كمبيوتر العربية

**الهواء** · 20-03-2013 12:37 AM

السلام عليكم كنت عايز ياراجالة حد يكون بيفهم فى كمبيوتر الاوبل استرا موديل 2000 كنت عايز يشيك عليها ويشوفه ماشى مع كود الماكنه الجديدة اللى انا ركبتها للعربيه لحسن الماكنه اللى ركبتها اعتقد احدث من الماكنه القديمه وبالطبيعى انا ركبت الكمبيوتر بتاع الماكنه القديمه للماكنه الجديده لان كمبيوتر الماكنه الجديده ماشتغلش على العربية عشان طقم الدوارة مع العلم ان الماكنه القديمه والجديدة 1200 سى سى يريت تليفون الشخص اللى بيفهم فى مشاكل وبرمجه الكمبيوترات بتاعت العربيات وعنوانه فى الحرفيين او غيرة المشكلة عندى ان العربيه ساعات بتغيب فى الدوران وانا جربت كل حاجه من تشيك على الحساسات وتغيير طرمبه وفلتر وبوجيهات والرشاشات والخ ...... شكرا وتحية كتير لكل الاعضاء المحترمين (فادى، طنطاى، وغيرهم من الاعضاء المميزيين ) وشكر خاص جدا للمهندس / محمد فاروق

**windofchange** · 20-03-2013 04:14 AM

اكيد لازم تركب كنترول المكنة الجديدة حتي لو كانت 1200 سي سي ؟ طيب الجديدة زي القديمة في قوة الحصان ؟لو مختلفة يبقي ده بيزيد التأكيد انك تركب الكنترول الجديد و(تغيير طقم الدوارة) اللي اسمعه انه بيعاد تشفيره مش بيتغير وده اللي تم في عربيتي

**الهواء** · 20-03-2013 10:04 PM

المشاركة الأصلية كتبت بواسطة windofchange

اكيد لازم تركب كنترول المكنة الجديدة حتي لو كانت 1200 سي سي ؟ طيب الجديدة زي القديمة في قوة الحصان ؟لو مختلفة يبقي ده بيزيد التأكيد انك تركب الكنترول الجديد و(تغيير طقم الدوارة) اللي اسمعه انه بيعاد تشفيره مش بيتغير وده اللي تم في عربيتي

شكرا لاهتمامك ياباشا بس ممكن تبعتلى رقم تليفون اللى عمل ليك اعادة تشفير جهاز الكمبيوتر بتاع العربية شاكر جدا...

**windofchange** · 21-03-2013 09:49 AM

هو بشمهندس رشاد فالحرفيين بس هو فولكس جروب يعني سيات سكودا اودي فولكس مش اوبل بس اكيد لو سألت فالحرفيين هتلاقي الكهربائية بتوع الاوبل هو رقمه 01114195060 وكلمه من بعد 12 مساءا وقله من طرف ايهاب معاه ايبيزا وان شاء الله يفيدك