استفسار من اصحاب لانسر بومه الموديل الحديث

**muslim_nsb** · 23-03-2013 01:01 PM

[QUOTE=amr00;3874884635]

السلام عليكم

عربيه حرام يندفع فيها الفلوس ......... ازاى وهى رقم واحد فى السوق

انا قلت الكلمتين دول علشان انكش عرين الاسد ليخرج ما بداخله وليس تقليل من اللانسر لاني رأيت مشاهدات كتير وردود ضعيفه
انا شايف ان معاك لانسر 2013 ايه اخباره معاك واخبار التقفيل وصوت الموتور وهل فعلا غيروا في العفشه والمساعدين وشالوا عامود الاتزان

**amr00** · 24-03-2013 10:19 AM

السلام عليكم

بالنسبه للتقفيل جيد وصوت الموتور هادى تحت 90 وبعد فتره التليين هيهدى اكتر وهيوصل لحد 100

بالنسبه للعمود الاتزان مش فارق خالص العربيه الحمد لله ثابته فى لحد 165 وفى الملفات كويسه

وان شاء الله لما اوصل 10000 الف كيلو هبقى اعمل تقرير كامل .

عشان فى اسئله عندى عاوز اسئلها للتوكيل وانا رايح اعمل الصيانه هسئلهم هما غيرو فى العفشه ولا لاء بس انا حاسس انهم غيرو حاجات لان عمود الاتزان مش فارق والعربيه ثابته

وبالنسبه للمساعد هسئلهم بردو . وانا هصبر شويه بردو عشان اقيم العربيه صح واسئل التوكيل كل الاسئله واى حد عندو اسئله ياريت يقولها عشان اسئلهم عليها

**wardet** · 24-03-2013 10:28 AM

المشاركة الأصلية كتبت بواسطة amr00

عشان فى اسئله عندى عاوز اسئلها للتوكيل وانا رايح اعمل الصيانه هسئلهم هما غيرو فى العفشه ولا لاء بس انا حاسس انهم غيرو حاجات لان عمود الاتزان مش فارق والعربيه ثابته

وبالنسبه للمساعد هسئلهم بردو . وانا هصبر شويه بردو عشان اقيم العربيه صح واسئل التوكيل كل الاسئله واى حد عندو اسئله ياريت يقولها عشان اسئلهم عليها

مبروك ياباشا وربنا يحميهالك
انا والدى معاه برضه 2013 بس حاسس ان صوت الموتور مش زى الموديلات اللى قبل كدا
بحس انه عالى شوية لما تدوس بنزين هل بتحس بكدا؟؟
يعنى زى ما يكون صوت الهوا اللى طالع من الشكمان فى ودنى
كمان الكاسيت بتاعها مش ميتسوبيشي اسمه تقريباًَ airplane
وفيه ناس قالتلى المفروض يبقى معاها الكاسيت الاصلي المتسوبيشي
ايه النوع الموجود عندك
العربية هاف سبورت 2013

**muslim_nsb** · 24-03-2013 09:01 PM

المشاركة الأصلية كتبت بواسطة amr00

السلام عليكم

بالنسبه للتقفيل جيد وصوت الموتور هادى تحت 90 وبعد فتره التليين هيهدى اكتر وهيوصل لحد 100

بالنسبه للعمود الاتزان مش فارق خالص العربيه الحمد لله ثابته فى لحد 165 وفى الملفات كويسه

وان شاء الله لما اوصل 10000 الف كيلو هبقى اعمل تقرير كامل .

هانتظر تقريرك بفارغ الصبر وياريت كل اللى معاه اللانسر 2013 يقول لنا رأيه فيها أيه أو كل من جربها حتى تعم الفائده للجميع وإذا كان فيها عيب او أفتقار للخامات واختلاف للموتور للأسوء او للعفشه نعمل شوشره للشركه علشان تعرف ان الناس في مصر فاهمه ونفهمهم أن ده هيأثر على مبيعاتها .

**Dragon78** · 26-03-2013 01:29 PM

مع احترامي لكلامك ياباشا ... المفروض مافيش وجه مقارنه بين الياباني والكوري

أي نعم ممكن الكوري يكون فيه اوبشنز أعلى ومنظره لكن من ناحية الموتور والعفشه وكل شيء الياباني يكسب طبعا

وفي حاجه كمان .. لو زي ماحضرتك بتقول كده ان الفلوس فيها حرام وان سوقها مش ماشي ماكانش التوكيل بتاعها لسه بينزل موديل البومه لحد دلوقتي , علما ان مصر هي تقريبا الدوله الوحيده اللي لسه بينزل فيها الموديل ده .
أما بالنسبه للشيب الجديد (الشارك) في ناس كتير ماجربتهوش بس العموم في تخوف منه شويه في مصر مش عارف ليه .. مع ان شكلها محترم جدا برضه , بس انا عن نفسي لما جيت اشتري جبت البومه لأن كان عاجبني شكلها من زمان وبرضه بصراحه مشيت مع التيار اللي متخوف شويه من الشارك .

لكن تقولي ان الكوري أحسن منها , ازاي بقى الكلام ده .
هو ممكن حتى لو حضرتك غيرت عربيتك الكوري واشتريت ياباني وبومه تحديدا , ممكن في الأول آه فعلا تحس ان اللي كان معاك كان أحسن أو لو كنت جبت كوري جديد من نايحة الفخامه والأوبشنز الكتير , لكن هاتحس بقيمة الياباني بعد كده مش في الأول . وأعتقد الملاك القدامى للبومه يأكدولك الكلام ده .

وفي الأول والآخر هو اختيارك , ممكن حضرتك تكون بتفضل الكماليات والرفاهيه والأوبشنز الكتير ده عن الموتور أو العفشه .. كل واحد حر في اختياره وهو المسؤول عنه .

وفي النهايه تحياتي للجميع

**zeyad2010** · 26-03-2013 06:06 PM

المشاركة الأصلية كتبت بواسطة muslim_nsb

انا بفكر اغير وابيع النترا2005 اللي معايا واشتري لانسر بومه كامله سبور
كنت عاوز اسأل من اهل الخبره عن شوية حاجات
1- اخبار صوت الموتور ايه ولو على سرعات عاليه ومقفل العربيه مسموع ولا العزل كويس
2- اخبار السياره في السرعات العاليه ماسكه نفسها ولا تشعر انها بتلعب
3- اخبار الفتيس الاتوماتيك ايه بتشعر بالنقلات بتاعته وفي نتشه ولا سلس ولو حتى كنت قارص على العربيه بتشعر بالنقلات ولا لأ

4- نظام الصوت بتاع العربيه حلو ولا محتاج يتركب مثلا بزوكه جي ام يتغير الكاست وخلافه

5-اخبار مراكز الصيانه ايه وايه افضلهم وناس فاهمه ولا شربه زي اغلب مراكز الصيانه
6- هيا موديلات 2010 - 2011 - 2012 - 2013 نفس العفشه والفتيس والطابلوه والعدادات ولا فيه اختلاف غير الشبكه الأماميه
7- اخبار تسارع السياره وسحب الموتور والفتيس الاتوماتيك بنجز في المواقف الصعبه والغرز ولا يعتبر بطيء نسبيا

.
انا عارف تقلت عليكم بس أستحملوني لاني عاوز انضم للاسطوره الياباني وعاوز عربيه معمره مفكرش اغيره بأذن الله يكفينا ويكفيكم شر الطريق ولا بعد 10 او 15 سنه مثلا .
ولكم مني جزيل الشكر ...
ملحوظه هامه :-
الناس اللي بتدخل وتطلع من غير ما تترك تعليق مش هاسمحها لو تعرف شيء وبخلت بيه عليا

أنا راكب بومه 2010 ها سبورت وعدلتها للسوبر أكشن راكبها بقالي 3 سنين وهاحاول ارد عليك نقطة نقطة :
1- صوت العربية في أول الدوارة عالي سنة بسبب إن حساس الهواء بتاع بوابة الإنجكشن بيفتح جامد علشان يسخن الموتور بأسرع شكل ومفيش مشكلة في عزل الصوت في إعتقادي مقارنة بالعربيات الياباني والكوري دون الأوروبي والأمريكي
2-وبالنسبة للأستقرار أنا أديها المركز التاني على كل الياباني والكوري بعد الهوندا السيفيك.....
3-أحلى حاجة فيها الفتيس الاتوماتيك ا CVT( continuous variable transmission) إنه مش بس بيخليك ماتحسش بالنقل كمان بيبقي ثابت عند 2800 لفة /ق وتلاقي السرعة عماله تزيد وتزيد من غير ما تحس بحاجة
4-ونظام الصوت في رأيي ماينفعش زي أي عربية زيرو = زيرو صوت
5-مراكز الصيانه المعتمده للأسف دون المستوي
6- لا إختلاف في الموديلات
7-التسارع لغاية 70 ولا 80 كلم/س ضعيف مش مميز لكن بعد كده جامد جداً لغاية ال 185
وبالتوفيق

**blazer** · 26-03-2013 07:28 PM

هو البومة ال 1600 cvt بتبقى على كام rbm عند سرعه 100 كم/ ساعه وعند سرعه 120 كم / ساعه؟
واستهلاك البنزين عند سرعه 100 كم/ ساعه فى السفر بدون تكييف كام لتر فى ال 100 كم ؟

**muslim_nsb** · 26-03-2013 08:20 PM

المشاركة الأصلية كتبت بواسطة zeyad2010

أنا راكب بومه 2010 ها سبورت وعدلتها للسوبر أكشن راكبها بقالي 3 سنين وهاحاول ارد عليك نقطة نقطة :

6- لا إختلاف في الموديلات

شكرا لحضرتك بالنسبه لرقم 6 اختلاف موديل 2013 عن السابق من تغيير عفشه وخلافه
انا بعت لصفحة متسوبيشي على الفيس بوك للاستفسار عن النقاط دي هما طلبوا من رقم التليفون للرد على الاستفسارات وبعت رقم الموبايل بتاعي ومنتظر اتصالهم وانشاء الله اكتب كل اللي هايقوله

**Eng.Peter** · 27-03-2013 12:13 AM

الاختلاف مش فى الشبكة بس
فى اختلاف فى العدادات و كمبيوتر رحلات و تغغير شكل الدريكسيون و البطارية و مفيش عتب

**ابو ندى** · 30-03-2013 05:33 PM

المشاركة الأصلية كتبت بواسطة muslim_nsb

انا بفكر اغير وابيع النترا2005 اللي معايا واشتري لانسر بومه كامله سبور
كنت عاوز اسأل من اهل الخبره عن شوية حاجات
1- اخبار صوت الموتور ايه ولو على سرعات عاليه ومقفل العربيه مسموع ولا العزل كويس
2- اخبار السياره في السرعات العاليه ماسكه نفسها ولا تشعر انها بتلعب
3- اخبار الفتيس الاتوماتيك ايه بتشعر بالنقلات بتاعته وفي نتشه ولا سلس ولو حتى كنت قارص على العربيه بتشعر بالنقلات ولا لأ

4- نظام الصوت بتاع العربيه حلو ولا محتاج يتركب مثلا بزوكه جي ام يتغير الكاست وخلافه

5-اخبار مراكز الصيانه ايه وايه افضلهم وناس فاهمه ولا شربه زي اغلب مراكز الصيانه
6- هيا موديلات 2010 - 2011 - 2012 - 2013 نفس العفشه والفتيس والطابلوه والعدادات ولا فيه اختلاف غير الشبكه الأماميه
7- اخبار تسارع السياره وسحب الموتور والفتيس الاتوماتيك بنجز في المواقف الصعبه والغرز ولا يعتبر بطيء نسبيا

.
انا عارف تقلت عليكم بس أستحملوني لاني عاوز انضم للاسطوره الياباني وعاوز عربيه معمره مفكرش اغيره بأذن الله يكفينا ويكفيكم شر الطريق ولا بعد 10 او 15 سنه مثلا .
ولكم مني جزيل الشكر ...
ملحوظه هامه :-
الناس اللي بتدخل وتطلع من غير ما تترك تعليق مش هاسمحها لو تعرف شيء وبخلت بيه عليا

اعتقد ان كل الي ردوا جزاهم الله خير قد اوفوا فى الرد بس انا عندى استفسار انا عندى استهلاك البنزين 10ك فى اللتر هو دة الإستهلاك الطبيعى ولا لسه هيتحسن ولا أبلغ التوكيل علماً بأن السيارة عاملة 1700ك حتى الآن

الموضوع: استفسار من اصحاب لانسر بومه الموديل الحديث

LinkBack

أدوات الموضوع

عرض

-

-

-

-

-

-

المواضيع المتشابهه

هوندا سيفيك 2004-2005 ياترى رأى اصحاب الخبره فى هذا الموديل ده ايه

ميتسوبيشى لانسر كريستالة 99 للبيع حالة نادرةلنوع:ميتسوبيشى لانسر الموديل:99 الشهير ب

متسوبيشى لانسر كريستالة بحالة الزيرو للبيعلنوع:ميتسوبيشى لانسر الموديل:99 الشهير بال

استفسار من اصحاب لانسر مكوة او اي لانسر كاربراتير

الكلمات الدلالية لهذا الموضوع

المفضلات

المفضلات

ضوابط المشاركة