عرض للطباعة
السلام عليكم :
انا عندي سؤال لاهل الخبرة وهو انه ليه التكييف بتاع العربية بيهمد الموتور ويقلل عزمة لما يكون الكومبريسور شغال؟
انا واحد من الناس عربيتي سيفيك 92 اتوماتيك لما بشغل التكييف بحس ان العربية بتبقي بطة بلدي :pffft:
سحبها بيتاثر تماما.
هل الكومبريسور بيهمد الموتور عشان بياخد عزم ميكانيكي منه عن طريق السير ؟
ولا الكومبريسور بيسحب كهربا عالية من الدينامو فياثر ع الكهربا اللي واصلة للبوجيهات وبالتالي يتاثر عزم الموتور؟؟؟؟
حد يفيدنا عشان التكييف عندي تقريبا بيموت العربية يا نااااس :ask:
التكييف بياثر على الموتور عندك مش علشان بياخد الحركة من السير المتوصل على الموتور بس المشكلة الاساسية انه بيزود حراره الهواء اللى بيبرد رادياتير الموتور وده علشان سربنتينه التكييف امام الرادياتير وده طبعا بيزود استهلاك البنزين كمان فلازم تعمل صيانة لدورة التبريد وتغسلها وتراجع سربنتينه التكييف والرادياتير ومراوح التبريد ممكن تكون مسدوده وبتسخن الموتور وده هو السبب فى ضعف السحب وكمان بص على الدينامو والشحن وكفائة البطاريه علشان التكييف بيزود استهلاك الكهرباء فى العربية فممكن تكون مروحة التبريد بتضعف و تضعف قوة الشرارة اللى داخلة للبوجيهات وكل سنه وانت طيب احنا داخلين على الصيف علشان تبعد عن مشاكل الحرارة الزايده ؟؟؟اقتباس:
المشاركة الأصلية كتبت بواسطة engmesk2
اقتباس:
المشاركة الأصلية كتبت بواسطة aw2100
السيفيك الريدياتير بتاعها بجانب السربنتينة ومنفصل عنها
طبعا ياباشا انت عندك مشكلة , لان تكييف الهوندا مش بيأثر تماما على سحب العربيةاقتباس:
المشاركة الأصلية كتبت بواسطة engmesk2
وعموما قولى بس انت عربيتك اية si , ex
عندي نفس المشكلة يا سمسم
شكرا يا سمسم للمتابعة واسف للتاخير...
انا عربيتي ex والموتور 1400 سي سي d14a3 وهو 75 هورس باور ...
انت فين يا سمسم ... :)
انا حاسس ان مشكلة العزم دي ممكن تكون عندي ان الكباس فيه خشونة في الحركة جايز لان فيه مشكلة في البلية (ده لو فيه بلية واحدة) او مشكلة نقص زيت لاني بلاحظ ان فيه زيت كتير علي جسم الكباس...
انا مش عارف هل فيه حد بيعمل صيانة للكباس وهل التكلفة هتكون كبيرة .. لدرجة اني افكر اجيب واحد تاني جديد او استيراد افضل ؟؟؟!!!!
طيب ياباشا عموما انت مشكلتلك دية ليها طريقتين وهنبدأ فيها بالاسهل والاقل تكلفة :اقتباس:
المشاركة الأصلية كتبت بواسطة engmesk2
1- تنظيف الايدل والبوابة وركز اوى على الايدل
وان شاء الله هيظبط , ولو مالقيتش اى تحسن تعالى قولى عشان اقولك الحل التانى .
ومشكلة الزيت اللى على الكباس دة , ممكن يكون فريون انت اخبار الكبس معاك اية ؟؟؟؟؟؟
عشان لو فية تسريب عندك فى الفريون , معنى كدة ان التكييف هيخنق معاك العربية عشان دائرة الفريون بيدخل فيها هواء
بص يا سمسم :
العربية عندي كاربيراتير ولسه منضفه من فترة قريبة والعربية سحبها حلو ع الطريق الا لو شغلت التكييف بتمووت...
لو بتسال علي كبس الفريون .. لما بيكون الكومبريسسور شغال بحس ان البرودة مش قد كدة .. تقريبا عشان حصل تسريب مرتين انا سمعت صوتهم لما حصلوا ... وكان فيه اثار سائل علي مروحة الكوندنسر فغالبا الترسيب ده طالع من مكان ما من الكباس ...
جسم الكومبريسسور متغرق زيت (او ما يشبه الزيت) مش عارف ده بقي فريون ولا زيت؟
ازاى كربراتير , الماتور دة انجيكشن
عموما كل اللى هتعملة الاتى طالما الدنيا عندك كربراتير مع انى كدة شاكك ان الدنيا عندك متلخبطة شوية
1- هتشكف على الفريون وتشوف فية فريون قد اية , لو لقيتة ناقص يبقى حاول تشوف التسريب منين وتخرج الهواء اللى فى دائرة التبريد
2-فية عندك solonied cap هتلاقيهم 2 كدة جنب بعض بغطاء اسود , دول اتأكد انهم شغالين بكفاءة ودية لازم كهربائى عشان يظبطهم
3- قبل ماتشحن دورة الفريون ياريت تخلى بتاع التكييف يتأكد من ال expansion valve او صمام التمدد , ودة هتلاقية على الكويل تحت التابلوة , لانة لو بايظ وكل حاجة عندك تمام فى التكييف هو اللى هيعملك الخنقة
الموتور متغير عندي وراكب علي كاربيراتير...
غالبا الفريون ناقص فعلا لانه حصل مرتين تسريب سمعتهم "فششششششششش" ولما بصيت لقيت زي سائل مرشوش علي مروحة الكوندنسر ... انا هبص ع الكومبريسسور واوافيكم بالاخبار ان شاء الله