البينه علي من ادعي
http://i1115.photobucket.com/albums/...d8d8c6e10f.jpg
عرض للطباعة
البينه علي من ادعي
http://i1115.photobucket.com/albums/...d8d8c6e10f.jpg
يا جماعة (خاصة شريف لانك راكب الexcl) هل الidrive 316i exclusive فيها الـ split screen / power indicators@sport mode؟؟؟؟؟؟؟؟؟
الف مبروووووووووووووووك ربنا يعطيك خيرها ويكفيك شرها
مبروك يا شريف بك علي العربيه و ربنا يديك خيرها و يكفيك شرها (معلش متأخره شويه)
و بما انك راجل ركيب عربيات زي حالاتي لاني تقريبا ركبت عربيات لجميع الشركات و اخيرا جبت e 60 2008
بعد ما كتت سقت كذا حاجه من البيمات و بصراحه العربيه اتكيفت منها جدا
فسؤالي بقي . انا لو جبت العربيه دي في مصر ايه ظروفها من حيث الصيانه و قطع الغيار و البنزين و الضريبه
و علي فكره انا معاك في موضوع البورش ده لأني ركبت ال x5 , X6 و ركبت الكايين التيربو و ال gts
بس اكتر حاجه استمتعت فيها بصراحه كانت الباناميرا تيربو (شئ خرافي)
عارفه
بس اعتقد ده مش بينزل الا في ال 328 و انت طالع
ال e60 طبعا لا غبار عليها
كصيانه و قطع غيار طبعا مش رخيصه في مصر
بس بما يتناسب مع سعر العربية طبعا
اما كضريبه فطبعا انت راكب عربية فارهة فلازم تدفع
بس معنديش فكره كام بالظبط لانها بتعتمد علي الموديل
اما الاستهلاك فطبعا هو حسب المتور ال 20 غير ال 23 غير ال 25 غير ال 30
و اكيد طبعا بره الدعم بتشتري بالسعر الحر اللي لم يحدد حتي الان
الخلاصه انك عشان تركب e60 في مصر لازم تكون مؤهل انت هتصرف مبلغ لا باس بيه ك running cost و ده عادي في الفئة دي و خصوصا في مصر
ال e60 طبعا لا غبار عليها
كصيانه و قطع غيار طبعا مش رخيصه في مصر
بس بما يتناسب مع سعر العربية طبعا
اما كضريبه فطبعا انت راكب عربية فارهة فلازم تدفع
بس معنديش فكره كام بالظبط لانها بتعتمد علي الموديل
اما الاستهلاك فطبعا هو حسب المتور ال 20 غير ال 23 غير ال 25 غير ال 30
و اكيد طبعا بره الدعم بتشتري بالسعر الحر اللي لم يحدد حتي الان
الخلاصه انك عشان تركب e60 في مصر لازم تكون مؤهل انت هتصرف مبلغ لا باس بيه ك running cost و ده عادي في الفئة دي و خصوصا في مصر[/QUOTE]
منا عايز اعرف المبلغ ده around كام في مصر
اخيرا و بعد طول ترقب و انتظار
الحصول علي علامه الجوده الزفت المصريه
http://i1115.photobucket.com/albums/...ps337359d6.jpg
http://i1115.photobucket.com/albums/...ps75612d2d.jpg
توب علينا يا رب من سواقه البهايم
[QUOTE=horas3000;3875226427]اخيرا و بعد طول ترقب و انتظار
الحصول علي علامه الجوده الزفت المصريه
http://i1115.photobucket.com/albums/...ps337359d6.jpg
http://i1115.photobucket.com/albums/...ps75612d2d.jpg
توب علينا يا رب من سواقه البهايم[/QUOTE
فداك ياشريف بيه .. دى حاجة جديدة ولا دى من اول ما اشتريت العربية؟ بتاعة التاكسي والبوما؟
فداك ياشريف باشا معلش جت بسيطه وقضا أخف من قضا
فداك بس انت حتعمل فيها ايه حتوديها التوكيل
رخمه قوي الخبطه. معلش قدر الله وما شاء فعل.
والحمدلله ان الختم اتأخر شوية. كل الناس بتاخد الختم من اول لما يطلعوا من المعرض :biggrin:
الحمد لله الختم جالك متأخر و بسيط ان شاء الله..
أنا ختم الجودة المصري لبسته عندي في الفانوس أول ما جبت العربية وكانت مركونة في الجراج و عملت فيها أبن ناس و رفضت أخد عوض و غيرت الفانوس على حسابي..
بعد كده أخدت كام حكة حلوة في الأكصدام بس بقيت أنفض فبجمعهم عشان أروح أظبطهم مرة واحدة..
هي أول طلعة دايماً بتضايق,, فداك يا شريف بيك :)
تسلم يا حسام باشا
انا قررت هجيب العاكس و اسيبها كده
و قبل ما التامين يخلص هروح ارش الاكصدام كله للاسف
و بفكر في موضوع الاستيكر بس مش عارف هلاقي نفس درجه اللون و لا لا
يا باشا انت ما قريتش التقرير و لا ايه
العربيه اتحكت يوم الاستلام و اتخبطت يوم الترخيص
بس كانت حاجات خفيفه
دي بقي جابت البويه
تسلم يا باشا
و انا خدت الختم علي خفيف في الاول زي ما قلت
بس المره دي كانت جامده شويه
و اللي غايظني اني مقل من استخدام اعربيه جدا و بقيت بخرج بيها مره في الاسبوع بس عشان اتفادي البلاوي دي
بس تقول ايه النصيب
حرام ترش الاكصدام حتي لو في التوكيل لو جيت تبيعها هيقولولك عاملة حادثة انا شايف مش محتاجة خالص عندي منها كتير في الاسترا التقشير دة حلة انت تجيب تمن بوية بنفس درجة اللون وبفرشاة ترمم الحتت السودا
الف مبرووك ورينا يكفيك شرها
اخبار العزل بتاعها ايه ؟
يعنى عزلها ولا عزل الفلوينس
مش مستاهلة رش نهائي سبها كده تاخد العين وعشان لو رشيت الاكصدام هتنزل في تمنها للاسف ممكن تجيب قلم وتملى الفراع الاسود ده او حتة قطنة صغيرة
اركبها واتمتع بيها متركنهاش لان ده نصيب وممكن وهى واقفة لقدر الله تتخبط
انا فعلا اقنتعت بفكرتك و هجيب تمن بويه نفس الكود و ارمم الحتت السوده دي
و العاكس هجيبه كده كده لو ان بفكر اجيب الاستيكر العاكس الاحمر برضه و الزقه مكان العاكس برضه
انت عارف لو كانت عربيتك سودا كان وضعها بقى احسن في حكاية البوية دي
بس معلش يا برنس قدر الله وما شاء فعل ... الحمد لله على السراء والضراء
سيبكوا من الخبطه بقي و هحكي لكم عن اخر التطورات
سافرت بيها العين السخنه في العيد
طبعا الطريق حلو و مغري جدا و الناس طايره عليه
بس للاسف الحج كان ورايا فمعرفتش اتهور ههههه
شغلت الكروز كنترول علي 120 و قضيتها استمتاع بالطريق
العربيه ما شاء الله مريحه و ثابته و الدريكسيون تقيل و ماسك نفسه و كنت محتاج اثبته بايد واحده بس
الجميل بقي استهلاك البنزين و انا رايح وصل معايا ل 5.2 لتر لكل 100 كيلو و 6.3 لتر لكل 100 كيلو و انا راجع و ده لان الطريق منحدر اكتر في اتجاه السخنه
طبعا الارقام دي اول مره اشوفها و العادي كان ما بين 8.5 ل 10.5 حسب اسلوب القياده
طبعا ده ممنعش اني دوست كام مره كده عشان اتفادي حد او اطلع من حد و ما شاء الله رد الفعل كان بيكون فوري و باقل دوسه اعدي ال 140
عموما كانت تجربه ظريفه و استمعت اكتر بكتير عن ما كنت باخد الباجيرو في نفس المشوار مع انها اكبر و اوسع و متور اكبر
عيد سعيد عليك وعلى الاسره الكريمه وربنا يمتعك اكتر واكتر
ايوة يا برنس انت سبق قلتلي انها مغرية جداً ع الطريق المفتوح بس انا لحد دلوقتي ماشي بيها وسط البلد
كل ما اطلع من شارع اقول يا رب الاقيه فاضي نفسي اشد بالعربية شوية :stink[1]:
انا باخدها كل يوم كدا من غير مشاوير ولا حاجة كل يوم بتصرمح بيها عمال على بطال من غير مناسبة :36_1_1[1]:
على عكس الجيتا اللي كانت معايا كنت بعمل حساب للبنزين والعداد إنما العربية الجديدة دي عملالي تربنة في دماغي
حاسس ان في عفريت راكب ع المفتاح بيقولي تعالى ناخد لفة ههههههههه :new:
ايه اخبار الاسبورت بلس مووود معاك :nemoflow:
و عليك يا حسام بيه و السنه الجايه تكون علي جبل عرفات باذن الله
هو من ناحيه الاغراء و الجري فانا مش متاخر
اول ما خلصت التليين جبت ال 200 وش
لكن المره دي الطريق مغري جدا و الناس طايره و انا متكتف
و ال 316 مفيهاش سبورت بلس اخري سبورت بس
ألف مبروك يا باشا ( متأخرة قوي طبعا :) ) ، وبحد موضوع جامد جدا ..
سؤالين رفيعين ...
- هو نظام Auto start stop ده خاص بموضوع التوقف التلقائي للموتور عند الوقوف فقط ، ولا يشمل تشغيل العربية بدون مفتاح من هلال الزرار ( key less ) ؟
- كنت شوفت في فيديو ارقام بتظهر على الزجاج الامامي امام السواق ( تقريبا السرعة ديجيتال ) ده موجود برضو في العربية اللي بتنزل مصر ؟
تحياتى الى البيمرز
ابن خالى راجع مصر قريبا و طلب منى أسأل اى معارض يوجد عندها 316 الميتاليك تسليم فورى/ متهيألى شفتها عند القرش يس لو فيه معارض اخرى ياريت تبلغونى. هى سعرها 305 الى 320 على حسب ما سمعت
الف مبروك وربنا يحفظهالك ولا يحزنك ابدا
اولا الناحية الشرعية:
كان ليا ملحوظتان استأذنك ان تستقبلهم بصدر رحب
1- طالما انت "راضيت" الناس هناك فى التراخيص ,يعني اعطيت لهم ماليس لهم من الحق ..... فكان الجزاء هو ان تحزن علي ماتحب ..... لانه لايجب ان تعطي قرشا واحدا فى غير محله
2- لايجوز ان تذبح اي شئ للسياره بغرض ان يحفظها لك الله......ولكن اذا اردت الذبح فاذبح لله بغرض اطعام المساكين لو اردت ذلك ..... واذا اردت ان يحفظها الله لك فعليك بالاستغفار والدعاء لله ان يحفظها لك وان تحاول ان تساعد من يحتاجك لوجه الله
اتمني ان تستقبل الكلام بمعناه الاصلي وليس الغرض هو التشكيك فى ضميرك
ثانيا الناحية الميكانيكيه:
ياريت توضحلنا ليه ماعجبتكش الفلونس .... لاني دايما بشوف التقارير عليها انها عربيه مرضيه وفيها كماليات جميله .... طبعا لا تقارن بثبات وقوة ال bmw
- نظام الكروت الذكيه معمول لاي نوع بنزين وتاخد بيه الكميه اللي انت عايزها
الله يبارك فيك يا زعيم
بالنسبه لاسالتك
نظام Auto start stop بيفصل المتور في حالات التوقف المؤقته زي اشاره او كده و هو مدمج في ال key less او بمني اصح ال start stop button لان العربيه مش key less entry او بما يعرف بالصمه
الارقام اللي بتظهر علي الزجاج دي ال HUD اختصار ال Head up display و دي اعتقد بتنزل في ال 328 و انت طالع علي ما اعتقد
مش عارف و الله يا زعيم
اللي اعرفه ان فتره الحجز في التوكيل قلت و بقت شهر تقريبا
و سعرها 304 دي للبريميم و 324 للفئات الاعلي النن ميتاليك و 332 للميتالك
و اكيد هتبقي اعلي للتسليم الفوري
الله يبارك فيك و يتقبل دعائك
طبعا زي ما انت عارف موضوع المراضيه ده عرف اكتر منه حق و اتقاء لشرهم و لشر اعينهم و اهي منها صدقه برضه
و مش متفق معاك ان الخبطه اللي بعدها جزاء علي كده و الاولي بالجزاء اللي قبل علي نفسه ياخد ما ليس بحقه و لا ايه
و اكيد انا مش دابح للسياره نفسها لكن لله عز و جل طبعا و اطمئن مشفتش الدبيحه الا ساعه الدبح و اتوزعت كلها و لله الحمد و طبعا الواحد مش مقصر بالدعاء لكن لا مفر من قضاء الله
بالنسبه للفلوينس انا مقلتش انها مش عاجباني
ده العكس تماما و انا عامل عنها تقرير مفصل في موضوع رابطه الملاك و العربيه لا غبار عليها و تعليقاتي كلها ايجابيه و بنصح بيها اي حد لكن بلا ادني شك لا ترقي لل 316 و خصوصا ميكانيكيا
و انا عارف نظام كروت البنزين الحالي لكن اياميها كان في كلام علي الغاء الدعم علي العربيات الاعلي من ال 1600 سي سي و اللي ما زلت مقتنع انه هيتم تطبيقه عاجلا ام اجلا و انا معنديش مانع يتعمل لكن باخد الاعتبار بعوامل تانيه
علي العموم الف مبروك وربنا يحفظهالك وتستمتع بيها ويبعد عنك اهل الرشاوي ويثبت ايمانك
طيب كنت عايز اسألك لوسمحت سؤال محايد وهو ........ الفلونس افضل ام الكورولا لاني قرأت حاجات كويسه جدا في الكورولا ومش فقيره زي مالناس بتقول ولا حاجه
ففي رأيك لو قدامي الفلونس فئة 188 والكورولا فئة 185 ترشحي انهي فيهم
وسؤال تاني : هل فعلا الكورولا فيها نظام Traction Control ؟؟ لاني اعرف انه بينزل فى الاودي والبي ام والمرسيدس والحاجات اللي بتبدأ من 300 وانت طالع ... فياريت تصححلي المعلومه
معلش انا دخلتك فى مقارنه عربيات تانيه بعيد عن العروسه 316 لكن الاسئله عليها جايه :)
ممكن تقولنا معدل استهلاك البنزين لل 316 كام داخلي وخارجي