السلام عليكم ورحمه الله
أخواني ألاعزاء ذهبت يوم الثلاثاء السابق الموافق 19-3-2013
الى الحاج أحمد مشعل شركة جينز كار
وكانت المرة الثالثة بزوره فيها لأجل معرفة هذا الرجل الذي قرأت عنه وعن أخلاقة الكثير والكثير
وكل مرة كنت أذهب كنت لا أجد الحاج أحمد ,, مرات عديدة كانت بعد الظهيرة
الى ان توفقت وقابلت الحاج أحمد وكانت نيتي هي سلامي عليه فقط لا غير
تحدثت معه قليلا وأثنيت عليه وعلى أخلاقه وعلى علاقته الطيبة بمنتدى نايل موتورز عامة
وقسم نيسان وألاستاذ أحمد مصطفى خاصة .
ومع الوقت وجدت نفسي أحدثه عن تركيب فرش في عربيتي الصني
وجاء الىّ الحاج أحمد بالتصميمات والديموهات
وخيرنّي في ألالوان قولتله انا هسيب الموضوع الكامل لزوقك .
المهم رسينا على اللون المدرج في الصور .
كنت عملت موضوع إستطلاع رأي في اللون وكنت ترددت شوية فموضوع اللون بعد مشاهدة موضوع ألاخ بيشوي (( لون عربيته زي عربيتي )) والى ان إتخذت قرار كان الحاج أحمد ذبح وسلخ هههههههههههههه
المهم جاء معادي يوم السبت الساعة الثالثة ظهرا قمت بتسليم العربية والتحدث قليلا مع الاستاذ المحترم أ يوسف مشعل .
بصراحة اول شعور هينتابك انك تعرفهم من سنين .
منتهى الطيبة والرقي في التعامل وكرم الضيافة .
الناس دول طيبين اوووي سواء الحاج أحمد مشعل وأخوه المحترم د يوسف مشعل
والله الطيبة دي على الفطرة والناس دي محترمة غاية ألاحترام
يكفيني أقولكم اني حبيت أغير فرش ألابواب الى لون البيج لكي يتماشي مع لون الفرش
ونصنى الحاج أحمد الفرش لسه جديد بتاع ألابواب وبلاش تعدله دلوقتي خليه لما يستهلك
لو أي بائع في مصر كان قال زيادة الخير خيرين
ده مثال بس مابين جينز كار وباقي التجار
ناس تسيب روحك ليهم وانت مطمن .
مهما إتكلمت مش هعرف أوافيهم حقهم
انا لما كنت بقرأ المواضيع القديمة بتاعت الاعضاء بخصوص جينز كار كنت بحس بشبه مبالغة
لكن دلوقتي حسيت بتقصير ناحية اللي كانو بيكتبوه وكان لازم يكتبو أكثر من كدة
دي رسالة شكر حبيت أذكرها فالموضوع .
وبالرغم من إنشغالهم في تجديد الشركة ولكن ماشاء الله ربنا مديهم نعمة الوقت ومش هتصدقو الشغل اللي إتعمل هنااك للمقر في وقت قياسي
ربنا يبارك فيهم ويحافظ على مكانهم ويرزقهم من حيث لا يحتسبوا "
وإن شاء الرحمن هيبقا في توبيك مفاجأة عن تجديد مقر شركة جينز كار بواسطة ............. (( بعدين بقا )) .
لن أقم بفرش الأرضية لإني كنت فارش قبل كدة .
وتم تعديل الكراسي وملئه بالفوم وتعديل أخطاء نيسان مصر في موضوع الكراسي .
اليكم صور العربية
أعذروني فقد قمت بالتصوير ليلا لعدم ركوبي السيارة منذ أمس .
وإن شاء الله هدرج صور ثانية للسيارة في النهار
تحياتي لكم جميعاااااااااا
المفضلات