موقف ضد توكيل بيجو

**محمد ابراهيم 1** · 06-12-2008 09:07 PM

يا ريت لو حد حيبعت يقول على أسعار قطع الغيار المبالغ فيها وأثر ده على سوق العربيه وإنتشارها

**ssafwat** · 08-12-2008 11:36 AM

معلش هو بس في استفسار ضغير .. لما بتقولوا التوكيل ايه المقصود؟ هل قضدكوا مركز خدمة معين ام الشكوى من كل مراكز الخدمة الموجودة؟

**Ahmad Allawy** · 08-12-2008 11:48 PM

المشاركة الأصلية كتبت بواسطة the-hero

ده مصنع أزاز واخد شهدات جودة عالميه أيزوو 9001 وهو مصنع رائع وأنتاجه رهيب وخمات الازاز بتاعته جودتها عاليه تقارب جوده المنتج الاصلى بس المشكله عندى أنى بحب كل شي عندى فى العربيه أصلى ويكون زى اللى بيتغير تمام يعنى لما ازاز البيجو 405 بتاعتى اتكسر قلولى روح لجريش وكدا هيوفر معاك بس المشكله ان الازاز مكتوب عليه بيجو دوكتور جريش فده ديقنى هيكون مختلف فى الكتابه عن باقى الازاز التانى فقعدت ادور لحد مشتريت واحد بيجو اصلى فرنساوى الصنع أصلى
هو ده الأختلاف بس لكن بالنسبه للجودة واحد تقريبا ودكتور جريش يوفر معاك وتركيبه نضيف

تعقيب صغير بس..
موضوع الايزو ده موضوع صوري جدا.. و الشركة اللي انا كنت شغال فيها زمان اخدت الايزو و دي علاقتها كلها بالdocumentation و مالهاش ادني علاقة بجودة المنتج اللي بيتصنع.. ولا الخدمة اللي بتتقدم..
القصة كلها ليها علاقة بالنظام الداخلي للشركة.. جودة التنظيم الداخلي للشركة مش المنتج.. و اسف اني اقولك انه زجاج مش كويس زي الفرنساوي ولا الالماني خالص..و سمعت من اكتر من واحد معانا في اوبل.. انهم مش مبسوطين منه..
في الكواليتي يعني.. .. ف اكيد الاصلي افضل بكتيييييييييييير
بس للأسف لو عرفت تلاقيه..

و بالنسبة للأخ اللي عايز يغير زجاج ال307.. واحد صاحبي لسة عامل الموضوع ده بالظبط.. و برضه علي التأمين.. بس ملقاش الفرنساوي.. و ركب التركي.ز و كان تمنه 1500 جنيه.. و ربنا ييسرلك الحال و تلاقيه..

**KHALED AYMAN** · 10-12-2008 01:58 AM

فعلا الكواليتى بتاعه مش كويس لانى مركبه فى استرا هو حلو بس لا يقارن بالالمانى ده حتى انا جبته من التوكيل ب 400 جنيه و الالمانى كان ب 1400 جنيه و مش موجود اساسا لو عايزه تدفع تمنه وهو يجيبهولك