انا معايا ابيزا 99 مسقط لها موتور 1400 عايز دلوقت اسقط لها موتور 1600 بفتيس اتوماتيك كامل بالعفشة كاملة عايز راى حضراتكم و كمان عايز اعرف تكلفته
عرض للطباعة
انا معايا ابيزا 99 مسقط لها موتور 1400 عايز دلوقت اسقط لها موتور 1600 بفتيس اتوماتيك كامل بالعفشة كاملة عايز راى حضراتكم و كمان عايز اعرف تكلفته
اهلا بيك من جديد في قسم سيات
طب حضرتك ليه عايز تغير الموتور ؟؟
هل لعيب فيه ولا لمجرد حضرتك عايز تعلي بالسي سي ؟؟
عموما تغييرك للموتور بفتيس اوتو صعبة شوية تلاقيه - لكن موجود بس اعتقد هيكون 1800 او 2000
الموضوع عشان يتعمل صح لازم تجيب نص كامل وتفرغه عندك
والموضوع دة هيفيك في قصة نقل النص في عربيتك
http://www.nilemotors.net/Nile/341077-98.html
الفكرة في نقل نص بالكامل انك محتاح حاجات كتير ولازم تكون متوافقة مع بعضها
انت محتاج موتور + الضفيرة بتاعته + الفتيس بالكنترول بتاعه (عقل الفتيس) + الكنترول بتاع الموتور والفتيس (عشان يكون متعرف علي الفتيس والكنترول بتاعه) + طابلوه + كونسول + بدالات + عفشة + طقم تبريد اوتو + الحساسات + علبة الفيوزات والكتاوت
وبالتالي الموضوع كبير وهيصرف كتير وعشان يتعمل صح لازم يكون نص راكب علي بعضه وجاي من بلاده كدة والا هتبقي كأنك رميت فلوسك في الأرض ومش هتستمتع بالعربية
واساساً لو اشتريت الحاجات دي مفرطة هتلاقيها تقترب من ثمن النص ومش هتكون متوافقة مع بعضها
والنص مش هيخسر - انت هتستفاد بحاجات كتير اوي بتيجي مع النص زي الصاج والكلبسات والتكييف والباور والطابلوه والطارة ولأكصدام والفوانيس والشبكة والصدر والكارتيرات والكبوت والتوربيدو والمساحات والطنابير
اما عن السعر فبصراحة مش هقدر افيدك بس هيكون في حدود ال8000 - 9000 يزيد او يقل
تحياتي
والله المستعان
،
،
شكرا على الاهتمام و الرد
على حسب معلوماتى وهيا قديمه شويه
أنتا هتجيب ماتور بولو 2003 سعة 1400 CC
أو
ماتور 2000CC - 2e حكايه
والتكلفة مش عارف بس مش أقل من 10 استك
والنصيحه بيييييييييع وهات أوتوماتيك الا لو كنت غاوى تسقيط وحواراته والغاوى أيييييه ..........