ضرورى ...ضبط الجنوط

**S.S.E** · 22-03-2013 10:54 PM

عامل الأربع فرد كاوتش نايتروجين على مقاس 30 بقالى شهر تقريبا فشيكت عليها من 3 أيام لقيت العامل بيقولى كانت ناقصه فزود روحت لواحد تانى قالى الأربع فرد معمولين على 40 .....فالسؤال هنا بقيس على المؤشر أو البار الأحمر ولا البار الأسود لأن فى واحد فيهم خاص بالنقل .
والسؤال التانى الكاوتش أملاه على كام لان الفرامل بقت ضعيفه جدا والدريكسيون تقل فأنا مش عارف أصدق مين ،كل الصناعيه حراميه

العربيه frv cross

**borio1704** · 23-03-2013 12:12 AM

المشاركة الأصلية كتبت بواسطة S.S.E

عامل الأربع فرد كاوتش نايتروجين على مقاس 30 بقالى شهر تقريبا فشيكت عليها من 3 أيام لقيت العامل بيقولى كانت ناقصه فزود روحت لواحد تانى قالى الأربع فرد معمولين على 40 .....فالسؤال هنا بقيس على المؤشر أو البار الأحمر ولا البار الأسود لأن فى واحد فيهم خاص بالنقل .
والسؤال التانى الكاوتش أملاه على كام لان الفرامل بقت ضعيفه جدا والدريكسيون تقل فأنا مش عارف أصدق مين ،كل الصناعيه حراميه

العربيه frv cross

معظم عدادات الضغط بيبقى عليها تدريجين... واحد بـ Bar ، والتاني بـ psi

والـpsi هي الوحدة اللي بنستخدمها عادة في محطات البنزين... لما بتقول لبتاع الكاوتش ينفخ على 30.. يعني 30 psi

الوحدة التانية اللي هي الـ"Bar" هتلاقيها مستخدمة في الورقة الملزوقة على قايم العربية .. ومكتوب فيها ضغط الهواء المفروض في العجل

خلي بالك:
Bar = 14.5 psi

وسواء كان التدريج أحمر أو أسود... المهم إنه اللي بيضبط يبقى عارف هو بيعمل إيه. . . ودي في حد ذاتها مشكلة... لإن اللي فاهم في البلد دي قليلين

...

**Moabany** · 25-03-2013 08:47 AM

ظبط هواء احسن
في اي محطة بنزين عندها عداد ديجيتال
نسبة الخطأ فيه قليلة
وطبعا لازم يكون الكاوتش بارد يعني اول ما تطلع الصبح

**Formulator** · 25-03-2013 03:08 PM

المشاركة الأصلية كتبت بواسطة S.S.E

والسؤال التانى الكاوتش أملاه على كام لان الفرامل بقت ضعيفه جدا والدريكسيون تقل فأنا مش عارف أصدق مين ،كل الصناعيه حراميهالعربيه frv cross

طبعا لازم يبقى الدركسيون ثقيل - والفرامل ضعيفة؟!!
والكاوتش ممكن يصفر فـ الملفات! والعربية هتاكل بنزين كمان؟؟!!!

المشاركة الأصلية كتبت بواسطة S.S.E

لقيت مكتوب على الكاوتش 44 psi

ياباشا
الـ44 psi دى max. inflation pressure؟؟؟!!!!!!

يعنى أعلى ضغط ممكن الكاوتش يتحمله؟!!

- حضرتك تراجع ضغط الكاوتش الـrecommended من صانع العربية (عـ القايم بتاع الباب أو مانيوال العربية -- أو search عـ النت منتديات Brilliance)!!

وإلتزم بيه.. عشان الأمااااااااااااااااااااا ان!
>> ممكن تطلع أو تنزل عن الرقم ده (آخرك 2-3 psi فوق وتحت).. مش أكثر من كده!!
وممكن تخلى قدام أعلى من ورا 1-2 psi عشان الهاندلينج بتاع العربية..

غير كده لأ

Rgds،

**Formulator** · 25-03-2013 03:11 PM

وهاتلك مقياس ضغط (ميزان) من الحرفيين أو التوفيقية بـ20-30 جنيه؟!!

وتعايره عند بريدجستون fit&fix مثلا.. (تخليه يضبطلك الكاوتش على مقياسه الـdigital.. وتقيس بالمقياس بتاعك: وتشوف لو فيه فرق -- تبقى عارف انه فيه error ولا لأ)!!

وإرميه فـ شنطة العربية -- مع العدة والإستبن!!
لما تشك فـ واحد بتاع كاوتش -ان مقياسه مش مضبوط- راجع بالمقياس بتاعك!
الحاجات دى مفيهاش هزار؟؟!!!

**hossam_elwani** · 25-03-2013 03:20 PM

يعنى افهم منك يا استاذ Formulator

ان ضبط الهوا فى الكاوتش الامامى اعلى من الخلفى درجتين بيزود الثبات اكتر ؟؟

ولا راجع لتعويض فرق الاحمال على الكاوتش من قدام عن ورا نتيجه وجود الموتور قدام ؟؟