ايه الحل !!
[youtube]https://www.youtube.com/watch?feature=player_embedded&v=LO9PvOqh4Zc[/youtube]
https://www.youtube.com/watch?featur...&v=LO9PvOqh4Zc
عرض للطباعة
ايه الحل !!
[youtube]https://www.youtube.com/watch?feature=player_embedded&v=LO9PvOqh4Zc[/youtube]
https://www.youtube.com/watch?featur...&v=LO9PvOqh4Zc
شفت الفيديو بس مش قادر اقتنع بيه مين اللي صوره؟
الفيديو تم تصويره بواسطه كاميره مراقبه مثبته ( كما قال رافع الفيديو )
اما بالنسبه للحل ، لا يوجد حل غير الــحل الــأمنـــــــى فقط ، يجب تكثيف دوريات وكمائن الشرطه فى كل مكان وخاصه الاماكن المقطوعه ومع تكثيف الكمائن وانتشارها فى كل مكان تأكد تماما انه سيتم القبض على الكثير من البلطجيه ومسجلى خطر والهاربين من اقسام الشرطه والسجون اثناء الثوره وعلى الاقل سيقل عدد البلطجيه فى الشوارع مع دفع بقيه البلطجيه الى الاختباء والتفكير مليون مره قبل اى محاوله للقيام باى فعل اجرامى ..
وأعتقد ان هذه الفائده الحقيقيه من انشاء الجهاز الامنى ( الشرطه ) وهو حفظ امن الشعب وليس امن النظام الحاكم واتباعه فقط !!!! ما يحدث الان فى مصر مهزله حقيقيه ، تسخير الشرطه لحمايه كرسى النظام فقط كان سببا فى اسقاط نظام مبارك وبدلا ان يتعلم الاخوان من هذا الخطأ ، فللأسف وقعوا فيه عن قصد بل سخروا الشرطه لحمايه جماعه الاخوان واتباعها فقط بدرجه لم يكن يتجرأ ان يفعلها النظام السابق وللأسف فالشعب المصرى هو الوحيد الذى يدفع ثمن هذا مليون مره ، مره فى نقوده التى تدفع لظباط وجنود يحمون جماعه الأخوان وقيادتها فقط ومره فى ارواحه ومره فى ممتلكاته و ..... الخ
لا حول ولا قوة الا بالله ... ربنا يردهاله علي خير وينتقم منهم ان شاء الله.
بصراحة حطيت نفسي لو لا قدر الله اتحطيت في نفس الموقف حسيت بغل جامد اوي ولقيت رد فعلي الوحيد ( خصوصا مفيش مجال افاديهم من يمين او شمال او ارجع بدهري ) اني هدوس بنزين واحشر اللي نزلو من الابواب ده واقف علي دواسة البنزين ( بغل بقي ) واخد العربية ادامي لحد مالبسهم في حاجة عشان يبقي معايا وقت اجري منهم.
بس محدش يعرف احساس اللي فالموقف نفسه بيبقي عامل ازاي ورد الفعل بيختلف من واحد للتاني. وساعات المفاجاة بتشل التفكير فعلا.
ربنا مايكتبها علي حد وينتقم منهم.
قولو امين يارب.
امين يارب ..
أنا هحكي عليا أنا إمبارح الجمعة بالليل الساعه حوالي ٦ المغرب كدا كنت واقف في بارك كدا فاضي بظبط عربيتي وبنضفها كنت لسه غاسلها في البنزيمة وكان فيه في الزجاج حتت لطه ما نشفتش قولت أركن في البارك في المدينه في مكان فيه بيوت يعني مش صحرا وناس خفيفه بتعدي علي البارك دا مشي المهم وأنا بظبط العربيه لقيت إتنين واحد لابس جاكت جلد أسود والتاني لابس حاجه بيج كدا وماشيين زي المخبرين كدا بطريقة اللي رايح يهجم علي واحد فأنا كنت مشغول في تنشيف الإزاز وبعدين هما كانو جايين عليا فقبل ما يتوجهو نحيتي أنا خدت بالي طبعاً كنت منحني علي زجاج العربية فلما خدت بالي من الإتنين دول قمت واقف وضع إستعداد وأنا طويل وجسمي يغر يعني بس أعتقد علي الفاضي أكيد لو فيه سلاح أجدع مني هيتثبت المهم لما وقفت كدا عملو نفسهم ماشيين عادي مش جايين عليا وكملو لحد الزاويه التانية من البارك دا أصلا طريق بيعدي منه الناس ويكملو للشارع الرئيسي اللي فيه التوكيلات والمات التجاريه المهم لما الناس دي عدت ووقفت في الركن اللي هناك أنا كملت تنضيف عادي ولكن مع متابعة ليهم من بعيد لبعيد ومرتاب في أمرهم لقيت واحد إنضملهم نحيف كدا وشبه عساكر الأمن المركزي شكله مجرم أخر حاجه وبعدين بعد أقل من دقيقة شكلة كان بيتخانق معاهم راح متجه نحيتي بسرعة كبيرة اللي قبل الجري والاتنين التانيين واقفين مأمنين وصل لنص المسافة ولحسن حظي أو سوءه إذا وصلي إن العربية كانت دايره علشان كنت مشغل الجي أم بسبب البطارية بصراحة في اللحظة دي بالعقل كدا أنا قدامي خيارين ملهمش تالت يا أقف وأدافع عن نفسي وعربيتي وفي الحالة دي هيتوقف علي نوع السلاح اللي معاه دا حتي من غير سلاح هو واد أمن مركزي يعني روسيه واحدة والعربية دايرة جاهزه والايفون والايباد جوا كمان يعني هيعيش الحياه، أو الجري نص المجدعة في اللحظة دي رغم أني قعدت أكتر من ساعة ألوم نفسي علشان دا هروب وأنا بكرة دا جداً بس إية الحل إذا ماكانش فية شرطة ولا أمن هيا الشرطة عارفة تأمن إقسامها علشان تأمن البارك اللي أنا واقف فيه ، دلوقتي فعلا بعد اللي حصل دا لا بديل عن وجود سلاح في عربيتي بأي تمن وخصوصاً إني علطول لوحدي في كل حتة أي نوع من الأسلحة طبنجة أو مطواه أو أي حاجة أدافع بيها عن نفسي في موقف زي دا مش أطلع أجري بعربيتي زي العيال بلد أية يا ربي اللي عايشين فيها دي
شكرا" علي الفيديو ده ويا ريت كل واحد فينا يوريه لأخته و زوجته و بنته حتي يكون فيديو تعليمي لكيفيه التعامل مع موقف زي دهز
اظن دى فكره كويسه
لا حول و لا قوه الا بالله
انتشر جدا موضوع التثبيت و سرقه السيارات في اي وقت علي مدار ال 24 ساعه .... انا كل ما اتكلم مع اصدقائي في الموضوع ده ألاقي فيه قصص و حواديت .... ربنا يستر .... الواحد اتحددت إقامته ....و بقي بيعمل المشاوير الضروريه فقط ...و فعلا الواحد بيحسبها قبل مايروح اي مشوار .
والله انسب حل ان كل بلطجى يتمسك يتعدم علشان نخلص
فيديو عجيب
أولا : الميكروباص الى كان واقف بعيد ولف كان واقف ليه ؟ لا ركب حد ولا نزل حد
ثانيا : كاميرة المراقبه ايه لزمتها طالما مش مبينه اى حاجه او حتى ارقام العربيات تبقى محطوطه ليه من اساسه ؟
ثالثا : فين الاسلحة ؟؟
فيديو عليه علامات استفهام
بس ده ميمنعش ان الواد الى ركب اليارس سواااق