الرادتير اتكسر

**aliabdo** · 21-03-2013 06:10 PM

السلام عليكم
معاى اسكورت 99 و انا مسافر و ف اخر الطريق ليقت عداد الحرار على اخره و قفت ابص و ازود مياه كل ما اصب ميه تنزل فى الارض المهم بصيت على الخراطيم و الكلام ده مفيش اى تسريب
الحمد لله ان الفورد مش بتجيب وش سلندر عشان وش السلندر بتاعها ظهر
المهم الراديتر ده الخزنه بتاعته بلاستيك فى ناس بتقول الحمه بمعجون حديد و فى ناس بتقول غير الخزنه نحاس و فى ناس بتقولى اشترى واحد جديد ب 450 جنيه

انتو ايه رائيكم فى الكلام ده

**اسامه نور الدي** · 21-03-2013 07:50 PM

السخونه العاليه للفورد بتخي لحام الحديد يطق بسرعه غيره احسن لو في امكانيه وممكن تلحمه لكن بالكتير يقعد شهرين تلاته

**aliabdo** · 21-03-2013 09:01 PM

المشكله ان الخزنه بتاعته بلاستيك يعنى يا تتلحم بمعجون او تتغير كله بنحاس

**mido51eg** · 22-03-2013 01:35 AM

ابعد عن افتكاسات النحاس والكلام ده. اللي صمم العربية كان ممكن يخلي الخزنة دي نحاس من الأول ، وابعد عن اللحام علشان تمشي متطمن. شوف الخزنة البلاستيك دي بتتباع جديدة ولا لأ ، او غير الردياتير كله بواحد استيراد لو الخزنة مش بتتباع لوحدها. شفت عند بطاح في الوكالة ردياتيرات كتير وحالتها ممتازة.

**aliabdo** · 22-03-2013 10:58 AM

فكيت الراديتر و لقيته مخروم من عند القنطره من تحت؛ ان شاء الله اشوف لو يتلحم ولا اغيره

**Eng_Mostafa_89** · 23-03-2013 08:23 PM

محدش يعرف اسعار الريداتير الالومنيوم الجديد عامل كام وصناعتة اية
ولا الريداتيرات اللاستيراد كويسة

**aliabdo** · 24-03-2013 03:44 PM

بعد ما الرجل لحم الراديتر ب 30 جندى ملحقتش امى بيه 100 متر و كانت المياه كلها على الارض
رحت جبته عجينه بتاعت لحام ب 8 جنيه و لحمت بيها الرادير و الحمد لله حتى الان مفيش اى تسريب لو حد يعرف سعر الراديتر بالمروحه و الخراطيم استعمال كام يبقى جزاكم الله خير و يا رييت لو في اسكندريه

**aYaBooY** · 24-03-2013 11:19 PM

الاول نوضح حاجة يا شباب لو المشكلة في العلبة الفيبر بتاعت جنب الريدياتير
يبقي عندك حل من الاتنين انك تجيب علبة ( و ديه بتتباع بس مش اصلى ) او تفصل نحاس و على فكرة ديه حركة كويسة
لو المشكلة في السربنتينة نفسها يبقي تغير الريدياتير كله
نصيحة بلاش الاستيراد ده مش مضمون افضل حاجة للاسكورت النحاس 3 مسورة مع تغير مروحة بمروحة جولف و تشتغل على السرعة العالية مع الغاء ترموستات الكوعة نهائيا

**mido51eg** · 25-03-2013 11:29 AM

المشاركة الأصلية كتبت بواسطة ayabooy

الاول نوضح حاجة يا شباب لو المشكلة في العلبة الفيبر بتاعت جنب الريدياتير
يبقي عندك حل من الاتنين انك تجيب علبة ( و ديه بتتباع بس مش اصلى ) او تفصل نحاس و على فكرة ديه حركة كويسة
لو المشكلة في السربنتينة نفسها يبقي تغير الريدياتير كله
نصيحة بلاش الاستيراد ده مش مضمون افضل حاجة للاسكورت النحاس 3 مسورة مع تغير مروحة بمروحة جولف و تشتغل على السرعة العالية مع الغاء ترموستات الكوعة نهائيا

انا مركب مروحة الجولف ومشغلها على السرعة الثانية ، واساسا الراجل الفاضل اللي اشتريت منه العربية كان لاغي ثرموستات الكوعة فعلا ومركب ثرموستات فيات لكن كان مركب الواطي اللي هو 82/68 وده كان بيبرد العربية جدا وكان بيخليها تاكل بنزين علما بأن زي ماانت عارف ياجوزيف مواتير الفورد حامية وبتطلع افضل اداء والموتور سخن ، انا شلت الثرموستات ده وركبت الوسط 90/80 وفعلا من ساعتهل الحمد لله موضوع استهلاك البنزين ده اتضبط تماما.

**Eng_Mostafa_89** · 27-03-2013 01:37 PM

المشاركة الأصلية كتبت بواسطة mido51eg

انا مركب مروحة الجولف ومشغلها على السرعة الثانية ، واساسا الراجل الفاضل اللي اشتريت منه العربية كان لاغي ثرموستات الكوعة فعلا ومركب ثرموستات فيات لكن كان مركب الواطي اللي هو 82/68 وده كان بيبرد العربية جدا وكان بيخليها تاكل بنزين علما بأن زي ماانت عارف ياجوزيف مواتير الفورد حامية وبتطلع افضل اداء والموتور سخن ، انا شلت الثرموستات ده وركبت الوسط 90/80 وفعلا من ساعتهل الحمد لله موضوع استهلاك البنزين ده اتضبط تماما.

الثيرموستات اللى حضرتك مركبة 80/90 مؤشر الحرارة بيكون فين مع الثيرموستات دة
لانى جربت اركب الثيرموستات ال90/80 دة وكان المؤشر بتاع الحرارة عندى بيعدى النص
ولما بركب ال 82/68 المروحة بتشتغل عند النص عند حرف الm وتشتغل وتطفى عند الشرطة اللى قبل حرة ال n

الموضوع: الرادتير اتكسر

LinkBack

أدوات الموضوع

عرض

-

-

-

-

-

المواضيع المتشابهه

ثمن فبرة الرادتير

نوع مياه الرادتير للفيرنا

نصيحه لماء الرادتير

الرادتير

مالا تعرفه عن غطاء الرادتير

الكلمات الدلالية لهذا الموضوع

المفضلات

المفضلات

ضوابط المشاركة