ارجوا المساعدة واجا ولا لانسر سبورت

**اسامة عبد العزيز جابر** · 28-06-2007 06:02 PM

السادة الأفاضل السلام عليكم ورحمة الله وبركاتة
انا أن شاء الله راجع مصر فى خلال اسبوع وكنت ناوى أشترى عربية وكنت رسيت خلاص على لانسر سبورت بعد تفكير طويل ونصائح كتير من الأخوة الأعزاء فى المنتدى مثل شريف المصرى (جربها فى الأخر وقال انها مش زى اللى كانت فى توقعة) والمهندس حسام منير والمهندس سبعاوى والأستاذ كريم منير (فى الأخر أشترى تويوتا طب أعمل أنا اية بقى :lol: ) رجعت تانى لحيرتى الأولى بين الواجا واللانسر و الأوبترا والنيسان (automatic full option) انا متطلباتى فى العربية ان قطع غيارها تكون معقولة سعرا ومتوفرة وماعنديش نية انى ابيعها قريبا أن شاء الله وانا راجل عجوز مش بتاع شد وسرعة فى السواقة وحجمى انا والأسرة صغير (اربع أفراد) ومعظم المشاوير حتكون داخل المدينة (الزقازيق) وقليلا جدا خارجها (اقصاها الأسكندرية حبيبتى). انا قولت انى أسال فى منتدى البروتون علشان استفيد من خبرة مالكيها لأنى كنت بأميل لها من الأول. ارجوا من اصحاب الراى و المشورة مساعدتى . بالمناسبة ماحدش يقول لشريف المصرى ان أنا بأسال تانى :lol:

**معاذ الشرباصى** · 29-06-2007 12:04 AM

الواجا ممتازة

و لو عاوز تستنى شوية و تشترى الواجا ب الماتور ال cam-pro
دى هتنزل فى شهر اغسطس

**memo_hefnawy** · 29-06-2007 09:10 PM

هى سيارة ممتازة مفيش كلام بس صيانتك يا أستاذ أسامة هاتضطر تنزل القاهرة ؟ كل 5000 كم فهل ده يناسبك ؟

اللانسر طبعا قطع غيارها متوفره فى الزقازيق من غير كلام + صيانتها 10000 مش 5000 ذى الواجا

و الكرولا نفس الشئ

الصنى لآ - الأوبترا لأ هاتحتاج تنزلهم القاهرة لو عايز أى قطع غيار

**mohamed el hussien** · 29-06-2007 10:26 PM

فعلا هي الواجا عربية محترمة
وعائلية جداا
وطالما مش فارق معاك الشد والجري
يبقي الواجا او الاوبترا
بس الواجا انضف من الاوبترا كشكل وكماليات
مبس فعلا موضوع الصيانة دة كل 5000
حيتعبك اووي
بس لو مش بنعمل كيلوات كتير يبقي الواجا مناسبة ليك اووي

واللانسر طبعا عربية هايلة
شوف انت بقي ميال لاي شكل

**Ahmed Hassan** · 29-06-2007 10:45 PM

الواجا الكامله (103000) و بما انك مش غاوي شد و معظم مشاويرك داخل البلد يبقى احسن تجيب الموديل الحالي لأنه احسن من الـ cam pro داخل البلد و عمر الموتور فيه اطول. العربيه بصفه عامه ممتازه و تمنها فيها و بصراحه رأيي انها لا تقل عن اللانسر في شيء.

**mohamed el hussien** · 29-06-2007 11:25 PM

مع احترمي لكلام حضرتك
بس هو حضرتك عرفت موضوع العمر الافتراضي للمواتير الكامبرو
ازاي وهيا لسة جديدة
وعرفت بردة ان العمر الافتراض لمواتير الجالنت اللي في الواجا
عمرها طويل ازاي ؟

**Ahmed Hassan** · 29-06-2007 11:31 PM

اولا الموتور اللي في الواجا مش جالانت... ده نفس بلوك الانسر بس فيه فروق بسيطه. ثانيا موتور الواجا عمره اطول لأنه بيدي عزم عالي على RPM منخفض و ده ليه ميزتين:
1- مناسب جدا للقياده داخل المدينه خصوصا في الزحمه
2- عمر الموتور طويل لأنك مش محتاج تضغط على الموتور جامد (تجيب RPM عالي) علشان تحرك العربيه من مكانها.

و على فكره ده مش معناه ان الـ كام برو وحش,, و لكن ليه طريقه قياده مختلفه تماما (رياضيه جدا) و دايما هتلاقي انك لازم تجيب RPM عالى و تعمل DOWN SHIFTS علشان تحافظ على عزم العربيه مع القياده في المطالع او في وجود احمال في السياره. عكس ده تماما ينطبق على الواجا.

**Nader** · 29-06-2007 11:46 PM

ارشح لك الواجا بس عموماً اللانسر والواجا هينزل لهم موديلات جديدة اخر السنة.

**معاذ الشرباصى** · 30-06-2007 12:34 AM

ارشح لك الواجا بس عموماً اللانسر والواجا هينزل لهم موديلات جديدة اخر السنة

اللانسر الموديل الجديد هينزل 1500 سىسى, و كمان كميات محدودة و اغلى من الموديل الحالى, و الموديل الحالى لسه مكمل سنتين كمان

اما الواجا, الشكل هيختلف حاجات بسيطة و الموتور هيتغير

لكن عامة الواجا ممتازة بجد

الموديل اللى ب 103 الف فيه ABS, airbags, cd player, ابانوس, فرش جلد
جنوط 16 و كاوتش عريض
العربية فعلا توحى بالفخامة و جميلة جدا

الموضوع: ارجوا المساعدة واجا ولا لانسر سبورت

LinkBack

أدوات الموضوع

عرض

-

-

-

-

-

-

المواضيع المتشابهه

تسعير لانسر 2006 - هاف سبورت - أرجو المساعدة

ارجوا المساعدة تيدا ام نيو النترا ام فلوانس ام لانسر بومة

لانسر ٢٠٠٧ سبورت و هاف سبورت

ارجو المساعدة ارجوا المساعدة

سعر لانسر 1600 هاف سبورت او سبورت

الكلمات الدلالية لهذا الموضوع

المفضلات

المفضلات

ضوابط المشاركة