءات ، abs esp airbags, لو في حاجه معينه اتفضل اسأل وانشاء الله مش نتأخر علي حضرتك،،،!!!!!

المشاركة الأصلية كتبت بواسطة yehiaseg

مش لوحدك اوي بس ممكن تقول مميز جدا لو هتجيب الفورد، بهزر يارجاله، انا مش متابع اووي الاسعار بس الهاي لاين انا جبتها ب ١٨٥ الف هاتشباك من ٧ شهور تقريبا ، دلوقتي بقت ب ٢٠٩ الف، الفرق في الكماليات بس اعتقد اللي يهمك ان مواصفات الامان ثابته في كل الفءات ، abs esp airbags, لو في حاجه معينه اتفضل اسأل وإن شاء الله مش نتأخر علي حضرتك،،،!!!!!

أيوه كده سمعنى صوتك :) شوف يا سيدى الفاضل انا بدور من فترة على عربية و فجأة شوفت الفوكس و بصراحة العربية جميلة و شكلها محترم بس المشكلة إنى خايف من موضوع الوكيل و صيانة العربية و ده لمسته من كام مشاركة فى قسم الفورد بيشتكوا من الوكيل و بيقولوا فيه كلام كتير مش كويس ... أنا مش حأجيب زيرو بس يهمنى يكون الوكيل على قد العربية علشان أروح له بدل ما أسيب حد من بره يجرب فيها !! فياريت تطمنى على الوكيل و الصيانة و قطع الغيار و كام كلمة حلوة كده عن العربية
و بعد ما قلت اللى نفسى فيه أحب أعتذر لصاحب الموضوع على تطفلى و أسئلتى بس أنا قولت المنفعة برضه حتعود عليه و أكيد حيستفيد ... و لو مش حيستفيد يبقى آسف جداً على مداخلتى و ربنا يوفقه للى فيه الخير ليه :)

التوكيل ممتاز في المعامله، انا اشتريت من عندو كل اكسسورات العربيه زي الدلايات وفرش الشنطه والليدات وهوه موفر كل ده واصلي كمان والناس واخده كورسات في الفورد الجديده وفاهمه كويس، العربيه ماشآء الله ممتازه وفيها كل اللي انا محتاجه ، وكمان موفره في البنزين ، مثلا انا كنت راجع من السخنه علي ١٦٠ - ١٨٠ ومشغل التكيف وحسبت البنزين لاقيتها عمله ١٣ كيلو في اللتر ، وجوه البلد بتعمل معايا ١٠ كيلو او ١١ للتر مع طبعا التكييف وده يعتبر كويس لعربيه سريعه مع القرص والغرز، ربنا يوفق للي فيه الخير، العربيه معاها ضمان سنتين بدون حد اقصي للكيلو متر، نصيحه، رتب افكارك علي حسب الفلوس واسأل وتحت امرك

المشاركة الأصلية كتبت بواسطة yehiaseg

التوكيل ممتاز في المعامله، انا اشتريت من عندو كل اكسسورات العربيه زي الدلايات وفرش الشنطه والليدات وهوه موفر كل ده واصلي كمان والناس واخده كورسات في الفورد الجديده وفاهمه كويس، العربيه ماشآء الله ممتازه وفيها كل اللي انا محتاجه ، وكمان موفره في البنزين ، مثلا انا كنت راجع من السخنه علي ١٦٠ - ١٨٠ ومشغل التكيف وحسبت البنزين لاقيتها عمله ١٣ كيلو في اللتر ، وجوه البلد بتعمل معايا ١٠ كيلو او ١١ للتر مع طبعا التكييف وده يعتبر كويس لعربيه سريعه مع القرص والغرز، ربنا يوفق للي فيه الخير، العربيه معاها ضمان سنتين بدون حد اقصي للكيلو متر، نصيحه، رتب افكارك علي حسب الفلوس واسأل وتحت امرك

تصدق بقه انت حببتنى فى العربية !!! بجد متشكر أوى على سعة صدرك و إجابتك الوافية و السريعة و علشان انت قولت أسأل و تحت امرك :) يبقى الأمر لله بس برده حأسأل و أوجع دماغ حضرتك
شكراً مرة تانيه و ربنا يكرمنى بعربية كويسة زى ما كرمنى بمعرفة حضرتك :)

ده اقل حاجه ممكن اقدمها لحضرتك، اتفضل اسأل في اي حاجه وفي اي وقت ولايهمك ، بس فين هتلاقيها مستعمله ؟

المشاركة الأصلية كتبت بواسطة yehiaseg

ده اقل حاجه ممكن اقدمها لحضرتك، اتفضل اسأل في اي حاجه وفي اي وقت ولايهمك ، بس فين هتلاقيها مستعمله ؟

على كونتكت شوفت كذا عربية و غالبيتهم معديين الميزانية بتاعتى فتقريبا كده بألعب على موديل 2006-2007 لأنه مناسب للمبلغ اللى معايا و لو ربنا وفقنى فى حاجة حأطلع على العبور أكشف عليها فى التوكيل و أخلص ...

انا شوفت الفوكس الجديده عند الطارق امبارح اول فئه ب 175 بصراحه هى فوق الميزانيه بتاعتى ب حوالى 50 الف بس الشيطان عمال يوزنى اجيبها مع انى كنت بدور على تيدا او لينيا بس الصراحه العربيه وهم تحسن انك راكب سفينه فضاء خزعبليه الصراحه ولا تقولى جيتا ولا سكودا ولا اى بتاع