استفسار ضرورى جدا

**bakser** · 19-03-2013 12:57 AM

السلام عليكم انا بشترى x3 2008 كاملة بانواما وعندى سؤلين
الضريبة السنوية كام
واسعار قطع الغيار وياريت ياجماعة تردوا عليا بسرعة
وجزاكم الله خير

**bakser** · 19-03-2013 01:12 AM

العربية معروضة عليا ب 240000 جنية بس حالتها كويسة جدا

**novo** · 19-03-2013 12:04 PM

المشاركة الأصلية كتبت بواسطة bakser

العربية معروضة عليا ب 240000 جنية بس حالتها كويسة جدا

السعر كويس
المشكلة فى العربية دي ان قطع غيارها قليلة جدا جدا استيراد و ده فى رأيي عيب كبير

ممكن بنفس السعر تجيب 525 أو 523 موديل 2009 أو 2010 و هتبقى أفضل من جميع النواحي و أرخص فى الصيانة

التوكيل أسعاره أوفر جدا بالنسبه لعربية مش زيرو

**novo** · 19-03-2013 02:21 PM

المشاركة الأصلية كتبت بواسطة Ahmed_Adham

معلشي يا باشا اعذرني. يعني أجيب عربيه بربع مليون جنيه وبيندفعلها 3 ولا 5 تلاف جنيه كل سنه ضريبه وأجيبلها قطع غيار استيراد عشان بعد سنتين تلاته تبقى زي قفص الخضار؟ طبيعي لازم العربيه دي يتجابلها قطع غيار أصليه من التوكيل وصيانه في التوكيل والا الاخ اللي بيسأل يروح يجيب عربيه صيني وخلاص ويوفر فلوسه.

المقصود بالقطع الاستيراد ( المرايات...اكصدامات ...رفارف) الحاجات دي متفرقش جديدة من التوكيل عن الاستيراد و فرق السعر رهيب و عن تجربة شخصية
مراية e90 ب1700 جم و من التوكيل 4000جم

**bakser** · 20-03-2013 12:44 AM

شكرا على رددكم ياجماعة انا كنت عاوز اجيب 525 بس انا معايا جيب شيروكى 2008 وواخد على العربيات العاليه انما ال 525 او اى سيدان تانية مش عرف اتعامل معاها وطبعا انا هتعامل مع التوكيل بس طبعا الالمانى فين وفين لما بيبوظ انا كنت عاوز اعرف الضريبة السنوية بتاعتها كام ويه عيوب العربية دى ياريت تفيدونى بسرعة علشان انا بخلص فيها

**profzizo** · 20-03-2013 11:20 AM

مبروك مقدما . . الملف اللى مرفوع فيه أسعار ضريبة السيارات بناءا على السعة اللتريه نقلا من منتدانا المتميز

**ahmed_alhadidy** · 21-03-2013 04:00 AM

الضريبه هتبقي في حدود ٥ الاف جنيه في السنه، وبالنسبه للصيانات فصيانات الx3 ارخص من صيانات ال 525 مع ان صياناتها غاليه بردو واللي يجيبها لازم يعرف يصرف عليها، العربيه طبعا تستاهل كل جنيه يتدفع فيها وبالنسبه لموضوع الصيانه بره التوكيل فدا عادي وفيه مراكز كتير احسن من التوكيل وارخص كتير فجمد قلبك ومتقلقش، والعيب الوحيد اللي شوفته في العربيه دي ان لما بتحرق عليها كتير جوان غطا التاكيهات بيسرب زيت والموضوع دا شوفته في x3 2010 وكان سببه الحرق الكتير زي ما قولتلك وربنا يوفقك