ناوى اشترى نيسان صنى 2013 وعايز نصيحه من اللى عندهم العربيه

**amha2** · 23-03-2013 09:56 PM

المشاركة الأصلية كتبت بواسطة د.محمدعبدالعال

العربية النيسان كويسة جدا جدا جدا جدا عن تجربة أفضل من البوما ..

الناس بتتكلم صح ان البوما سهلة في بيعها وقطع غيارها متوافرة بس شوف فروق بين دي ودي .. السوبر صالون دلوقتي 121 عند سمير ريان (جنوط اسبور + بلوتوث + مرايات ضم + سبويلر + تارة مالتي فانكشن ) ده بالاضافة لل 2 ايرباج والوسع خرافي وعالية مش هتحك منك في المطبات وأنا لسه شاري العربية من شهر ومعظم المشاكل اللي الناس اتكلمت عنها اتحلت .. ززي مشكلة المساعدين ومشكلة صاجة التيل الخلفي ومشكلة الصاج دي في كل عربية ..
بالنسبة للتقفيل المصري مش هتحس بعيبه غير في حاجتين اتنين بالظبط .. فرش الصالون وموكيت الأرضية وكده كده لما بتجيب عربية أيا كانت بتركبلها فرش للكراسي وللأرضية عشان تحافظ على الأصلي بتاعها ..

أنا اخويا عنده النترا 2012 هاي لاين وبيحب النيسان وركوبتها ونعومة عفشتها أكتر من عربيته
نصيحة من أخ العربية حلوة قوي وتمنها فيها وتستاهل أكتر من تمنها كمان

**hatem_swaf** · 24-03-2013 12:08 AM

الف شكر ليكم جميعا على هذه الردود القيمه والاهتمام

انا حابب الصنى للاوبشن اللى فيها ولان سعرها اقل من اللانسر حوالى 17 الف بس لما قريت لقيت ناس كتير بتشتكى من الفرامل والتيل و انها خفيفه فحسيت ان البومه حتكون احسن لانها تقفيل بره بس مفيهاش اوبشن خالص

مش عارف لسه محتار وان كنت بميل للبومه دلوقتى وخصوصا ان معايا لادا وتقفيل مصرى قرفنى

**د.محمدعبدالعال** · 24-03-2013 05:19 AM

المشاركة الأصلية كتبت بواسطة hatem_swaf

الف شكر ليكم جميعا على هذه الردود القيمه والاهتمام

انا حابب الصنى للاوبشن اللى فيها ولان سعرها اقل من اللانسر حوالى 17 الف بس لما قريت لقيت ناس كتير بتشتكى من الفرامل والتيل و انها خفيفه فحسيت ان البومه حتكون احسن لانها تقفيل بره بس مفيهاش اوبشن خالص

مش عارف لسه محتار وان كنت بميل للبومه دلوقتى وخصوصا ان معايا لادا وتقفيل مصرى قرفنى

مشكلة صاجة التيل الخلفي اتحلت .. ومشكلة تيل الفرامل في طريقها للحل ولو اتغير التيل في مدة قصية بيغيروه في الضمان .. أما بالنسبة لفرامل العربية فهي روعة بجد abs و ebd .. ومهما كنت بتجري العربية لو دوست فراملها جامد بتقف في ثانية .. بجد نصيحة من أخ مفيش وجه للمقارنة بين البومة معدومة الاوبشنات وبين النيو صني اللي هتاخد بتمنها اوبشنات بالهبل

وعلى فكرة الكاوتش الماكسيس مش بطال هو بس مبيساعدش العربية على الثبات بعد ال 140 كم/ س ، واصلا في مصر مفيش طرق تستحمل اكتر من كده وبعدين يا سيدي خليه ياخد وقته وغيره بكاوتش كويس واهو انت كده كده هتوفر 17 ألف جنيه عن تمن البومة .. والله والله والله العربية تستاهل تمنها وهتريحك وهتفرح بالعربية ان شاء الله وخصوصا لو جبتها سوبر صالون .. أنا مش مستفيد حاجة انك تشتري دي أو دي .. بس مجرد نصيحة لوجه الله

**jojojojo** · 24-03-2013 02:11 AM

لو معاك امكانيات البوما يبقي طبعا البوما معكش هات الصني الشكل القديم اكتر اعتماديه وقطع غيارها منتشره ديه الخلاصه

**د.محمدعبدالعال** · 24-03-2013 05:21 AM

المشاركة الأصلية كتبت بواسطة jojojojo

لو معاك امكانيات البوما يبقي طبعا البوما معكش هات الصني الشكل القديم اكتر اعتماديه وقطع غيارها منتشره ديه الخلاصه

يا ريس الشكل القديم ضيقة جدا وبتستهلك بنزين وده تم معالجته في الشكل الجديد .. انا مش متحيز لعربيتي بس عاوز اوضح لصديقنا مميزات وعيوب كل عربية .. لأنه طلب نصيحتنا ف لازم نخلصله النصيحة

**canner** · 24-03-2013 08:08 AM

اللى معاه العربية ح يقولك هاتها و اللى مش معاه ح يقولك بلاش يعنى انا شاريها و بقولك اتكل على الله و هاتها بس نصيحة منى و خلينا فى الحيادية فضى نفسك شوية و اقرا المواضيع فى المنتدى على العربيتين و انت ح تعرف بنفسك فى الاخر