تصدقوا يا شباب اننا متقابلناش ولا مرة من ساع ماتعمل القسم
ايه رأييكم نتقابل يوم 4\4 في جراند ليموزين على الساعة 8 بليل؟
عرض للطباعة
تصدقوا يا شباب اننا متقابلناش ولا مرة من ساع ماتعمل القسم
ايه رأييكم نتقابل يوم 4\4 في جراند ليموزين على الساعة 8 بليل؟
حلو اوي يامعلم انا معاكم لو كنت فاضي وقتها
جميل ... الاول =)
فين جراند ليموزين ده يا أستاذ جبريل
ايه يا جماعة مش عاوزين نتقابل ولا اييييييه؟
متيجو تنورونا في اسكندرية
جميل جدا
نحاول الاول نظبطها في القاهرة و لو نفعت و العدد بقى كويس ممكن نظبط طلعة اسكندرية ان شاء الله
انا اخترت يوم الخميس بالذات علشان الجمعة بيبقى اليوم بتاع العيلة و السبت اللي وراه مشاوير بيخلصها فاننهي الاسبوع بتاعنا سوا و المكان كويس و في باركنج كبير للعربيات و عملنا فيه مقابلات قبل كدة كثير في المنتدى عموما
ممكن وحش قديم يشارك معاكم ؟
أنا بس مش هينفع معايا الخميس......ممكن جمعة بالليل بعد مشاوير العيلة أو السبت أى وقت.
انا موافق الخميس 4-4-2013 ان شاء الله
يا رييييييييييييت انا ان شاء الله موافق بس عاوزين العنوان بالتفاصيل
السلام عليكم ورحمة الله وبركاته
لى الشرف وفرصة نتعرف أكتر
واتمنى ان يكون فى العمر بقية يارب حتى أرى أفضل الناس خلقا وعلما
تحياتى أخى جبريل على الفكرة
انا معاك يا ريس .. سوق السيارات اللى فى الحى العاشر صح ؟؟
بإذن الله معاكو وتبقي فرصه هايله نتعرف علي بعض كلنا
يا شباب عاوزكوا تأكدوا مين جاي ان شاء الله و مين لأ و ياريت لو نسيب ارقام تليفوناتنا علشان اما نوصل نعرف نوصل لبعض لأن في ناس كثير ماشفتش ناس كثير =)
و حاجة اخيرة، انا معلش هتأخر شوية هاجي على 9:30 كدة علشان اكتشفت ان عندي تدريب هيخلص الساعة 9 فهخلصه و اجيلكوا في السريع عاوزين نخلي الميعاد 9:30 معنديش مشكلة عاوزين نثبته 8 بردو مفيش مشكلة بس هتأخر شوية
انا اوك 9:30 ان شاء الله
المشكله بالنسبه لي مع 9:30 هيا الطريق لأني مقلق أرجع متأخر للعاشر من رمضان. عموما حبذل كل ما في وسعي علشان آجي حتي لو 9:30 يبقي حقعد معاكوا ساعه كده وأخلع. تليفوني: 01112585900
هو ايه يا جماعة مفيش غير تامر و عمرو بس اللي هيجوا ولا ايه؟
للاسف انا بأعتذر عن عدم حضوري عشان مقدرتش ارتب السفرية و ان شاء الله نتقابل مرة تانية .
فين تحديدًا من ش النصر؟
معلش يا شباب انا مش هقدر أحضر المقابله انهارده لظروف خاصه بس ياريت تصوروها
إيه يا شباب اللي جاي يحط رقم تليفونه أو حتي يبعته في رساله خاصه علشان نتابع مع بعض
بإذن الله انا معاكم واتشرف بالجميع
هشام
انا تليفوني 01008462290
و بالنسبة لشارع النصر فانت تدخل من عتد عباس العقاد لحد اخره عند انبي هتلف شمال مع النافورة و تكمل على طول، انبي هيبقى على يمينك افضل مكمل على طول لحد سوق السيارات ما هتلاقيه على يمينك، تاخد اول يو ترن بعديه في اول يمين هتلاقي مدخل الشهر العقاري بتاع سوق السيارات الكافيه هناك و لو عاوز اوصفلك ابقى كلمني
تمام يا شباب انا حبقي هناك علي ٩ ان شاء الله
ألف شكر يا بشمهندس جبريل
أنا هكون هناك الساعة 10:30 معرفش هلحقكم ولا لأ؟
لسه راجع من المقابلة وعايز أقولكم أد إيه أنا سعيد بمقابلة الأحباء gebreel ahmedeg zoro2 وللأسف ملحقتش أستاذ tamer61 بس ملحوقة إن شاء الله :) كلهم ناس في منتهى الذوق والجمال :friends::friends::friends:وأكيد إن شاء الله هننظم مقابلة تانية قريب :coming-soon[1]:
إجتمعنا فى الله وإفترقنا عليه
أشكركم جبريل وتامر61وخالدوأحمد عوض كلكم ونعم الأخوة والصداقة
ياريت تتكرر ناس محترمة ولاد ناس وأخلاق الدنيا كلها فيهم أرتحت جدا فى مقابلة مستعد أن أكررها ولو سافرت مئات الكيلومترات
أحبكم فى الله
إخوانى الأعزاء
اسف للتأخير فى التعليق
بس من الأخر
المقابله كانت فوق الرائعه
أستاذ هشام و صديقه الصامت دائما :) / أستاذ تامر كان نفسى نقعد شويه
جبريل و ما أدراك ما جبريل و علاقته بمخلوقات الله الصغيره
خالد طبعا انا و انتا الوحيدين اللى فاهمين طبيع المخلوقات الصغير و اللى أول حرف من اسمها الكلب الاسود
من الأخر الواحد اتشرف بيكم كلكم و إن شاء الله لازم نعمل واحده تانيه
المكان اللى اتقابلنا فيه كان تحفه و جو يحسسك بمصر بتاعة زمان
قبل الثوره بيوم تحديدا 24 يناير
إن شاء اللع تعود الأيام دى من تانى
أخوكم فى الله أحمد صبرى