تعديلات على البومه؟؟

**shaker_alz** · 09-04-2013 11:33 AM

المشاركة الأصلية كتبت بواسطة sherif309

اولا انا شغال فى شركه بتعمل الكاسيت والدى فى دى بتاع BMW وعندنا بعض العينات بنجبها من خارج مصر لبعض المعارض. المهم انا عملت الخطوات الى فى المشاركه الى باسم (تركيب كاسيت دبل دن للانسر البومة) فى الصفحه الاولى. My Digital Technical Dairy: Mit Lancer CS3 2-DIN MOD
1- اشتريت الداش بورد الفضى بتاعت الجهاز الدبل دن من الحرفيين ب100 وانت وشطارتك هما بيبتدو من 250 وناس مبترضاش تبعها
2-رحت لواحد بتاع فايبر وجبت الداش بورد القديمه وقطعتها بالصاروخ زسزتها زى الى فى الصورة بردو
3- ودى الخطوة الاهم لانها مش متصورة. شلت الوحدة بتاعت التكييف وجيت انقلها تحت مكان السى دى لقتها مينفعش تدخل الا لما اوسع مكانها شويه عبارة عن علبه صاج مكان السى دى زقتهم بسن المفك جامد لحد اما دخلت الوحدة
4- ركبت الجزء الى قطعته من الداش بورد القديمه على وحدة التكييف بالمسمارين بتوعها عادى وبعدين حطيتهم فى ضهر العلبه بتاعت السى دى وخليت بتاع الفايبر يلحمهملى فى بعض من ورا
5-ركبت الوحدة بتاعت التكييف فى مكانها الجديد تحت وربط المسمارين بتوع العلبه عادى ووصلت كل وصلاتها عادى
6- ركبت الDVD بتاعى وركبت الداش بورد الجديدة وخلصت المهمه

بتاع الفايبر خد 30 جنيه لانه طبعا كان واقف بيتفرج ومعملش حاجه لانه مكنش يعرف الطريقه زانا ركبت الDVD بنفسى فالموضوع كله اتكلف 130 جنيه

حقيقى انت فنان

**sherif309** · 09-04-2013 11:59 AM

ربنا يخليك يا shaker_alz ولو اى حد محتاج مساعدة منى انا تحت امرة واى خدمه فى اى وقت. انا كان نفسى اصور الموضوع فيديو بس للاسف كنت شغال بايدى فطبعا معرفتش. بس لو حد عايز شرح او تفصيل ممل انا تحت امرة

**Dragon78** · 01-05-2013 09:48 AM

ألف مبروك ياباشا .. بس ماكانش في بدل الداش بورد الفضي ده .. واحد لونه اسود

شوفته قبل كده في صوره برضه وكان شكله تحفه .. وكان هايليق معاك جدا خصوصا ان الدي في دي لونه اسود

بس ع العموم ألف مبرووووووووك مره تانيه

**Walid_M** · 01-05-2013 10:16 AM

الله ينور عليك !!!

أحب الدماغ العالية ...

تحياتي

**hmnd842** · 03-05-2013 06:27 PM

بعد قليل صورة سيارتي بعد التعديل

**hmnd842** · 03-05-2013 07:21 PM

الحكاية بسيطة جدا

المشكلة او الصعوبة الوحيدة في نقل الجزء بتتاع التكييف مكان الخزنة اللي تحت

لإن الشاسيه الحديد ضيق من اليمين من تحت

لكني تنيت حتة من الشاسية من تحت ومشي الموضوع

دلوقتي انا متفق مع واحد علي جهاز DVD و GPS

قاللي انه بــ 1950

مش عارف السعر كويس ولا لأ

ولو حد ععنده اقتراحات او اسعار تانية ياريت يفيدني

**Dragon78** · 05-05-2013 02:35 AM

ألف مبرووووووووك ياباشا بس عندي ملحوظه صغيره

هو مافيش حل للزراير بتاعت التكييف بعد النقل ؟؟؟

بمعنى : ان لما الزراير والبكر بيتنقل تحت .. حاسس ان شكله كده المكان بيبقى ضيق عليه .. لكن لو كان في حل للمشكله دي كان هايبقى شكلها تحفه

بس ع العموم .. شغل جميل ومبروك عليك ياباشا وعقبال ماتجيب الدي في دي

بالتوفيق ان شاء الله

**sherif309** · 07-05-2013 11:42 AM

الف مبروك يا دكتور انا متهيالى انك انت الى كلمتنى عشان الداش بورد.. لانى معرفش النيك نام بتاعك هنا ايه بس عرفت العربيه لانك قولتلى انها 2013. الف مبروك على العموم

هوا فعلا الشاسيه الحديد ديق شويه من جوة وانا فعلا تنيته شويه ببنسه عشان اوسع مكان الوحدة بتاعت التكييف.
وسعر الكاسيت كدة حلو لو النافيجاتور بيشتغل والجهاز يكون تاتش كمان وبيشغل كل الاكستنشن الجديدة زى FLAC, Divx H.D

**hmnd842** · 12-05-2013 07:32 PM

المشاركة الأصلية كتبت بواسطة dragon78

ألف مبرووووووووك ياباشا بس عندي ملحوظه صغيره

هو مافيش حل للزراير بتاعت التكييف بعد النقل ؟؟؟

بمعنى : ان لما الزراير والبكر بيتنقل تحت .. حاسس ان شكله كده المكان بيبقى ضيق عليه .. لكن لو كان في حل للمشكله دي كان هايبقى شكلها تحفه

بس ع العموم .. شغل جميل ومبروك عليك ياباشا وعقبال ماتجيب الدي في دي

بالتوفيق ان شاء الله

الله يبارك فيك يا باشا

في موديل 2013 الخزنة ضيقة فعلا
ف بتشتري انت واحدة استعمال بتاع السوبر اكشن هتلااقيها اوسع شوية

**hmnd842** · 12-05-2013 07:34 PM

المشاركة الأصلية كتبت بواسطة sherif309

الف مبروك يا دكتور انا متهيالى انك انت الى كلمتنى عشان الداش بورد.. لانى معرفش النيك نام بتاعك هنا ايه بس عرفت العربيه لانك قولتلى انها 2013. الف مبروك على العموم

هوا فعلا الشاسيه الحديد ديق شويه من جوة وانا فعلا تنيته شويه ببنسه عشان اوسع مكان الوحدة بتاعت التكييف.
وسعر الكاسيت كدة حلو لو النافيجاتور بيشتغل والجهاز يكون تاتش كمان وبيشغل كل الاكستنشن الجديدة زى flac, divx h.d

الله يبارك فيك يا بشمهندس
فعلا انا اللي كلمت حضرتك ع الموبايل
وربنا ييسر ف موضوع الدي في دي ان شاء الله

الموضوع: تعديلات على البومه؟؟

LinkBack

أدوات الموضوع

عرض

-

-

-

-

المواضيع المتشابهه

تعديلات على الافيو

الى الشباب الجامد (تعديلات بسيطه على بروتون واجا)

تعديلات على الكشافات الخليفة والامامية

تعديلات مجنونة وغريبة على هوندا اكورد.......

الكلمات الدلالية لهذا الموضوع

المفضلات

المفضلات

ضوابط المشاركة