انا لو منك أشترة ماتور إستيراد أحسن
عرض للطباعة
انا لو منك أشترة ماتور إستيراد أحسن
اولا انا بشكر كل الاخوان ولا بلاش اخوان عشان الموضوع ميقبلش سياسة هههههههه
شكرا لكل الاخوة الافاضل اللي ردو وتفاعلو مع الموضوع
ثانيا : يبقى كدة الحلول تتمثل في الاتي من الاسهل والاقل تكلفة الى الاعلى والاصعب
1- تركيب جوانين او تلاتة وش سليندر لتعويض النقص في البلوك نتيجة القشط
2- حل وش السليندر وقشط جزء من كل بيستم بيعادل الجزء المقشوط من البلوك ودي طريقة قالي ميكانيكي انو بيعملها ومجربة بس لازم طبعا يكون سمك قورة البستم يسمح انك تشيل منه 2 او 3 مم وده بيعملها والبساتم راكبة
3- حل الموتور ونشوف المشكلة على الطبيعة ونودي البلوك والبساتم عند خراط يظبط البساتم على المخرطة مع وضع البلوك الجديد ودي اكترهم تكلفة ولازم ميكاني فاهم وامين يقوم بالعملية دي
وفيه حاجة تانية فكرت فيها وممكن تكون سبب المشكلة والمشكلة بعيدة عن البساتم والبلوك
وهي لو طنبورة الكرنك ليها عدله معينة عشان تطابق الزنب فوق والطنبورة دي مركبتش صح مش ممكن تعمل الخلفة دي في الكاتينة يعني ممكن الموضوع كله يكون محتاج تظبيط طنبورة الكرنك على الظبطة الصح
مستني رايكو
موضوع عدله طنبوره الكرنك هيبان بسهوله لما يتفك الوش والميكانيكي يلف البساتم يدوي ويشوف مدي قربها من رؤوس الشواكيش ..بس خلي بالك برده لو الطنبوره خالفه التقسيمه العربيه هتتعبك في الدواره ولما توصل لسرعات عاليه تحس انها شقيانه واستهلاك البنزين اعلي من الطبيعي ,هل ده بيحصل؟؟
ماعتقدش ..
بس مايمنعش انك تجرب
ربنا يوفقك
والله انت في وضع لا تحسد عليه
انا مقدر موقفك
لما حد يستأمنك علي حاجة (أخت حضرتك استأمنتك علي عربيتها وفلوسها) ويجي حد ابن حلال يصغرك قدام اللي استأمنك ويحرجك ويطلعك غير أمين قدام اللي استأمنك
بص يا استاذي
انت اوفر الحلول واسرعها واقربها للصواب هو حل الجوانات اللزيادة
اساسا من الأساس مواتير فولكس ما بتعمرش - بس الكلام دة مفيش منه داعي
مسح البساتم هيضعفها وهيخليك عرضة انك كل شوية تبقي عايز تقشط منها تاني ومن البستم لأن كل ما هتتأكل هتخلف معاك في التقسيمة تاني وهتمسح تاني وتالت لحد لما تخلص البستم كله مسح
اساسا البيستم من غير اي مسح وبيتأكل من كتر المشي والسرعات والحرارة
انت تعمل الحل بتاع الجوانات دة واعتقد جواناتها في منها جوانات صاج - انت هات الجوانات الأصلي (الواحد ب80 جنيه علي ما اعتقد)
اسأل تاني وربنا يعينك
والله المستعان
،
،
أنا شايف إنك تاخد نمرته وتحتفظ بيها معاك عشان لو احتاجتها
لكن الحل اللى المفروض إنك تعمله هو تركيب جوانين كمان على الأصلي لتعويض النقص في جحم حجرة الحريق
لعدة أسباب
1- إن مهما حاولت أو الصنايعي مهما كان شاطر وحاول إنه بضبط الزيادة اللى هاياخدها من البساتم عمرها ما هاتطلع زي الزيادة اللى اتاخدت من البلوك وفي جميع الأحوال هايكون فيه فرق سواء بالنقصان أو الزيادة .... والفرق بالمللي بيفرق في المواتير دي
2- بعد ما تاخد الزيادة من البساتم هي نفسها هاتكون ضعيفة وهاتبدي تدخل في دائرة مغلقة مع الزمن بإن كل فترة هاتحتاج تعملها حاجة شكل في الخراطة وزيها بالضبظ زي ماتكون كل فترة هاتركب جوان ... مع مراعاة إن تركيب الجوان أسهل الحلول المطروحة ولو باظ هاتركب غيره جديد بدون أي مشاكل بالعكس من خراطة البستم اللى لو مش مضبوطة هاتبتدي تتكلم كل شوية في خراطة جزء تاني من أجزاء الموتور الله أعلم هايكون إيه عشان تضبط الفرق مع البساتم وطبعا الخراطة كل شوية شيء مش سهل وهايوقف العربية تماما غير تكلفته المادية
بعد تركيب الجوانات بإذن الله هايكون نفس تأثير مسح الزيادة من على البساتم مع الفارق إنك حافظت على البساتم وكفاية كدة شغل في الموتور نفسه .... وتعمل حسابك إن بإذن الله في المستقبل القريب تشوف موتور استيراد براحتك تماما وانت مش مستعجل ولما يجيلك فلوس ... وربنا هايرزقك بإذن الله
ولو في خلال مانت بدور على الموتور الاستيراد حسيت إن حوار الجوانات ده مش نافع خالص لأي سبب من الأساباب غير المتوقعة ... يبقى معاك نمرة الراجل وتخليه يعمل اللى بيقول عليه ويمسح الزيادة من البساتم وهي راكبة زي ما بيقول بس تكون واقف على إيده وتشوفه بيعمل إيه
بس ابتدي بحل الجوانات الأول لأنه أسهل وأوفر .. وأقرب .. الحلول إلى الصواب كمان
والقرار لك في النهاية طبعا
شكرا ليكم ان شاء الله رايح لميكانيكي
وهنحل الوش ونشوف الدنيا فيها ايه
وربنا يسهل والمشكلة تتحل بتركيب وجوانين
وانا فعلا خدت رقم التليفون ومخلية حل اخير
جوانات الاول