عربيه للاحجام الضخمه

**h641313** · 22-03-2013 09:00 PM

مفيش اى مشكله انها تكون بابين و مش مهم اللى حيحصل للى قاعد ورا عالكنبه لان مفيش حد حيبقى عالكنبه, دى استعمال فرد واحد او اتنين بالكتير
والمشكله فى المسافه بين نهاية الدريكسيون -اسفل نقطه فيه- والكرسى , لان فيه عربيات تبان لك واسعه جدا لكن المسافه دى محدوده فيها زى الماتريكس

**mxz911** · 23-03-2013 04:38 AM

حضرتك كده بتتكلم فى المستعمل غالبا لأن 75 دلوقتى صعب تجيب حاجه جديده واسعه
ف شوف العربيات دى مثلا ف حدود امكانياتك :
التيدا مثلا
الاوبترا واسعه وبرضه كويسه لمبتدئ عشان قطع غيارها رخيصه
كورولا الشكل القديم موديل 2004 مثلا . موتور 1300 سى سى بس جميله وواسعه جدا

**Ahmed A Rahman** · 23-03-2013 05:17 AM

رينو لوجان
زود 7 الاف وهاتها زيرو

محسوبك 130 كيلو وبستريح فيها غير السقف الطويل ولو رجعت الكرسي اللي ورا مش حيتضايق

**amrelsaqqa** · 23-03-2013 12:33 PM

كورولا الشكل القديم واسعة والدركسيون بيتحرك لفوق وتحت
انا طويل ووزنى كبير وبرجع الكرسى وبنزل الدركسيون لتحت وببقى مستريح في القعدة جدا

اعتقد هتبقى مناسبة ليك لان الدركسيون وهو نازل لتحت بيبقى المسافة حلوة ، فلما يطلع لفوق هيبقى تمام جدا معاك

**samyyousef** · 23-03-2013 08:30 PM

المشاركة الأصلية كتبت بواسطة h641313

mxz911 انا متشكر لرد حضرتك جدا و حشوف صور الداخل للعربيات دى

ahmed a rahman حضرتك انا شاكر للرد

لكن عندى سؤال هل المبتدىء يطمنه اكتر عربيه سهلة القياده ولا الاهم يكون لها سمعة متانه و يتعمل لها حساب على الطريق ,الكلام ده بيحدف ناحية عربيات زى شيروكى (ماتنفعش حجما) و لادا (برضه ماتنفعش) ولادا نيفا دى الجديد منها معرفش حاجه عنه غير انه فى حدود ال75 الف لكن اظنه اقل متانه من الروسى القديم وحاولت اسأل فى منتدى اللادا بلا نتيجه.
لو بدأت بلادا نيفا مستعمل ,فى حدود 25 الف , هل تمانينات تفرق عن تسعينات و هل تناسب حجما ولا حتحتاج تعديل
هى اسهل فى ركوبها من البيتل ولكن ايام ماركبتها مسألتش فيها تعديل او لأ

لو في هذه الحدود يفضل البحث عن امريكاني قديم و ليكن بليزر

**h641313** · 23-03-2013 08:40 PM

amrelsaqqa متشكر لحضرتك الرد اللى عن تجربه

كده فيه قائمه من العربيات المناسبه

**h641313** · 23-03-2013 10:30 PM

اوبل فيكترا
شيفروليه اوبترا
كيا كارينز
صنى الجديده
نيسان تيدا
دايو نوبيرا
كورولا الشكل القديم
وحدود 75 الف حتلغى صنى و التيدا و كارينز

**h641313** · 23-03-2013 11:22 PM

والسبيرانزا 516 a الوحيده اللى ممكن تكون جديده

ايه احسن ما فى القايمه دى؟ من حيث الاحتمال و المتانه
اوبل فيكترا
شيفروليه اوبترا
دايو نوبيرا
كورولا الشكل القديم
السبيرانزا 516 a

**mxz911** · 25-03-2013 06:17 AM

المشاركة الأصلية كتبت بواسطة h641313

والسبيرانزا 516 a الوحيده اللى ممكن تكون جديده

ايه احسن ما فى القايمه دى؟ من حيث الاحتمال و المتانه
اوبل فيكترا
شيفروليه اوبترا
دايو نوبيرا
كورولا الشكل القديم
السبيرانزا 516 a

اولا يا باشا التيدا برضه فى نفسه الحدود دى !
فى واحد بيبع عربيه تيدا على المنتدى هنا ب 71 الف تقريبا والتيدا عموما سعرها فى ال سبعينات

بالنسبه لرأى فى الليسته دى :

1-تيدا
2-كورولا الشكل القديم
3- اوبل فيكترا ( حسب الموديل ) . وياريت تركز لو هتجيب دى عشان فى حالات كتير منها بتبقى متهانه يعنى شوف واحده حالتها نمره 1 او بلاش عشان هتقرفك لو محتاجه مصاريف وقطع غيارها مش حنينه أوى ( مع صاحبى وعارف الشكاوى بتاعتها منه )
4- اوبترا ( ما هيه الا موديل متطور من دايو نوبيرا وبتنزل بره مصر بالاسم ده أصلا )
5- نوبيرا
6- اسبرانزا 516

وبصراحه انا لو منك يا هجيب تيدا . يا اما اوبترا .يا كورولا الشكل القديم طبعا ده فى الفئه السعريه 75 الف

ولو كنت فى ال 50 او 60 الف مكونتش هتردد لحظه واحده انى اختار النوبيرا بس مانيوال طبعا