الف مبروك و ربنا يديلك خيرها و يكفيك شرها. ما تزعلش علي الخبطات اي عربيه جديده في بلدنا لازم تاخد التطعيم ده
عرض للطباعة
الف مبروك و ربنا يديلك خيرها و يكفيك شرها. ما تزعلش علي الخبطات اي عربيه جديده في بلدنا لازم تاخد التطعيم ده
عند حضرتك حق اكيد مليون في الميه. كان زمان و مش زمان قوي يعني الغلطان او اللي ماشي عكسي بيعمل نفسه مش شايفك و لا كانه بيتكلم في التليفون علشان ما تشتموش لانه مخالف دلوقتي بيعمل المخالفه متعمد و لو كلمته بيتخانق معاك بمنتهي الثقه او يشوح لك كأنك الغلطان مش هو
ا/ شريف....أولا ألف مبروك العربية الجديدة و ربنا يبارك لك فيها.....
بعد إذنك انا محتاج بعض الاستفسارات من حضرتك.
مبدئيا انا معايا رينو ميجان و أن شاء الله ناوى أغير العربية قريب.....انا ساكن فى إسكندرية و شغلى فى التجمع الخامس و باضطر أسافر مره كل أسبوع .....فى الأول كانت دماغي رايحه الفلوانس الfacelift الجديد اللى لسه نازله من كام يوم و كنت رايح لفئة الهاى لاين بس مع جنط ١٦.......السعر حوالي ١٨٨ ألف قبل تخفيض الجمارك مؤخراً
طبعا العربية مليانه كماليات مع فرش جلد و نازله بموتور افضل وأقوى و بفتيس افضل و ناعم جداً ٦سرعات. بالنسبالى توكيل رينو فى الإسكندرية كويس و انا مرتاحله....
طبعا أكيد طول عمري بحلم بال بى أم.....امكانياتى هتكون ال٣١٦ برده......انا عارف أن مفيش مقارنه بين السيارتين لكن برده انا مش عايز كماليات اقل فى البي ام....من وجهه نظرى لو هنتكلم على الكماليات فقط فانا هن قص الاتى:
-فتحه سقف
-زينون أصلى
- keyless entry
- عدادات ديجيتال
-بلوتوث متكامل (تليفون و نقل أغانى التليفون على الكاسيت) مش عارف ده موجود ولا لأ فى البيمر
-عربيه اعلى عن الأرض
-وضعيه سواقه أعلى و دى مهمه جداً بالنسبالى لأنى قصير
-فتحات تكييف خلفيه
-٤ زجاج كهرباء one touch
-٤ ماكينات رفع زجاج من الكارت
-عربيه أوسع فى الخلف و الشنطه
-دواسات أصلية متوفرة فى التوكيل. :):)
انا عامه مش بعدى سرعه ١٠٠ كيلو فى اغلب سواقتى......حضرتك سوقت الفلوانس القديم (مع الأخذ فى الاعتبار أن الجديده أحلى وأقوى فى كل شىء مع كماليات أكثر) و سوقت البى ام.....يا ريت تفدنى هل انا هاحس بفرق مهول يخلينى أتنازل عن كماليات كتيره فى عربيه من وجهه نظرى أوروبية و أمنه بالنسبة لطبيعه سواقتى واوسع لاسرتى الصغيرة؟؟
بص يا زعيم
كفرق في السواقة و الركوبة فهو في فرق و فرق كبير كمان
ال 316 ممتعة اكتر و استجابتها اسرع و احسن
من الاخر driver car
الفلوينس مش بطاله ابدا ابدا بس مش بمستوي ال bmw بصراحة
و اكيد اكيد تتفوق عليها في الكماليات زي ما انت عارف و ذكرت بعضهم فعلا
و ان جيت للحق عربيات كتير هتتفوق علي ال 316 في الكماليات
لكن كسواقة و ركوبه مفيش حاجه تقريبا تتفوق عليها
الامر هنا يعود اليك
انا الكماليات دي مفرقتش معايا لاني عندي عربية تانية فيها كل ده و اكتر
انا كنت عايز عربية موفره في البنزين اولا و تكون ركوبة عشان محسش اني نزلت بالمستوي كتير
خصوصا و ان الباجيرو اصلا تعتبر نزول في المستوي لان كان معايا كايين في الكويت
فالكورة في ملعبك انت
و خلي بالك الفرق في السعر ما بينهم مش قليل ابدا
انت بتتكلم في 110 الف + تقريبا و ده مش مبلغ صغير
دول يجيبوا عربية تانية
فشوف انت عايز ايه من العربية و القرار يعود اليك
انا حزين لقيام الوكيل بقتل روح التحديث فى اللى بيشترى العربية دى دلوقتى يعنى مش كفاية الثمن : بمعنى انه حاطت ضفيرة كهرباء لا تقبل اى تعديلات مستقبلية فى العربية زى الزينون/الرنجات/ نظام الإضاءة.....تركيب انذار....كلامى هنا على exclusive لانى شايف luxury فيها اضاءة فى الدواسات وممكن يغير لون الإضاءة (orange red & white) فممكن حد يفيدنا لان كدة ممكن يكون فيه امل فى الزنون والرنجات قى ال lux لانى انا متوقع حركة نص كم من الوكيل فى الفيس لفت وينزل فيهم الزنون وال sliding roof
Underground Euros — F30 2012+
عاوزين رأى الخبراء ينفع الكلام ده فى 316 عندنا ولا ايه
بص يا باشا
ال idrive باختصار هو وحده التحكم في النظام الصوتي و التلفون و كمبيوتر العربية
و للاسف مبينزلش بال navigation و مفيش bmw في مصر بتنزل بيه تقريبا الا ال 7 و الله اعلم
و كده كده bmw منزلتش خرايط لمصر
انا عربية والدي مجهزة بيه عشان خليجي و مفيش خرايط نزلت لمصر
و اللي اعرفه انه ال navigation بيبقي module ممكن تركبة و توصله بال idrive
و العربية فيها كروز كنترول
للاسف ده مش ذنب التوكيل
ده ذنب bmw نفسهم
انا في المنتديات الاجنبية ناس معاها 328 و نازلة من غير زنون
عموما انا متاكد انه هيلاقولها حل
و مقدمناش الا الصبر
انا مجربتش اوصل الهارد بصراحه انا بكتفي بالفلاشة في انتظار اني اجيب وصله الا ipod لانها ب 600+ جنية في التوكيل هنا
و اتمني فعلا ميعملوش اللي بتقول عليه في ال face left عشان هتبقي بايخة
و الاهم متنزلش بالمتور ال 170 حصان ال 1600 برضه
انا الsales man اكدلي ان ده مستحيل عشان ميوقفوش سوق ال 320
الكلام ده كبير
بس للاسف مش موضحين الكلام ده للهالوجين زي حالاتنا و لا للزنون ال oem
خصوصا و ان الكلام ده من غير عدسات
يعني لو ركب عندنا هيبهدل الناس اللي ماشية قصادنا
و الصور اللي حاطنها العربية فيها angel eyes يعني زنون oem
و ده تقريبا يؤكد ظني
الحمد لله كملت اول 1000 كيلو امبارح
كده فاضل كمان 1000 و يتضخم الوحش هههههههه
http://i1115.photobucket.com/albums/...2615075DC3.jpg
الف مبروك علي ال ١٠٠٠ كيلو عقبال ال ١٠٠ الف
فعلا ال٣٢٨ مافيهاش زينون ال ٣٣٥ بس اللي فيها حاجة رخمة جداً !
في مصر موجود زينون في 328 وده مكتوب في بروشور ال F30 من البافاريه ودي المواصفات من موقع البافاريه
http://www.bmw-egypt.com/eg/en/newve...28i_Luxury.pdf
الزينون موجود في
320 Luxury
328
335
ومش موجود في كل ال 316 ومش موجود في ال 320 Exclusive
تقريباً الـ316 بس هي اللي مفيهاش زينون.. بس يمكن قدام شوية نلاقي عربيات special order في السوق نازلة بزينون..
بس الصراحة البيمر من غير زينون و رينجات بتفقد كتير أوي من شخصيتها..
لسة شايف واحدة أمبارح 335i F30 سوداء و أزاز العربية كلها فامية بجنط لا يقل عن 19 أو 20 و الرينجات البيضاء دي منورة في عز الضهر و العربية بتجري ناحيتي.. يا لهوي على الرعب بتاع العربية دي!!..
الله يبارك فيك
و ال 328 فيها زنون في مصر
+1
هما شكلهم رهييييييييب بصراحه
و ال 316 ممكن تتجاب زنون special order بس كنت هستني 3 شهور و هكع مبلغ محترم
انا مشكلتي دلوقتي ان مصر كلها بتشاور لي عشان ال DRL و مقتنعين اني ناسي النور
هو بيتقفل من ال idrive بس انا عاجبني شكله و مقتنع بفايدته فسايبه
غريبة
الناس بره حطوا الزنون عادي و مفيش اي error او مشاكل
القصه كلها اللمبه تكون H7 رفيعة و يستحسن يكون الموديول الصغير الجديد عشان كله يبقي جوه الفانوس
و ادي البوست من بيمر بوست
xenon conversion - BMW 3-Series Forum (F30 / F32) | F30POST
الصفحة التانية
هبقي اعدي علي ارابكوم اشوف الموضوع ده
و ادي ال angel eyes كمان
F30 Non-Xenon Headlight LED RINGS - Prototype - BMW 3-Series Forum (F30 / F32) | F30POST
يا رب نشوف الكلام ده في مصر قريب
يا مسهل
انا بفكر جديا اركبه من دلوقتي
و الناس تستحملني بقي ههههههه
و اللي عجبني و كيفني ال angel eyes
في زنون نازل جديد الموديول بتاعه صغير مش كبير زي اللي موجود حاليا
بحيث انه بيكون ورا اللمبه علي طول و بتقفل الطبه عليه زيه زي اللمبه الاصليه
بدون بقي ما تعلقة في اي حاجة زي ما بيعملوا دلوقتي
الف مبروك (معلش مأخره شويه :))..... تصحيح بسيط لل c180 العزم 250 عند 1250 لفه في الدقيقه ......
وطبعا ال 316 اختيار رائع دا كفايه ان فيها باركينج سينسور ( شوفت بقي علشان متزعلش من الزينون:))
الله يبارك فيك يا زعيم
و بالنسبة لارقام ال c180 انا جايبها من موقع مرسيدس مصر
Mercedes-Benz Egypt - Technical data - Models
و فعلا السنسور نازل فيها و هو مفيد جدا
بس الزنون مهم برضه
و ال angel eyes شكلهم تحفة
بس طبعا الحمد لله
مممم بس خدة بالك من دي :-
Changes to technical data may have been made since this publication went to press (14.02.2011)
انا معايا سي 180 2013 علشان كده عارف الفرق .... من 2013 الفتيس بقي G7 Plus و الموتور بقي m274
بس دا طبعا فشل منهم .. لو بصيت علي البروشور عتلاقي الموتور و الفتيس الجديد ... وربنا يسترها معاك :)
موضوع ماشاء الله مرجع. سؤال غتت تدي اداء البي كام في الميه من البورشيه؟ عشان زي ماقلتلك بفكر في اكس ثري
الانجل اى حيز بتلك الوش. ... اختيار موفق
انت ادري يا باشا
و ربنا يبارك لك فيها
الا قول لي هي بتاخد 95 و لا ال 92 عادي
لاني سمعت ان الكومبرسور لازم 95
و ربنا يسترها معانا
هههههه
لااااا
مع كامل احترامي و تقديري
لا مقارنه بين البورشه و ال bmw
و ده عن تجربة
الوالد معاه x5 و الكايين تمسحها مسح
لما نشوف بس الاختراعات دي هتوصل مصر امتي
او الخليج علي الاقل و انا اتصرف
مظبوط كده و شفت الكلام ده في موقع مرسيدس العالمي
ههه لا مؤاخذه يا باشا
مخدتش بالي انك من متضررين ال 95 زي حالاتي
اهو ال 316 كلها بسببه اصلا
اصلي لما بصيت علي تانك البنزين اللي ال c لقيت ان ال recommended بنزين 95 عكس ال bmw اللي مكتوب عليه 91-98
معلش لو كان سؤالى غريب , ده لأنى عمرى ما سوقت bmw
هل الكرسى بتاع السائق بيترفع لفوق و هل يمكن رؤيه الكبوت بالكامل ؟ نظرا لطولى 170 سم فده مهم بالنسبالى :)
هل فيه اخبار عن الكوبيه منها او موديل 2014 متوقع نزوله امتى ؟
و شكراا
ايوه يا زعيم الكرسي بيعلي و ممكن تشوف الكبوت بالكامل عادي
و معنديش اخبار عن الكوبيه و اعتقد لسه قدامها كتير لانها لسه منزلتش بشكل رسمي بره اصلا
و لسه شويه علي موديل 2014 لانهم لسه بيسلموا ال 2013 و مده الانتظار حوالي شهرين دلوقتي
و بالمناسبه عرفت انها غليت 3000 جنيه
^^
الف شكر يا فندم , على المساعده
سؤال اخير , لو مش هيدايقك , ايه الفرق بين الاصدارات اللى نازله منها حوالى 4 انواع
انا رافع صوره البروشور هنا و فيه الفروقات
http://www.nilemotors.net/Nile/3874886392-post36.html
و كلها في التجهيزات طبعا
الف شكر يا باشا معلش تقلت عليك , موضوع رخم اوى موضوع الزينون و فتحه السقف و الفاميه :(
و هو لازم ينزل فيس ليفت من كل اصدار ؟
انا سألت فى فرع اسكندريه بتاع قناه السويس قالى
الاسعار من 295 ل 320 الف
و الاستلام من 3 الى 4 شهور :mad2:
ليه ! انا ممكن اغير رأى فى المده دى طويله جداا
فى نظرك ايه افضل فئه من الاربعه بغض النظر عن السعر ؟