نيسان صنى 2013

**mahmoudsaad87** · 24-03-2013 01:27 PM

السلام عليكم جميعا
ان شاء الله انا ناويت اشترى عربية و ناس كتير شكرت فى نيسان صنى الجديدة كنت عايز اعرف العربية دى حلوى و لا لآ و كمان قطع الغيار و التوكيل

**HaNo_ELBeh** · 24-03-2013 01:43 PM

استاذ محمود
اولا الف الف الف مبروك مقدما على العربيه وانشاء الله تكون من نصيبك
تانى حاجه مبروك على انضمامك لاســـــــره نيسان العملاقه بااسرتها و فريق عملها
تالت حاجه العربيه
لازم تعرف حاجه مهمه مفيش حاجه كامله غير ربنا سبحانه وتعالى
كل واحد فينا لما جاب العربيه لاقى فيها مميزات وعيوب واعتقد ان لو حضرتك قاريت شويه لكل مواضع الاعضاء واخواتى المحترمين هتقدر تميز اذا كانت العربيه كويسه ولا مش كويسه لان كل واحد فينا هيقول لحضرتك راى مختلف عن الاخر وبالتالى حضرتك هتحتار اكتر
راى لحضرتك انك تقرا مواضيع الاعضاء وتقرا تقارير الاعضاء عن العربية وفيها كل ردود اسئلك وبالصور كمان
الشئ الوحيد الل اعتقد ان كل الاعضاء متفقين عليه هو عيب تيل الفرامل اما باقى المشاكل فهى مشاكل فرديه وكل واحد فينا بيكتب مشكلته علشان كلنا نستفيد ونعرف حلول المشاكل فى حاله مواجه نفس المشكله بعد كده

اما راى الشخصى عن العربيه فهى كويسه جدا بالنسبه للفئه السعريه وبالنسبه للامكانيات و كمان توكيل ممتاز وانا بتكلم عن اوتوايجيبت

بالتوفيق انشاء الله

**toty_305** · 24-03-2013 01:51 PM

-أعمل حسابك بس عشان هتغير تيول فرامل كتير

-أعمل حساب برده في البنزين عشان هتعمل Kickdown كتير لو بتحب الجري

**HaNo_ELBeh** · 24-03-2013 02:22 PM

المشاركة الأصلية كتبت بواسطة toty_305

-أعمل حسابك بس عشان هتغير تيول فرامل كتير

-أعمل حساب برده في البنزين عشان هتعمل Kickdown كتير لو بتحب الجري

هو حضرتك جربت العربية
والطبيعى ان ال kickdown بياخد نسبه من معدل البنزين فى اى عربيه

**toty_305** · 24-03-2013 03:58 PM

المشاركة الأصلية كتبت بواسطة hanyfarag

هو حضرتك جربت العربية
والطبيعى ان ال kickdown بياخد نسبه من معدل البنزين فى اى عربيه

-لأ أنا قصدي لما العربيه بتبقى تقيله بتعمل KickDown كتير عشان تحس بال acceleration

-جربتها بس مش كتيير الصراحه بس القديمه تحسها أقوى و مع ذلك القديمه بتتخيط برده

-يا ريت برده تنصح الراجل في باقي مشاكل العربيه بدقه بما ان حضرتك معاك العربيه مثل الثبات و العفشه و كده

- والله أا قصدي أنصحه بجد عشان لما برده أشتريت كله كان بيعمل البحر طحينه و بعدين أكتشقت حاجات غريبه و كده كده يعني أنا مش مستفيد حاجه لو أشتري صنى و لا أي حاجه تانيه