الموضوع: انهى الارخص التوفيقيه ولا شارع الازهر

بالنسبة للأسعار متهيألي شارع الأزهر أسعاره مش متقلبة بسرعة زي التوفيقية .. يعني تحس إن الأسعار هناك ثابتة أكتر من التوفيقية اللى كل يوم تلاقي فيها السعر نازل طالع بسبب وبدون سبب .. ولكن المهم ف الموضوع إنك المفروض تكون نازل وواخد فكرة عن الكاسيت اللى نويت عليه وتكون عارف متوسط سعره أد ايه .. وتشوف مين الأرخص فيهم .. أنصحك لو هتنزل شارع الأزهر تروح محل العالم العربي والمحلات اللى جنبه .. اما التوفيقية عليك بالأرخص وأرخصهم أحسن محلين هناك ..
بالنسبة لأحسن هيد يونت من وجهة نظري الهيد يونت ف السوق 3 أنواع : نوع إقتصادي رخيص صيني - نوع ماركة محترمة وإمكانيات معقولة - نوع ماركة محترمة وإمكانيات جبااااااارة
بالنسبة للفئة الأولى أنصحك بكاسيت أدريان m9 وكنت عملت تقرير عنه والحمدلله أعضاء كتير ف المنتدى أشتروه وشكروا فيه اوووووووي .. وكمان الماتسوبيشي ناس كتير شكرت فيه .. متوسط أسعارهم من 180 لـ 230
الفئة التانية عندك السونى gt500u كاسيت معروف ومحترم جدااااااااااااااا جداااااااا وصناعة تايلاندي وحاجة جميلة اوووي ... وعندك البايونيير والكينوود .. بس أنا دايما أنصح بالسوني ومحدش ندم لما جاب السوني .. متوسط سعره بين 540 لـ 600 حسب المكان ..
الفئة التالتة فيها أنواع كتير جداااا ومميزات رهيبة وأسعارها مفتوحة من 800 جنيه وطالع زي ما تحب .. الفئة دي فيها أنواع كتير عشان فيها بلوتوث وكار كيت وبتغير ألوان وتشغل دي في دي وحوارات كبيرة اوووووووووووووي

الف شكر ليك يا باشا

اسعار بتاريخ 25/3/2013


شارع الازهر مفهوش حجات كتير و الموديلات كلها قديمه جدا -التوفقيه فيها كل حاجه

بالنسبه للاسعار كنت فى شارع الازهر النهارده :

سمعات كينود 500 =470 جنيه
سمعات كينود 450 = 420 جنيه
سمعات كينود 400 = ( اقوى انتاج لكينود مش موجوده فى اى محل فى الازهر )

gt500u كاسيت سونى = 570-590
سمعات سونى 500 = 315
سمعات سونى 500 = 595 ( دبل بيز 125 r )

النتيجه ان التوفقيه افضل بكتير و عندك محل ارخصهم فيه كل حاجه سونى و بايونير الموديلات الجديده 2013
و عندك محل كينود و سينفونى فى المول اللى بعد ارخصهم الدور الارضى فى الوش و انت داخل



عموما الاسعار ارتفعت جدا اليومين اللى دول

كاسيت بايونير 5450 = 950 جنيه
كاسيت بايونير 6450 = 1250 جنيه
كاسيت بايونير 8450 = 1350 جنيه

دى اخر الموديلات فى مصر حاليا

سمعات بايونير 550 = 350 جنيه
سمعات بايونير 600 = 475 جنيه

التوفيقية ارخص عن تجربة