عندما يهدأ التسونامي الكوري (ترويض النفس علي الطريق)

الاخوة و الأخوات الكرام / مالكي و محبي هيونداي

أسعد الله أوقاتكم ...

النهاردة جاي و معايا تجربة جديدة لقيادة الألنترا MD (التسونامي الكوري)

طبعا أنا هلكت خلال الايام اللي فاتت من كتر السفر و المشاوير لدرجة أني مش قادر أدوس بنزين من كتر الالام اللي بأعاني منها في رجلي اليمين و الشمال

تخيلوا قطعت أكثر من 1200 كم في يومين 2 فقط و مونت أكثر 100 لتر بنزين بتكلفة قاربت ال 200 جنيه

طبعا خلال اليومين الماضيين تركزت معظم السفريات علي طريق القاهرة / السويس / الادبية و العكس و كنت تحت ضغط و عامل الوقت فكانت سرعتي لاتقل عن ال 140 كم/س و ده السبب في رفع معدلات الاستهلاك بسبب الحرق الزائد و الذي لم أعتاد عليه بهذا الشكل

المهم أمبارح كنت راجع بعد منتصف الليل و في غاية الاجهاد و كان مطلوب مني أن أكون النهاردة بالاسماعيلية في تمام التاسعة صباحا طبها لم أستطع الاستيقاظ مبكرا و لما صحيت كنت تعبان جدا لكن لازك أروح هناك و فعلا تحركت في تمام التاسعة و النصف بعد ماأرسلت رسالة قصيرة بأعتذر فيها عن التأخير و أني هأكون موجود خلال ساعتين علي اقصي تقدير

و فعلا تحركت متخذا طريق السويس حتي مدينة الشروق و دخلت محطة أويليبيا كملت التانك و بعد كده كملت

طبعا بسبب ظروف الاجهاد ماكنتش قادر أجري زي الايام اللي فاتت و لم تزد سرعتي عن 120 كم/ س في افضل الحالات و معظم الطريق سواء و أنا رايح و أنا راجع متوسطات السرعة كانت 100 - 110 كم/س و فعلا الجي بي أس سجل أعلي سرعة كانت 124 كم / س في رحلة العودة

.... أهم مميزات ترويض التسونامي :
بداية سرعة 120 كم/س كحد أقصي أنا شايف أنها سرعة مثالية جدا و مناسبة جدا للألنترا MD و ده للأسباب التالية :

1- أستهلاك البنزين أقل مايمكن و سجلت قراءة الكمبيوتر 6.3 لتر / 100 كم (طبعا لازم نأخد في الاعتبار الدخول و الخروج من الاسماعيلية و التوقفات ببعض المناطق المزدحمة نظرا للحالة المرورية علي الطريق)
2- صوت الموتور هادي جدا و لا تشعر بوجوده نظرا لأن عدد لفات المحرك لايزيد عن 3,000 لفة.دقيقة
3- قدرة كاملة في التحكم في العربية و أستجابة افضل للفرامل
4- راحة بال و هدوء و تركيز أفضل مع الطريق

و بالرغم من وجود عدة مغريات للجري و الشد
- طريق كويس
- سيراتو / لانسر / ألنترا HD / فيرنا و غيره و كله كان بيجري و شادد

لكني نفضت لهم جميعا و كنت ماسك نفسي تماما و هو ده بقي ترويض النفس علي الطريق :shine[1]:

بصراحة مافيش أحلي من السواقة الهادية و الاستمتاع بالطريق (ده علي أعتبار أن عندنا طرق نستمتع بيها)

و أشوفكوا علي خير في تقرير قادم أن شاء الله

الف سلامه عليك يا كبيرنا

المشي الهادي حماده والجري حماده تاني خااالص.
بصراحه انا بستمتع بالمشي الهادي لما الطريق يبقى فاضي انما لما في ناس بتستفزني وتزنق عليا ويفتكروني لقمه سهله بعلمهم الادب كلهم :d

مهو لو الناس تحترم القوانين كله يعيش مبسوط
يعني لو النقل لزم يمينه و سرعته
و اللي عايز يجري يمسك شماله و يوسع للي اسرع منه
و يبقي فيه حارة او اتنين في النص لاصحاب المزاج

مش تبقي الدنيا فل فل ؟؟؟؟
اييييييييه لنا الله

طب اعمل ماتش اعتزال للجرى

اقتباس:

---

المشاركة الأصلية كتبت بواسطة horas3000

مهو لو الناس تحترم القوانين كله يعيش مبسوط
يعني لو النقل لزم يمينه و سرعته
و اللي عايز يجري يمسك شماله و يوسع للي اسرع منه
و يبقي فيه حارة او اتنين في النص لاصحاب المزاج

مش تبقي الدنيا فل فل ؟؟؟؟
اييييييييه لنا الله

---

يعني،، لو ابتادينا نحاول نظبط الطرق انهارده.... ممكن ان شاء الله في خلال ١٥٠ سنة تشوف اللي انت بتقول عليه في مصر ام الدنيا

يديلك الصحة و طولة العمر يا رب

انا عربيتى بتعمل 5 لتر فى 100 كيلو صدق اولا تصدق بشرط 90 على الغيار الخامس

اقتباس:

---

المشاركة الأصلية كتبت بواسطة lanos2004

انا عربيتى بتعمل 5 لتر فى 100 كيلو صدق اولا تصدق بشرط 90 على الغيار الخامس

---

لانوس!!!! لا اصدق.... كان معايا ٩٨ اول دفعة و ٢٠٠٩ منصور.. حريقة بنزييييييين الجوز.... انا مش عارف بيجيلها نفس تأكل كل البنزين ده كله ازاي...

ما فيش أحلي من السلانسيه..... بس المشكله انك كل شوية تلاقي حد يعكر مزاجج بكسرة كده ولا غرزة غشيمة.

اقتباس:

---

المشاركة الأصلية كتبت بواسطة nashaat rady

لانوس!!!! لا اصدق.... كان معايا ٩٨ اول دفعة و ٢٠٠٩ منصور.. حريقة بنزييييييين الجوز.... انا مش عارف بيجيلها نفس تأكل كل البنزين ده كله ازاي...

---

لانوص 16 صباب اتنين كامه دة ماتور موفر بطريقه غريبه جدا جدا لو عدد لفات الماتور معدتش 3000 لفه
ودة كان واخد افضل ماتور 1500 فى العالم ولا زال اقوى ماتور 1500 حتى الان
الى فى لانوس 8 صباب دة مش ماتور دة خلاط 5 غيارات

اقتباس:

---

المشاركة الأصلية كتبت بواسطة lanos2004

لانوص 16 صباب اتنين كامه دة ماتور موفر بطريقه غريبه جدا جدا لو عدد لفات الماتور معدتش 3000 لفه
ودة كان واخد افضل ماتور 1500 فى العالم ولا زال اقوى ماتور 1500 حتى الان
الى فى لانوس 8 صباب دة مش ماتور دة خلاط 5 غيارات

---

ههههه بظبط كده، ١٥٠٠ سي سي و ٨٦ حصان!!!! و حريقة بنزين،،، يعني كوكتيل جوافه..

انت عربيتك منطقة حرة ولا ايه؟؟؟

اقتباس:

---

المشاركة الأصلية كتبت بواسطة nashaat rady

ههههه بظبط كده، ١٥٠٠ سي سي و ٨٦ حصان!!!! و حريقة بنزين،،، يعني كوكتيل جوافه..

انت عربيتك منطقة حرة ولا ايه؟؟؟

---

الماتور اوربى تلوث اقل اداء عالى استهلاك مافيش 5 لتر لكل 100 كيلو ولو هتمشى على سرعه 180 مسافه 100 كيلو يستهلك 8 ونص لتر حاجه وهم
دة غير من صفر الى 100 فى 9 ثوان الى 160 فى 25 ثانيه

احلى حاجه فى الالينترا التوب سبيد بتاعها محترم جدا

أنا معترض يا باشمهندس !!!

موش حتنازل عن التسونامي الكوري بالسهولة اللتي فاكرها دي .......

تحياتي

اما تكون راكب عربية هيونداى وتتكلم عن ترويض النفس
ترويض النفس أصلا حرام :) ههههههههه
يجب الغاء هذا الموضوع المثير للجدل والفتنة هههههههههه :)

الألنترا md في السرعات الهادية (لحد 138 كم/س ) أستهلاكها ممتاز بتعمل حوالي 6.8 لتر / 100 كم

لكن لو مشيت علي سرعة أقل من ال 100 كم/س (90 كم/س) مثلا ممكن تنزل لحد 4.7 لتر/ 100 كم

120 كم/س أمبارح عملت معايا بالظبط 6.2 لتر / 100 كم

لكن بقي لما التسونامي مود بيشتغل و الايكو مود بيفصل متوسط الاستهلاك ممكن يعدي ال 9 لتر / 100 كم و بيكون الاستهلاك اللحظي عند الكيك داون في السرعات العالية 18 لتر / 100 كم

اقتباس:

---

المشاركة الأصلية كتبت بواسطة Samir Elshahawy

الألنترا md في السرعات الهادية (لحد 138 كم/س ) أستهلاكها ممتاز بتعمل حوالي 6.8 لتر / 100 كم

لكن لو مشيت علي سرعة أقل من ال 100 كم/س (90 كم/س) مثلا ممكن تنزل لحد 4.7 لتر/ 100 كم

120 كم/س أمبارح عملت معايا بالظبط 6.2 لتر / 100 كم

لكن بقي لما التسونامي مود بيشتغل و الايكو مود بيفصل متوسط الاستهلاك ممكن يعدي ال 9 لتر / 100 كم و بيكون الاستهلاك اللحظي عند الكيك داون في السرعات العالية 18 لتر / 100 كم

---

تسونامي مود وهي ماشيه هادي انما لو بتجري شغل ال"تسو اصحي" مود :D

انا عارف هتوقف في الرد ده :chirol_bak1:

السرعة المتوسطة جميلة فعلا من كل النواحي

السواقة الهادية ليها متعتها برضه..
يعني على 50 60 كم/س كده.. قافل ازاز عربيتك, مشغل تكييفك, مشغل مزيكتك.. ياااه دي سواقتي المفضلة بليل متأخر و الشوارع فاضية..

ربنا يقويك يا باشا ويباركلك ف الالنترا :)

اقتباس:

---

المشاركة الأصلية كتبت بواسطة dede_dodo88

السواقة الهادية ليها متعتها برضه..
يعني على 50 60 كم/س كده.. قافل ازاز عربيتك, مشغل تكييفك, مشغل مزيكتك.. ياااه دي سواقتي المفضلة بليل متأخر و الشوارع فاضية..

---

مش لدرجة 50 - 60 كم/س علي الطريق , ده انا كده ممكن انام

الأخوة و الاخوات الكرام / مالكي و محبي هيونداي

أسعد الله أوقاتكم ...

نتيجة جديدة تحققت اليوم بالفعل من عودة الهدوء للتسونامي الكوري (ألنترا MD) و هي أنخفاض معدل أستهلاك البنزين بشكل مذهل

نبدأ الحكاية من الاول ..

من أخر سفرية للأسماعيلية و العودة و أداء بعض المشاوير الداخلية حققت الالنترا MD معدل أستهلاك قدره 8 لتر / 100 كم

اليوم توجهت الي الاسماعيلية مرة أخري و عند مدخل مدينة الشروق توقفت لأعادة التزود بالوقود و بالفعل تم اعادة ملء تانك البنزين ب 23 لتر بنزين 92

ثم تم تصفير العدادادت كلها
- المسافة المقطوعة : 000 كم
- المسافة المتبقية : 540 كم
- متوسط الاستهلاك : ----
- السرعة المتوسطة : 00 كم/س

و تم الانطلاق في تمام الساعة التاسعة بهدوووووووووووء يحيث لم تتخطي السرعة حاجز ال 120 كم/س و كان معظمها مابين 90 - 100 كم/س و بالفعل وصلت الي مدينة الاسماعيلية و تحديدا الترسانة التي أقصدها بعد ساعة بالظبط أي في تمام العاشرة و خمس دقائق
بيانات كمبيوتر الرحلات :
- المسافة المقطوعة : حوالي 90 كم
- المسافة المتبقية : حوالي 460 كم
- متوسط الاستهلاك : 5.5 لتر / 100 كم
- السرعة المتوسطة : 88 كم / س

و في تمام الساعة الثانية و عشر دقائق بعد الظهر تحركت في طريق العودة الي القاهرة بعد أن أنهيت عملي حيث كنت أسير بنفس معدلات السرعة و كانت أقصي سرعة وصلت لها في بعض مراحل الطريق هي 130 كم/س أو تزيد قليلا لكن بشكل أجمالي كانت السرعة في حدود ال 120 كم/س تزيد أو تقل أحيانا

و بالفعل بعد حوالي الساعة و النصف (أي في تمام الثالثة و النصف) وصلت الي المنزل بعد أن توقفت قليلا في مدخل مدينة الشروق عند مزلقان السكة الحديدية نظرا لمرور القطار حوالي 5 دقائق و توقفت مرة أخري داخل سوق الرحاب لشراء بعض الطلبات المنزلية و لتكون قراءات كمبيوتر الرحلات في النهاية كالتالي :

- أجمالي المسافة المقطوعة : حوالي 220 كم
- المسافة المتبقية : حوالي 360 كم
- متوسط الاستهلاك : 6.2 لتر / 100 كم
- السرعة المتوسطة : 72 كم / س

و المفاجأة أنه خلال جزء من رحلة الذهاب تحقق رقم جديد للأستهلاك كان الطريق خلاله فاضي تماما و ممهد و ذلك في المسافة من مدخل مدينة الشروق الي المزلقان و كانت السرعة وقتها في حدود ال 80 - 90 كم / س و تزيد بشكل تدريجي

4.1 لتر / 100 كم
http://nileup.com/up/uploads/nilemotors_13642364481.jpg

اقتباس:

---

المشاركة الأصلية كتبت بواسطة dede_dodo88

السواقة الهادية ليها متعتها برضه..
يعني على 50 60 كم/س كده.. قافل ازاز عربيتك, مشغل تكييفك, مشغل مزيكتك.. ياااه دي سواقتي المفضلة بليل متأخر و الشوارع فاضية..

---

+1+1+1+1