تقييم عن كيا ريو ٢٠١٣ حتي صيانة الالف

السلام عليكم

انا عارف ان التقييم دة اكتب اكتر من مرة بس انا حبيت اشارك تجربتي معاكو يمكن تفيد حد

ان اشتريت العربية من حوالي شهر من سمير الريان هاي لاين خليجي هاتشباك بصمة

اول حاجة لاحظتها ان العربية ناعمة الي حد كبير اة مش زي نعومية التويوتا بس احسن كتير من المازدا و السيراتو القديمة
العربية خامتها كويسة جدا من الداخل وتقفيل التابلوة جيد يعني مبدئيا انشااللة مفيش تزيق و الكلام دة
مساحتها الداخلية مش بطالة يعني مش واسعة زي التيدا مثلا. بس دة مش عيب جوهري في رأي الشخصي
التابلوة اضاءتة جميلة و متناغمة واحلي من السراتو القديمة و فتحة السقف حجمها كبير و مع الزجاج الامامي العريض للريو بيخليك عندك احساس راءع خصوصا الصبح
العربية فيها كل انواع الاوبشنز الي ممكن تتخيلها و كلها حتي الان تعمل بكفاءة و استيجابتها سريعة
جربت التكييف مرة واحدة بس و كان كويس بس مش متاكد نظامة مع الحر الشديد
الفتيس مفيهوش اي نتشة خالصة نقلاتة ممتازة و في مواعيد جيدة والاحساس بالنقلة عادي زي معظم العربيات
العربية سحبها كويس قوي و ممكن تحس انها زيً ال ١٦٠٠ و دية ميزة قوية جدا
الثبات حتي سرعة ال ١٠٠ ممتاز بس بعد كدة ممكن تحس انة قل بس انا لسة ماجبتش فوق ال ١٤٠ علشان احكم فعلا
العربية علوها هايل عن الارض و محكتش في مطبات حتي الان مع اني عديت علي مطبات رذلة و دية حاجة مطلوبة جدا في مصر
حكاية استهلاك البنزين بقا : العربية تنكها مش كبير حوالي ٤٠ ليتر بس و دة بيخلي الناس تنخدع في استهلاك البنزين و كمان. البنزينة الي بتحط منها هتفرق معاك قوي علشان لو البنزين وحش فعلا بيطير بسرعة و انا جربت الموضوع دة بنفسي اكتر من مرة وكمان الشكوي من البنزين اليومين دول بقت كتير قوي و في عربيات كتير
علشان تعرف معدل استهلاكك الحقيقي ملكش دعوة بكمبوتر العربية و احسبها بالطريقة العادية وهتلاقي الريو معدلها طبيعي وخصوصا بالنسبة لكيا
ان متكلمتشً علي الشكل الخارجي لانة موضوع اذواق وكمان لان الريو محدش هايختلف علي شكلها وخصوصا بالجنط ال١٧ وهي كمان واخدة جايزة في التصميم الخارجي
شنطتها مش كبيرة يعني اقل من المتوسط بسنة

والنهاردة كنت بعمل صيانة الالف في كيا فرع روكسي ، روحت الساعة عاشرة و نصف ودخلت بعديها بساعة و نصف مع اني كنت حاجز بس الزحمة كانت جامدة واستلمت العربية الساعة ٢ والفاتورة كانت ٤٣٠ جنية ( تغير زيت و فلتر وكشف عام وتربيط عفشة و مصنعية )

الراي الشخصي المتواضع : ريو عربية ممتازة بالنسبة لفئتها وللاسعار الحالية و انصح اي حد بيفكر فيها انة يتوكل علي اللة و لو متردد يحاول يجربها في السواقة من اي حد يعرفة و ساعتها هايحس بامكانيتها

ربنا يكرمكوا جميعا و ارجو ان اكون افتدكم

ربنا يبارك لك فيها ويكيفيك شرها
الريو بالفعل الحصان الاسود السنة دى وغطت علي السيراتو الشكل الجديد

10\10 يا نمور الريو ونمور كيا بشكل عام

الريو دي السعر مقابل الجودة فعلاً :)

ما شاء الله ربنا يبارك
تقيم جميل

ألف مبروك ... وربنا يبارك لك فيها.

شكرا لردودكو جميعا و ربنا يكرمنا و يحفظنا كلنا

أنا نسيت نقطة مهمة و في ناس كتير مش بتأخذ بالها منها و هي العزل.
عزل الريو يعتبر ممتاز وخصوصا في مصر مع الزحمة و الدوشة و الأسفلت المصري الجميل :)
الناس برة بتهتم بالنقطة دي أوي في تقييم العربيات

الف الف شكرا على التقرير فعل عزل العربيه قوى مانع الاصوات الخارجيه ام المتور وده ملوش صوت اصل ولا احساس وانا وقعة اكتر من مره فى النقطه ده ابقه فاكر العربيه مبطله وهى دايره لان احساس ان المتور شغال مش موجود

تقرير 100% ربنا يباركلك فيها ويكفيك شرها وفعلا اهم حاجة انتا ذكرتها موضوع العزل.

الف الف مبروك وربنا يديك خيرها ويكفيك شرها , بس موضوع صوت الموتور ده , أنا عندي بسمع صوت الموتور واحياناً فى صوت تصفيره خفيفه مش عارف من ايه ؟؟؟
بس الموتور صوته مسموع بالنسبالي , بس مفيش خلاف ان العربيه ناعمه جداً ما شاء الله

-once أنها عدت ال 130 ألف Highline أصبحت عربيه غير عملية بالمرة و كمان 1.4L فاكس :glasses12:

-مبروك و صفقه رابحه لو لحقتها قبل زياده الأسعار :36_1_1[1]:

طب حد يقوللي في عربية تانية فيها نفس الكماليات دي و بالسعر ده ؟ انا بقالي شهرين بدور على عربية واحترت ويوم مقررت اشتري ريو هاي لاين غليت 10000 جنيه و برده لسه بفكر اجيبها عشان للاسف انا عاوز حاجات و اوبشنز معينه في العربيه مش موجودة في اي عربية تانية غير في الريو دلوقتي وللاسف مبقاش في زي زمان عربية نضيفة في الفئة السعرية من 100 ل 120000 الا ال اكسنت ار بي و فاضية تماما مفيها حاجة و هيا دي اللي غالية بقه على امكانياتها ...... الريو غالية فعلا بس فيها اوبشنز وكماليات .... كفاية ان فيها اي بي اس و اي بي دي اللي هو مش موجود اصلا في النيو سيراتو ... بس نعمل ايه للاسف العربيات كلها غليت

اقتباس:

---

المشاركة الأصلية كتبت بواسطة prooo

طب حد يقوللي في عربية تانية فيها نفس الكماليات دي و بالسعر ده ؟ انا بقالي شهرين بدور على عربية واحترت ويوم مقررت اشتري ريو هاي لاين غليت 10000 جنيه و برده لسه بفكر اجيبها عشان للاسف انا عاوز حاجات و اوبشنز معينه في العربيه مش موجودة في اي عربية تانية غير في الريو دلوقتي وللاسف مبقاش في زي زمان عربية نضيفة في الفئة السعرية من 100 ل 120000 الا ال اكسنت ار بي و فاضية تماما مفيها حاجة و هيا دي اللي غالية بقه على امكانياتها ...... الريو غالية فعلا بس فيها اوبشنز وكماليات .... كفاية ان فيها اي بي اس و اي بي دي اللي هو مش موجود اصلا في النيو سيراتو ... بس نعمل ايه للاسف العربيات كلها غليت

---

عندك حق يا فندم ، انا كنت في نفس حيرتك و لما لقيت ان الاسعار مش عايزة تثبت و في ارتفاع توكلت علي اللة

-ممكن حاجه مستعمل ماشيه خفيف + صيانه في التوكيل

اقتباس:

---

المشاركة الأصلية كتبت بواسطة toty_305

-ممكن حاجه مستعمل ماشيه خفيف + صيانه في التوكيل

---

يا باشا ما انا كنت بافكر كدة مع اني دايما شايف ان الزيرو احسن من اي مستعمل بس حاولت و بردو مالقيتش

السعر كان حاكمني في عربيات كويسة بس ماشية كتير زي الهوندا و كانت هتبقا ٢٠٠٩ و جيتا وبردو ماشية كتير جدا علشان لازم قبل ٢٠٠٩ علشان مشكلة الفتيس
وفكرت في الفلونيس بس كانت فاضية و سمعت عن مشكلة نتشة في غيارها التاني و خفت من اعادة البيع و ٢٠١١
و الزيرو في نفس الرينج كان بين الصني و خامتها الرديئة و ال ار بي و مافيهاش اوبشن والجراند بونتو الجديدة و توكلها الي هيسيبها و مشاكلها مش مضمونة
و لما فكرت اجيب الريو بس تكون كسر زيرو علشان السعر لقيت كل الناس معلية السعر علشان الزيادات
قلت مفيش احسن من الزيرو و الواحد يريح دماغو من الهسس وخصوصا ان سعر اعادة البيع في كيا كويس و هايخليني اغير بسهولة بعد كدة انشااللة

اقتباس:

---

المشاركة الأصلية كتبت بواسطة ahmed_doudi

يا باشا ما انا كنت بافكر كدة مع اني دايما شايف ان الزيرو احسن من اي مستعمل بس حاولت و بردو مالقيتش

السعر كان حاكمني في عربيات كويسة بس ماشية كتير زي الهوندا و كانت هتبقا ٢٠٠٩ و جيتا وبردو ماشية كتير جدا علشان لازم قبل ٢٠٠٩ علشان مشكلة الفتيس
وفكرت في الفلونيس بس كانت فاضية و سمعت عن مشكلة نتشة في غيارها التاني و خفت من اعادة البيع و ٢٠١١
و الزيرو في نفس الرينج كان بين الصني و خامتها الرديئة و ال ار بي و مافيهاش اوبشن والجراند بونتو الجديدة و توكلها الي هيسيبها و مشاكلها مش مضمونة
و لما فكرت اجيب الريو بس تكون كسر زيرو علشان السعر لقيت كل الناس معلية السعر علشان الزيادات
قلت مفيش احسن من الزيرو و الواحد يريح دماغو من الهسس وخصوصا ان سعر اعادة البيع في كيا كويس و هايخليني اغير بسهولة بعد كدة انشاالله

---

-الصراحه العمليه متعبه جدا بس لو دورت براحتك بدون أستعجال أن شاء الله تلاقي عربيه Civic أو Cruze مثلا ماشيه قليل دور على النت أن شاء الله ثلاقي

اقتباس:

---

المشاركة الأصلية كتبت بواسطة prooo

طب حد يقوللي في عربية تانية فيها نفس الكماليات دي و بالسعر ده ؟ انا بقالي شهرين بدور على عربية واحترت ويوم مقررت اشتري ريو هاي لاين غليت 10000 جنيه و برده لسه بفكر اجيبها عشان للاسف انا عاوز حاجات و اوبشنز معينه في العربيه مش موجودة في اي عربية تانية غير في الريو دلوقتي وللاسف مبقاش في زي زمان عربية نضيفة في الفئة السعرية من 100 ل 120000 الا ال اكسنت ار بي و فاضية تماما مفيها حاجة و هيا دي اللي غالية بقه على امكانياتها ...... الريو غالية فعلا بس فيها اوبشنز وكماليات .... كفاية ان فيها اي بي اس و اي بي دي اللي هو مش موجود اصلا في النيو سيراتو ... بس نعمل ايه للاسف العربيات كلها غليت

---

كلامك سليم والله

الريو وسائل امان عالية من وسائد هوائية و ABS - EBD والعربية بتجري فعلاً الموتور ممتاز على حجم العربية يعني العربية فعلاً صفقة رابحة وانا معايا العربية خلاص 3 شهور تاني وتبقى قربت على سنة كاملة والحمد لله.

لو ناوي توكل على الله مفيش حاجة هتفضل على سعرها وممكن تغلى تاني :120146b

اولا ربنا يبركلك فيها
ثانيا انا بكره نازل اشتري ريو خليجي جنط١٧ فيها فتحة سقف بس الفرش قماش و التكيف بكره عادي مع باقي الكمليات المعروفه في الخليجي
السؤال بقه ......دي انهو فئه ؟ مع العلم انها ب ١٤٢ الف و فاصلت معاه ووصلنا ١٣٨ الف
هي دي اردني ولاه سعودي ولاه كويتي؟
هي دي فيها abs and ebd؟؟؟؟؟ و اتاكد ازاي ؟؟؟؟؟؟

اخر حاجه بقى ازاي حضرتك عربيتك خليجي و عملت الصيانه في التوكيل؟؟؟؟؟؟؟؟؟

اقتباس:

---

المشاركة الأصلية كتبت بواسطة dentist800

اولا ربنا يبركلك فيها
ثانيا انا بكره نازل اشتري ريو خليجي جنط١٧ فيها فتحة سقف بس الفرش قماش و التكيف بكره عادي مع باقي الكمليات المعروفه في الخليجي
السؤال بقه ......دي انهو فئه ؟ مع العلم انها ب ١٤٢ الف و فاصلت معاه ووصلنا ١٣٨ الف
هي دي اردني ولاه سعودي ولاه كويتي؟
هي دي فيها abs and ebd؟؟؟؟؟ و اتاكد ازاي ؟؟؟؟؟؟

اخر حاجه بقى ازاي حضرتك عربيتك خليجي و عملت الصيانه في التوكيل؟؟؟؟؟؟؟؟؟

---

اولا انت هتجيبها منين لو من سمير ريان يبقى انت كده مافاصلتش ...... عشان انا اول مروحتله قاللي 145 قولتله انا لقيتها بره ب 139 قاللي انا اديهالك ب 138 ومتنساش انك لسه هتشتري ضمان ب 1000 جنيه للسنه ده غير مشاكل الجنط ال 17 ..... وبالنسبة لل اي بي اس هتلاقس اللمبه بتاعته في الطابلوه يا اما تفتح الكابوت هتلاقي ماستر التوزيع بتاعه باين قصاد عينك في وسط العربيه تحت البرابريز على طول اما ال اي بي دي معرفش ؟؟؟؟؟؟؟؟

اقتباس:

---

المشاركة الأصلية كتبت بواسطة Dentist800

اولا ربنا يبركلك فيها
ثانيا انا بكره نازل اشتري ريو خليجي جنط١٧ فيها فتحة سقف بس الفرش قماش و التكيف بكره عادي مع باقي الكمليات المعروفه في الخليجي
السؤال بقه ......دي انهو فئه ؟ مع العلم انها ب ١٤٢ الف و فاصلت معاه ووصلنا ١٣٨ الف
هي دي اردني ولاه سعودي ولاه كويتي؟
هي دي فيها abs and ebd؟؟؟؟؟ و اتاكد ازاي ؟؟؟؟؟؟

اخر حاجه بقى ازاي حضرتك عربيتك خليجي و عملت الصيانه في التوكيل؟؟؟؟؟؟؟؟؟

---

لو بصمة و من غير مفتاح start engine يعني تبقا دية المفروض اعلي فئة و المفروض تلاقي فيها كمان بلوتوث و مثبت سرعة و عداد حرارة و سينسور بارك و الجنط ١٧ًو فتحة سقف و مرايات ضم و ٢ ايرباج و ليدات امامية و خلفية مالتي فنكشن و ٤ زجاج كهرباء و طبعا abs و ايمبلويزر و عجلة قيادة تلسكوبية و التحكم في عدسات المصابيح الامامية

و عربيتي سعودي و علشان تتاكد هتلاقي في قايم الباب بتاع السواق لوحة سوداء صغيرة متبرشمة في الباب مكتوب عليها شهر و سنتة الانتاج و كمان جملة ( طبقا للمواصفات الخليجية /السعودية )

العربية فيها abs و دة تعرفة انك تفتح الكونتاكت هتلاقي في التابلوة ناحية اليمين لمبة صفراء مكتوب جواها abs هتنور لمدة ٣ ثواني و بعدة كدة هتطفي

حكاية ال ebd دية مش عارف الصراحة و في اختلاف كبير ان العربية فيها و لا لأ بس علي حد معلوماتي هي فيها

توكيل كيا بيقبل اي عربية خليجي انها تعمل فيها الصيانة عادي ، يعني هتحجز عادي و تروح بس الفرق كلة ان معندكش ضمان منهم

اقتباس:

---

المشاركة الأصلية كتبت بواسطة ahmed_doudi

السلام عليكم

انا عارف ان التقييم دة اكتب اكتر من مرة بس انا حبيت اشارك تجربتي معاكو يمكن تفيد حد

ان اشتريت العربية من حوالي شهر من سمير الريان هاي لاين خليجي هاتشباك بصمة

اول حاجة لاحظتها ان العربية ناعمة الي حد كبير اة مش زي نعومية التويوتا بس احسن كتير من المازدا و السيراتو القديمة
العربية خامتها كويسة جدا من الداخل وتقفيل التابلوة جيد يعني مبدئيا انشاالله مفيش تزيق و الكلام دة
مساحتها الداخلية مش بطالة يعني مش واسعة زي التيدا مثلا. بس دة مش عيب جوهري في رأي الشخصي
التابلوة اضاءتة جميلة و متناغمة واحلي من السراتو القديمة و فتحة السقف حجمها كبير و مع الزجاج الامامي العريض للريو بيخليك عندك احساس راءع خصوصا الصبح
العربية فيها كل انواع الاوبشنز الي ممكن تتخيلها و كلها حتي الان تعمل بكفاءة و استيجابتها سريعة
جربت التكييف مرة واحدة بس و كان كويس بس مش متاكد نظامة مع الحر الشديد
الفتيس مفيهوش اي نتشة خالصة نقلاتة ممتازة و في مواعيد جيدة والاحساس بالنقلة عادي زي معظم العربيات
العربية سحبها كويس قوي و ممكن تحس انها زيً ال ١٦٠٠ و دية ميزة قوية جدا
الثبات حتي سرعة ال ١٠٠ ممتاز بس بعد كدة ممكن تحس انة قل بس انا لسة ماجبتش فوق ال ١٤٠ علشان احكم فعلا
العربية علوها هايل عن الارض و محكتش في مطبات حتي الان مع اني عديت علي مطبات رذلة و دية حاجة مطلوبة جدا في مصر
حكاية استهلاك البنزين بقا : العربية تنكها مش كبير حوالي ٤٠ ليتر بس و دة بيخلي الناس تنخدع في استهلاك البنزين و كمان. البنزينة الي بتحط منها هتفرق معاك قوي علشان لو البنزين وحش فعلا بيطير بسرعة و انا جربت الموضوع دة بنفسي اكتر من مرة وكمان الشكوي من البنزين اليومين دول بقت كتير قوي و في عربيات كتير
علشان تعرف معدل استهلاكك الحقيقي ملكش دعوة بكمبوتر العربية و احسبها بالطريقة العادية وهتلاقي الريو معدلها طبيعي وخصوصا بالنسبة لكيا
ان متكلمتشً علي الشكل الخارجي لانة موضوع اذواق وكمان لان الريو محدش هايختلف علي شكلها وخصوصا بالجنط ال١٧ وهي كمان واخدة جايزة في التصميم الخارجي
شنطتها مش كبيرة يعني اقل من المتوسط بسنة

والنهاردة كنت بعمل صيانة الالف في كيا فرع روكسي ، روحت الساعة عاشرة و نصف ودخلت بعديها بساعة و نصف مع اني كنت حاجز بس الزحمة كانت جامدة واستلمت العربية الساعة ٢ والفاتورة كانت ٤٣٠ جنية ( تغير زيت و فلتر وكشف عام وتربيط عفشة و مصنعية )

الراي الشخصي المتواضع : ريو عربية ممتازة بالنسبة لفئتها وللاسعار الحالية و انصح اي حد بيفكر فيها انة يتوكل علي الله و لو متردد يحاول يجربها في السواقة من اي حد يعرفة و ساعتها هايحس بامكانيتها

ربنا يكرمكوا جميعا و ارجو ان اكون افتدكم

---

مبرووووووووك ... و ربنا يديلك خيرها و يكفيك شرها يارب ....

اقتباس:

---

المشاركة الأصلية كتبت بواسطة prooo

طب حد يقوللي في عربية تانية فيها نفس الكماليات دي و بالسعر ده ؟ انا بقالي شهرين بدور على عربية واحترت ويوم مقررت اشتري ريو هاي لاين غليت 10000 جنيه و برده لسه بفكر اجيبها عشان للاسف انا عاوز حاجات و اوبشنز معينه في العربيه مش موجودة في اي عربية تانية غير في الريو دلوقتي وللاسف مبقاش في زي زمان عربية نضيفة في الفئة السعرية من 100 ل 120000 الا ال اكسنت ار بي و فاضية تماما مفيها حاجة و هيا دي اللي غالية بقه على امكانياتها ...... الريو غالية فعلا بس فيها اوبشنز وكماليات .... كفاية ان فيها اي بي اس و اي بي دي اللي هو مش موجود اصلا في النيو سيراتو ... بس نعمل ايه للاسف العربيات كلها غليت

---

اتوكل على الله صلي استخارة ... و سيبها على الله انا برضه كنت في الحيرة دي لحد ما جبت الحليجي فول اوبشنز ... و انا بجيبها غليت 10 الاف ... لو عاوز ناس بيبيعوا خليجي محترمين و كويسين معرض الحاوي اللي انا جبت منه ...من باب العلم بالشئ ... العربيات مش هترخص و احتمال تغلى حاجه بسيطة الفترة الجاية 1000 او 2000 خد قرارك ايا كان نوع العربية لأن الوضع اقتصاديا مقلق