ياريت تشاركنا بمعلومات اكتر.
جبتها منين وبكام ؟ وهل الثبات اتأثر وهل بتعلي العربيه ولا مجرد بتمنع ان العربيه توطى قوي ؟
شكرا مقدما
عرض للطباعة
ياريت بلاش
بغض النظر عن الثبات اللي هيتاثر احساسك بالعربيه هيختلف و ممكن تقفل منها
اخوانى الاعزاء
اهلى وعشيرتى
انا جبتهم بـ 60ج الاثنين منذ عام تقريباً
من الاسماعيلية
انا طبيعة سواقتى سريعة وبحب الجرى
والحمد لله مفيش مشاكل اطلاقاً
شوف أخي الفاضل ... موضوع العلايات ده ابعد عنه تماما
عشان تعمله لازم أمامي وخلفي وفعلا العربية حتعلى عن الأرض , لكن الثبات بعد المائه ... انسى !!!
بقت عربية ثانيه خالص
بالنسبة للصدادات هي فعلاً فكرة حلوة تعتمد على تقصير مشوار المساعد وبالتالي لا تهبط العربية كثيراً مع التحميل على الكنبة الخلفية .......... ولكن !!!
العفشة من ورا حتنشف قوي وتدب معاك من ورا خصوصا مع التحميل
مع الوقت منعرفش تأثيرها على المساعدين والعفشة الخلفية !!!
على فكرة ضبط ضغط هواء كاوتش العربية له علاقة وثيقة بالحك في المطبات
ضبط تعليق الشكمان له علاقة هو الأخر بالحك في المطبات
خلاصة القول
انا لا افضل التعديل على الفبريكة , وأحب استطعم العربية بطعم الفابريكة
وأحاول تفادى مثل هذه المشاكل قدر الإمكان !!!
تحياتي
+1
دا إحنا بنخاف نعرض الكاوتش على نفس البروفايل؟!! لا يعلى العربية 0.5-1.0 سم؟!!!
- هو يقول اللى هو عاوزه (العفشجى)؟؟!! :Copy of new:
الصدادات فعلا بتقلل الـCompression بتاع المساعد >> وده غلط بردو!
لأن المفروض design العفشة وإختيار الدامبرات على أساس ان مع التحميل: توطى عشان الثبات يزيد -- وتعوض الفرق؟!!
عشان مايبقاش الشاسيه-البودى شايل وزن أكبر.. على نفس الإرتفاع (بنفس الـcamber والـrate) >>> صباح العومان!
رأيى: إلعب فـ ضغط الكاوتش -- لو هتحمل ورا (الكنبة والشنطة)، وبردو فـ المعقول 2-3 psi
- لو عايز تصرف: عفشة بدامبرات سبور، ومش لازم تبقى height-adjustable
(هى كده كده الـCompression/Re-bound بتاعها مشوار قصير)! طبعا مش هتهبط زى الستوك مع التحميل! :T_thum1[1]:
لكن العلايات: فكرة مرفوضة تماما -- خطير جدا الكلام ده!!
راي بلاش بصراحة
شكرا لكل من ساهم بالرد وربنا يبارك للجميع
رأيي لو انت مش بتاع جري و اخرك 100 او 110\120 و معظم مشاويرك جوة البلد ركبها
عايز اقولك انا معايا فيرنا موديل 2008 لو في حرف اسمنت من بلاعة بارزة تحك فيها شوفت وصلت لأيه
مفيش مطب فيكي يا مصر الا و فيرناتيتي بصمت عليه من نص العربية و علبة الشكمان اللي ورا ولو مش مهدي اوي اوي الهوك اللي قدام يحك هاتجنن خلاص ده غير لو ركنت جنب رصيف عالي بتعذب بتبقي مفاجأة وياسلام لو كان علي الشعرة و فاتح الباب وحد ركب و الباب اتزنق في الرصيف
بجد موضوع ان العربية واطية يدايق جدا
عن نفسي عايز اركب الصدادات اه هايجي علي الراحة و هايعمل دبدبة بس هايرحم العربية من الحك في كل هفوة بارزة علي الارض