اقتباس المشاركة الأصلية كتبت بواسطة المنسي مشاهدة المشاركة
المرة دى جاى بمشكلة عندى
دلوقتى لما ببقي ماشي بالعربية ودايس بنزين بلاقى لمبة البطارية منورة على خفيف جدا تكاد تكون مش منورة المهم لما دوست بنزين جامد وانا راجع من مشوار العربية بطلت منى ركنت على جنب ودورت بعد عدة محاولات ودارت الحمد لله
ملحوظة
العربية بتدور من اول مرة يعني المارش سليم الحمد لله
تفتكرو الدينامو يكون فيه ايه انا بصيت على الشربونات بتاعته لقيتها كويسة
ياترى السبب ممكن يكون من ايه؟؟؟؟؟؟؟
كتاوت الشحن وعلشان تعرفها بنفسك حاشرحلك الطريقه....

دور محرك السيارة وانزل من العربية فك قطاش البطارية الموجب وشوف كدا العربية حتفضل دايرة ولا صوت الموتور حيقطع لو قطع يبقى كتاوت الشخن عندك محتاجة تغيير....

حاجة تانيه هات افوميتر اشتريه وخليه عندك مهم جدا لكل مالك سيارة بيحب يعمل حاجته بنفسه
بعد ما تفك القوطاش الموجب حط صباع الفة الموجب على القطاش طبعا هو واصل للدينمو وحط الصباع الثانى فى جسم السيارة وشوف قراية الافو لو 12 فولت يبقى الكتاوت تمام التمام لو اقل من كدا زود من الاكسرتير وشوف القراءة حتزيد ولا لاء دى طريقا اختبار الكاتوت والدينمو....*
ولو عاوز تريح دماغك من الآخركد و من وصف مشكلتك كدا هى الملعونه كتاوت الشحن روح اشترى الأصليه بتاعتها ب65 جنية وانا ممكن اساعدك تركبها بنفسك....*