سورى اوكتافيا سورى سيراتو

**youssef_u** · 25-03-2013 04:02 PM

المشاركة الأصلية كتبت بواسطة lanos2004

هوة الموضوع من وجهه نظر كل واحد
المرسيدس خليهم يتسلوا
الاوكتافيا لانوس بتجرى ورايا 190 خليه لحد اما يقطع النفس ويقع لوحدة
السيراتو لانوس واوكتافيا بيجروا -----طب شوفوا الغرزة دى هههههههههههههههههه
بعد ثوانى
الاوكتافيا رايح فين يا لانوس انته كنت كويس
السيراتو
ايه دة ايه دة الانوس بيقرب منى كدة ليه ---دة طلع منى -طلع منى --ازاى دة
وهات يا تقليب نور
الانوس دة الطبيعى بتاعها طبعا
المرسيدس ولا هز دواسه البنزين---خليهم يتسلوا لتانى مرة

هتلاقي الوااد عماال يشششكككر في السيراتو دلوقتي

بياخد غرزه و حب يعمل فيها روش قدامكوا

بس اتحط عليه جامد اوي

عاش يا باشا

**SYD** · 25-03-2013 05:08 PM

ربنا يستر طريقك
انا مش هعمل فيها واعظ، بس عايز اقولك ان عربيتك الله اكبر عليها بتجري جامد
وانت يبدو عليك حب الجري
نصيحتي هات عربية فيها عوامل امان اكتر
يعني سواء السيراتو او الأوكتافيا - الأتنين فيهم اير باجز وabs والأوكتافيا فيها ebd و tcs وعوامل امان اكتر بكتير منك
اقصد ان العربيات اللي انت بتجري معاها فيها عوامل امان تحليها تجري علي السرعات دي
انت عربيتك متعدلة كموتور لكن مش مصممة للسرعات بتاعتك دي
انت ممكن تبيعها وبثمنها تزود شوية وتركب مثلا جولف 4 - نوعا ما هتكون أأمن شوية من اللانوس
وبردو هتجري زي اللانوس واحسن لو اتعدلت

ماتزعلش من كلامي
بس انا بقولك الكلام دة لأن فعلا احيانا الواحد بيتغر بنفسه وبعربيته

ربنا يستر طريقك

والله المستعان
،
،

**Formulator** · 25-03-2013 06:00 PM

المشاركة الأصلية كتبت بواسطة windofchange

ههههههه والله انت عسل يا احمد بك ربنا يكرمك ويحفظك ويستر طريقك..خد باللك من الكاوتش والتراكشن يكون كاوتش نضيف وتراكشن بتاعه عالي والتوب سبيد بتاعه عالي ربنا يستر طريقك

المشاركة الأصلية كتبت بواسطة lanos2004

الكاوتش عندى اخرة 220 كيلو وانا مبجريش اكتر من دقيقه واحدة بسرعه اعلى من 200 علشان الامان يعنى 160-170 معظم الوقت وانا بتتم على كل حاجه قبل اى سفر
وربنا هو الستار فى الاول والاخر

طالما قولت كاوتش وسرعات.. هو الكاوتش #1 فـ الجرى (وبعديه العفشة والفرامل...etc)

Traction و Temperature لازم يكون A/AA
وعشان تجرى الـ200 دى safely -- لفترات طويلة أو short-run: لازم يبقى كاوتش V (الـ240 كم/س) الـH ونازل خطر وماينفعش!

- لما تجرب الفرق فـ الكاوتش الـV أو W --الـ270) عن الستوك (210) فـ السرعات العالية.. هتجرى confident أكثر..

فيه ماركات بيبقى النقشة الـsport بتاعتها الـUHP أو flagship-Tyre تستحمل السير بسرعات عالية HSF بالحمل الأقصى ولفترات-طويلة!!
أو High-speed Use at Full-Load
(زى الميشلان PSS والبريدج S001 والكونتى Extreme DSW والدانلوب Sport-MAX)

لكن معظم الفرد الـpremium أو الـcomfort/Eco (المنتشرة بطبيعة الحال: ستوك وaftermarket) بتبقى الـSpeed-Rating بتاعها (مش سرعة بس؟!! سرعة وload)..
أقل من كده -- مثلا high-speed بس HSN أو Normal-load ومش لفترات طويلة؟!!

وهكذا..

يعنى> أحمدعبدالهادى -صح: انك مابتمشيش لفترات طويلة بالـhigh-speed دى! انت عارف الضغط والحرارة عـ الكاوتش فـ السرعات بيبقى عالى قد أيه؟!!

ربنا يستر طريقك :)
Rgds،

**shaddadfalcon1** · 25-03-2013 07:31 PM

انا مش مستغرب من العربيه لاني بشوف ليك حاجات كتيير

اللي متسغربه مدام حضرتك ههههههههههههههههه

ده انا بعدي ال 100 بلاقي كلام حلو خالص والخضه بتشتغل لدرجة مره قامت شداني من ايدي والعربيه حدفت مره واحده يمين كانت ايدي هترد توماتيكي علي وشها بس ربنا ستر وانت بتتصور علي 200 ياقادر هههههههههه

والعيال معاك كمان

انا عندي ولادي 5 سنين وسنتين ونص هما اللي بيسخنوني وكل مايشوفو عربيه ماشيه قدامي يفضلو يقولولي هاتلها يابابا وعديها وافضل انا طاير بالعربيه عشان مش عايزين عربيات قدامنا خالص

**minicooper20** · 25-03-2013 07:45 PM

اصلى

**TAMERMEGAHED** · 25-03-2013 08:30 PM

ربنا يباركلك فى سيارتك ويستر طريقك ده كل مانزل اجازه واجى اطلع اسكندريه لازم اتظبط رادار ولا مابقاش فى الحاجات ده خلاص

**estimation** · 25-03-2013 09:35 PM

ما شاء الله عليك يا باشا

**Karim Ibiza** · 25-03-2013 10:09 PM

ورحمة خالي حسن مانتا طالع من إسكندرية اللا لما اشد معاك علي البحر :)
أهلا بيك وحمدلله علي سلامتك ونورت إسكندرية
لو احتاجت حاجة كلمني وبتكلم بجد مش عزومة مراكبية ورقم تليفوني 01001190366 وأنا بكرة اجازة من الشغل