النيو صني تثبت جدارة على الطريق

**د.محمدعبدالعال** · 22-03-2013 07:50 AM

صباح الفل يا شباب نيسان ..

كل ملاك النيو صني لازم يثقوا في جدارة عربيتهم .. امبارح كنت سايق العربية على الصحراوي وقلت اجرب سرعتها خصوصا اني جايبها يا دوب من شهر ونص وكنت لسه عامل صيانة الألف ..

العربية بسم الله ما شاء الله وصلت بيها ل 180 كم/ ساعة ، وكان ال rbm بين ال 3500 وال 4000 يعني العربية كانت تقبل سرعة كمان من غير ما الموتور يبقى مقروص عليه جامد .. بس الطريق مسمحش اني ازود عن كده

بالنسبة للثبات العربية ثباتها حلو جدا جدا لغاية 140 بعد كده لازم تبقى مركز وماسك الدريكسيون بايدك الاتنين عشان تحافظ على ثباتها بعد كده .. لدرجة ان زوجتي محستش اني كنت بجري بالعربية رغم اني زي ما قلتلكوا مشيت على 180 شوية كويسين ..
وللعلم أنا لسه ماشي بالكاوتش الماكسيس .. يعني تغيير الكاوتش وخصوصا لو بقى اعرض هيحسن من ثبات العربية ..

بجد العربية عملية جدا جدا جدا والحمد لله ماشية كويس معايا لغاية دلوقتي ويا رب تفضل كده .. وهي بتحقق معادلة السيارة العائلية الاقتصادية في الوقود وفي نفس الوقت بتجري على الطريق السريع جري حلو ومناسب جدا لطرق مصر اللي متستحملش اكتر من 120 كم/ ساعة في معظم الطرق

**heldin_67** · 22-03-2013 08:23 AM

ربنا يبارك لك فيها

بالتوفيق

**jackson_75** · 22-03-2013 09:55 AM

ربنا يبارك لك فيها , بس نصيحة من أخ ماتجريش بالسرعة دى تانى وبالأخص لو معاك ناس بتعزهم وده عن تجربة

**ashourashour** · 22-03-2013 10:53 AM

180 كم و 3500 الى 4000 لفه موتور !!!!!!!!! هيا كام غيار و مانيوال ولا اوتو ؟؟؟

!!!!!!! العربيه 7 سرعات ولا اه ؟

**youssef_u** · 22-03-2013 11:14 AM

ايووه بقا هو ده الكلااام اخيرا كلمتين حلوين في حقنا

**Bishoy.Girgis** · 22-03-2013 12:47 PM

اولا ياريت متجريش بالعربية عشان زي ما حضرتك كاتب .. اخطاء الاخريين .

و طبعا كلام حضرتك يثبت بكل جدارة مصداقية اعضاء قسم نيسان اللي قاموا بعمل التيست درايف و تقارير بكل ثقة و دقة في التفاصيل

**S O P H O S** · 22-03-2013 12:48 PM

ما شاء الله
ربنا يبارك

**eng.m7md.ali** · 22-03-2013 02:01 PM

المشاركة الأصلية كتبت بواسطة ashourashour

180 كم و 3500 الى 4000 لفه موتور !!!!!!!!! هيا كام غيار و مانيوال ولا اوتو ؟؟؟

!!!!!!! العربيه 7 سرعات ولا اه ؟

+11

بلاش سرعات ارجوك وربنا يباركلك فيها

**khaled.elameer** · 22-03-2013 02:26 PM

ربنا يبارك لحضرتك فيها ، الواحد صراحة بيتبسط لما الناس بتتكلم على العربية دى عشان نيسان حسبتها صح بالنسبة للثمن و اقتصادية استهلاك البنزين و كمان عربية عملية و أنا نفسى فى مشكلة زى مشكلة التيل نعمل حصر فى المنتدى على نسبة السيارات اللى فيها المشكلة دى و نقدر كمان نلفت نظر التوكيل أو الشركة الأم بيها و ده كله بيصب فى صالح كل ملاك العربية الجميلة دى.

**jackson_75** · 22-03-2013 03:25 PM

كنت فى مرة وصلت جدتى عند التأمين الصحى اللى جنب باب الشعرية ولأقيت هناك عربية نيسان صنى أتو واقفة على جنب , قلت أسللى نفسي وأنا منتظر جدتى وأسأل صاحبها عاملة أيه معاه , لأقيته بيشتكى من انها بتأكل بنزين كتير وأن التيل بيتغير كل 10 ألأف كيلو . ده غير أن التابلوه بيجير من التراب على طول وشكله مش بينضف بسهوله , لأ والأدهى أنه بيقول أنها مش بتسحب كويس على مطالع الكبارى !!!

الموضوع: النيو صني تثبت جدارة على الطريق

LinkBack

أدوات الموضوع

عرض

النيو صني تثبت جدارة على الطريق - انشر الموضوع فى :

-

-

-

المواضيع المتشابهه

لو غيرت الازاز باخر غامق ينفع تثبت على الرخصة

إزاي تثبت الفاميه والزينون في الرخصه

صورة تثبت تمثيلية المنتخب الجزائرى

بعد المعاينة المبدئية.. النيابة تثبت افتعال لاعبى الجزائر حادث الأتوبيس

لينكات تثبت عدم صحة القول بأنا موتور a4 ضعيف عليها

الكلمات الدلالية لهذا الموضوع

المفضلات

المفضلات

ضوابط المشاركة