كان الله فى عونك ،، ا نا عندى نص مشكلتك ومش عارف اعمل ايه ،،،http://www.nilemotors.net/Nile/377729-a4.html
عرض للطباعة
كان الله فى عونك ،، ا نا عندى نص مشكلتك ومش عارف اعمل ايه ،،،http://www.nilemotors.net/Nile/377729-a4.html
حاجة تحرق الدم
واحد عنده مشكلة فى شنبر يمسح البلوك ليه و يعمل شميز ليه عند الخراط
هى عربية ميكروباص و له عربية من سنة 1970
دلوقتى العربية عاوزة طقم شنبر يبقى مخرجش برة محيط النقطة دى
يبقى اجيب طقم شنبر وزيت غيار و جوان وش سليندر ولو فى مشكلة يبقى بغير الشميز و دة بيتجاب استندارد و بغيره بس و بقفل و خلص الكلام و علشان اعمل شغل نضافة بجيب صنفرة نعمه جداااااااااااا و بنضف بيها بيها حرف البلوك و حرف وش السليندر و عمود الكرنك مش اروح امسح عند خراط
كلام فاضى و دة بيتسمى بفتح الشغل
يعوض عليك ربنا فى الموتور
انا من راى خليك على نفس الموتور و اهلكه
و امشى عليه شوية لحد ما تهدا من المصريف و لو كنا نعرف الموضوع كنت قولتالك روح عند خراط و فك البوجيه و قولو اعملى كرسى و كان هيكلفك 15 جنيه و كنت تروح عند اى واحد بتاع اكسسوار وقولو عاوز نفس البوجيه دة بس يكون بسن طويل علشان هيقعد على كرسى وركبه و مكنش الزيت هيطولو و كنت مع كل غيار زيت هتحط زيت شنبر و خلص الموضوع على كدة و يعتبر حل مؤقت لحين ما تهلك الموتور و غيره بس الموضوع ده مش هيكلفك 50 او 70 جنيه
عاوزين الناس تشرح مشكلتها قبل ما تعمل اى حاجة علشان نفيد و نستفاد من التجارب و محدش يوقع فى الغلط دة
ربك المستعان
طبعا اللي فوق ده لازم تقروه عشان تفهم القصة من الاول
والمعاناه اللي شوفتها والخبرات اللي موجودة فيه وتبقى مرجع لكل واحد هيمر بالمشكلة دي
قبل ما اتكلم عن الحل هديكو ملخص بسيط...
1- المشكلة كانت برجلة جامدة ودخان والعربية متلتة وبتاكل زيت.
2-عرضت المشكلة هنا وروحت لمعظم ميكانيكية مصر بتوع الاسكودا والغالبية اجمعت ان الموتور مفوت وعايزة متور افضل من الشنبر.
3- نصيبي وداني عند واحد ميكانيكي اسمة سيد (سبب معاناتي بسبب قلة ضميرة لانة لففني شهور عشان احل المشكلة بسبب شلن ملح)عنوانة المهندسين شارع المشروع متفرع من شارع السودان او بيسمو الشارع محمود عزمي هو متفرع من ش المشروع ده اللي فيه مستشفى سوزان مبارك انا كتبت العنوان بالتفصيل عشان تاخدو بالكو منه.
4- المهم رحت لسيد ده عند ورشة كبير جراج عمارة وعامل لنفسة مكتب وتكييف وشغلانة وعنده عربيات باسات وجولف واودي واسكودا قلت بس هو ده اللي فاهم وهيحل المشكلة وهو الوحيد اللي قالي نعمل شمبر احسن لان ماتورك كويس ومفيش فية ترزيع او اي مشكلة غير الشنبر والاستيراد منعرفش فيه ايه وهاخد 4.5 الاف اجرة وخامات وخراط وطقم كاتينة ومية وزيت وفلاتر وكلة قولتلة امين.
5-بدأ شغل والقصة موجودة في الاقتباس فوق واستلمت العربية بعد معاناه ونفس المشكلة موجودة تسقيف في الطلعة وسحب ضايع لاكن مفيش دخان ولا بتاكل زيت
6- رحت لخالد اسماعيل ورحت لهاني في جسر سويس وعرفوني ان ترس الكامة خالف 7 سنات وكل واحد منهم برأي ومعجبنيش كلامهم لان محدش عايز يتعب ويعرف العيب فين كله يقولك غير ماتور العمر فاشلة واكيد خد من البلوك كتير سبتهم وقعدت فترة ماشي بالعربية كدة تسقيف رهيب في الطلعة وسحب مش تمام.
7- لغاية ما روحت لمحمد فضالي صاحب مركز توب جيرو وحكيتلة على كل التجارب اللي مريت بيها فاتفقنا نحل الوش ونزود جوانات وش عشان نعوض الفارق اللي اتقشط من البلوك(على اساس ان اللي عمل العمرة قشط من البلوك)
8-ولاكن بعد ما حل لقينا البلوك فابريقة ومش متاخد منه حاجة وحتى هو قالي شكل القشط ده بتاع المصنه ومفيش خراط هنا بيخرط بالمظر ده وكمان سأل صديق ليه كان موجود وشغال في توكيل بي ام قال البلوك سليم ونضيف والبساتم مكحمة كويس امممممممممم قعدنا نفكر طيب فين المشكلة وايه مخلي الكاتينة عشان تتظبط الترس لازم يخلف 7 سنات اه وكمان حساس الكامة كان منور لمبة الاعطال على طول لدرجة ان محمد فضالي قالي اكيد الراجل ده معملش حاجة غير انو غير شنبر بس قولتلة يا ريت على الاقل ميكونش لعب في حاجة وتبقى خسارة الماتور والفلوس
بالمناسبة لما فكيت عند اول ميكانيكي كانت السبايك ممتازة هي والكرنك تقريبا زيرو والبساتم كانت نضيفة.
9- نرجع للمشكلة طيب فين المشكلة محمد قال انا شاكك ان ترس الكامة مش بتاع العربية واكيد اتغير عند اللي عملك العمره لكن ان كنت مصر ان الترس هو بتاع العربية لان شوفت كذا ترس زي بتاعي بالظبط وهو هو نفس الترس فهو قالي يبقى الترس مش بتاعها او عمود الكامات مش بتاعها المهم بعد مداولة واخذ وعطا اتفقنا اني اروح اشتري وش من الحرفيين رحت الحرفيين ومحدش عايز يفك وش من مكنة وكمان المفكوك جاهز حالتة تعبانة وتمنة 2500 جنية رجعت من الحرفيين زهقان وقلتلة قفل على كدة.لغاية ما اتفقت معاه ييجي معايا الحرفيين ويشوف الوش بنفسة.
10- رحنا الحرفيين وخدنا الكامة وترس الكامة معانا وعايرناهم هناك مع ترس وكامة بتوع العربية وكانت الفجأة ان الكامة مش هي هي فيه اختلاف في زوايا الكامة ومحمد قالي انا صح هههههههههه.
11- اشترينا عمود الكامة وطبعا انا كنت شاري الجوانا والزيت والسيور واللزي منه وقفلنا وظبطنا الكامة والترس اتظبط على الذنب تمام ولمبة الاعطال طفت بعد كانت منورة بسبب الكامة كانت بتدي قراية غلط لحساس الكامة لحد كده تمام وكنت مبصوط وقفلنا ودورنا والدنيا تمام لكن ظهرت مشكلة كانت مش موجودة وهي ارتفاع درجة الحرارة بتوصل ل 110 على الجهاز وهو قعد يحاول شمال يمين كل حاجة تمام مفيش فايدة الحرارة عالية فهو قالي هي حرارتها كدة عادي في الكاتلوج لكن وانا مروح المؤشر كان بيقرب من الشرطة الحمرا خصوصا مع الجري رجعت لمحمد تاني يوم وقلتلة وموصلناش لنتيجة.
12- فضلت كدة فترة لغاية ما روحت لواحد شغال في توكيل باسات حكيتلة كل حاجة لغاية موضوع الكامة وقولتلة دلوقتي عايز مشكلة الحرارة اللي مكنتش موجودة قبل ما اعمل شغل الكامة وبالمناسبة انا كنت شاري شجرة مياة جديدة اصلي بالثرموثتات وحساس الحرارة من ابو الحسن فضل يغير في حساس الحرارة شمال يمين والعربية برضة بتسخن شال الثرموثتات وركب واحد مفيهاش ثرموثتات من عندة برضة بتسخن قالي اكيد شجرة المية فك بتاعتي وركب واحدة قديمة من عندة برضة بتسخن بعد ده كله خلصت معاه ومشيت بالمشكلة.
13- اخر حاجة رحت انا عند ابو الحسن واشتريت شجرة مياه جديدة وركبتها هناك عند واحد اسمه رمضان في بين السريات والحمد لله الحرارة بقت تمام ما بتعديش 90 ومفيش تسقيف والسحب تمام والعربية بتقفل 180 بسهولة ومحاولتش اجيب اكتر من كدة
ودي كانت تجربتي مع ماتور الاوكتافيا
ياااااااه ده انت لفيت لفة كبيرة اوى
معلش ، والحمد لله انها جت على كدة وان المشكلة اتحلت الحمد لله :) مبرووك :)
اه والله انا اتبهدلت كتير اوي انا خدت ايام وليالي مع العربية دي والمشكلة مش في العربية المشكلة يا اما واحد معندوش ضمير يا اما واحد بيفتي و معندوش فكرة وبسبب ده العربية اتكلفت اكتر من 8000 جنية وانا شقيت بزيهم والعربية اساسا بتاعة اختي وانا اللي اتوليت الموضوع من البداية وكان لازم اكمل فيه
واخيرا الحمد لله والله يبارك فيك
الف مبروك والحمد لله ان ربنا عوض تعبك والمشكلة اتحلت
ربنا يعوض عليك خير ف تعبك ومجهودك وفولوسك حاجه بشلن تعذب الواحد ويصرف الوفات
بس سؤال انتا من يوم جبت العربيه هي كده ولا عمود الكامه دا اتغير عند الميكانيكي الاولاني وليه
المفروض تروح للميكانيكي وتحاسبه علي الشغل ئل معملهوش والخرط ئل متعملش
جبت عمود الكامه بكام وفين مزز توب جير دا والراجل كام مصنعيه وهما متخصصين في نوع ايه من العربيات
طيب سؤال هو موتور الاوكتافيا a4 استيراد بكام دا للعلم فقط
انا سعيد بجد لنى قريت الموضوع ده .. مبروك على حل المشكلة