هو مينفعش المرايات تضم مع الريموت؟

**assmy** · 05-05-2013 01:34 AM

وصلت قطعة الضم للمرايات ممكن المساعدة فى طريقة التوصيل لأنى بأحب أبقا فاهم مع الكهربائى ,

أنا مش فاهم السلوك Grey, white, Orange, Brown تتقطع بالكامل ولا تتوصل بسلوك القطعة بس
و ليكو الحلاوة

**assmy** · 05-05-2013 02:10 AM

المشاركة الأصلية كتبت بواسطة M.Elgergawy

يعني حضرتك عندك مرايات ضم أصلا
ولا جايب القطعة دي عشان تقفل مع الريموت

عندى مرايات ضم و عاوز أشغلها مع الريموت, قطعة الضم و صلت و ممكن مساعدة أفهم وصلات السلوك

**m.ghanem** · 06-05-2013 01:01 PM

سهل خالص الوحدة دة عاملة زى اشارة كهربائية بتروح لعمل الاشياء
بمعنى لعمل اى جزء فى العربية لازم يكون هناك طرفين
واحد سالب والاخر موجب
طب لو فرضنا المرايا واخده السالب على طرف على طول يبقى ناقصها الموجب
الموجب دة بيجى من وحدة الرفع
او زر المرايه
يبقى ناقص شى واحد هو لو الجزء بيعمل عاملين
زى المراية غلق او فتح يبقى لازم كدة يكون عندنا 3 اطراف هم
واح سالب للعملين واخر موجب لغلقها واخر موجب لفتحها
ودول من وحدة الرفع
ويبقى هناك شى اخير هى وحدة الرفع هتجيب الموجب من اين
طبعا من اى كهرباء للعربية
طب عمل الريموت هنا فين عشان ينضم اليه المرايات
الريموت هنا يعمل على غلق الابواب او فتحها فقط ودة احنا عاوزينة يدخل معه المريات
يبقى اشارة الابواب الموجبه لغلقة مثلا نركب عليها طرف المريات الموجب لغلقها ايضا
والعكس فى الفتح وكدة يبقى الابواب تفتح معها المرايات وتغلق ومعها المرايات
كدة انت فهمت النظرية ولا معرفتش اوصلها

اما باقى التلجرام والوان السلوك اللى انت شايفها فية بيشرح كل سلك رايح فين على الرسمة وهو ايضا عملة
مثلا
البرتقالى والبنى رايحين على موجب المرايات فى الغلق والفتح
الاحمر كهرباء داخلة لوحدة الرفع عشان بعد كدة ترسلها للمريات
الازرق والاخضر ابواب فتح وغلق عشان يشغل معهم المريات

فاهم معايا كدة ولا اية اصلى انا غاوى زيك بس عمرى ما اشتغلت بيدى بس احب لما حد يعمل حاجة فى العربية ابق فاهم وشكرا لك

**a_arazik** · 07-05-2013 02:58 PM

الف مبررررررررررررررررررررروو ووووووووووووووووووووك

**mohsunny2009** · 07-05-2013 08:31 PM

حضرتك تركب وحده ضم للمرايات

**assmy** · 09-05-2013 05:56 PM

الحمد لله تم التركيب لقطعة ضم المرايات
شوفو الفيديو (رفع الزجاج و ضم المرايات)
[youtube]https://www.youtube.com/watch?v=89tIzZw45TU[/youtube]

**mr_twist** · 10-05-2013 05:59 AM

مليون مبروك انا بس ليا استفسار كل الكلام ده علي نيسان القديمه ولا الجديده ....... انا معايا ٢٠١١ سوبر صالون وروحت لبكهربائي عشان اخلي المرايات تقفل مع السنتر البيه راح فاكك الزرار وقصقص الاسلاك وبعد كده راح قايلي ماينفعش عشان الزرار بتاع النيسان ٣ تكات مش زي باقي العربيات ومن ساعتها وانا مخنوق منها انا عايز افهم قصة وحدات الرفع دي و احاول افهمهاله ........ اصل انا مبحبش حد يقصقصلي في العربيه بعد كده يقفل ويقولي مش عارف ما ذنب الاسلاك هههههههههههههههه

**assmy** · 15-05-2013 02:54 AM

المشاركة الأصلية كتبت بواسطة mr_twist

مليون مبروك انا بس ليا استفسار كل الكلام ده علي نيسان القديمه ولا الجديده ....... انا معايا ٢٠١١ سوبر صالون وروحت لبكهربائي عشان اخلي المرايات تقفل مع السنتر البيه راح فاكك الزرار وقصقص الاسلاك وبعد كده راح قايلي ماينفعش عشان الزرار بتاع النيسان ٣ تكات مش زي باقي العربيات ومن ساعتها وانا مخنوق منها انا عايز افهم قصة وحدات الرفع دي و احاول افهمهاله ........ اصل انا مبحبش حد يقصقصلي في العربيه بعد كده يقفل ويقولي مش عارف ما ذنب الاسلاك هههههههههههههههه

كله بيعتمد على الكهربائى أول كهربائى ركب وحدات رفع الزجاج و مرضاش يركب و حدة الضم للمرايات
تانى كهربائى لقيته بيجهز 2 كتاوت واحد فتح و التانى قفل للمرايات و قلى أنا بركبهم كده علطول بدون وحدة ضم . بس أنا شرحت ليه سلوك و حدة الضم و ركبها فى 5 دقائق

**Walid_M** · 15-05-2013 03:29 AM

المشاركة الأصلية كتبت بواسطة assmy

الحمد لله تم التركيب لقطعة ضم المرايات
شوفو الفيديو (رفع الزجاج و ضم المرايات)
[youtube]https://www.youtube.com/watch?v=89tizzw45tu[/youtube]

ألف مبروك ...
وياريت حضرتك تدينا شويفة تفاصيل أكثر عن الموضوع ده زي التركيب والسعر والكلام ده

تحياتي ...

**assmy** · 15-05-2013 03:39 AM

المشاركة الأصلية كتبت بواسطة Walid_M

ألف مبروك ...
وياريت حضرتك تدينا شويفة تفاصيل أكثر عن الموضوع ده زي التركيب والسعر والكلام ده

تحياتي ...

قطعة الضم من Amazon
Amazon.com: Automatical Mirror Folding System Car Electric System Security System: Everything Else
فى حدود 42EGP و الشحن و الجمرك تقريبا 100 جنية
التركيب + تركيب 2 لمبة فى الفوانيس 30 جنيه و لم أهتم بالفصال معاه عشان أول تعاون معاه
يوجد قطعة ضم عبارة عن جاكات فقط بدون قطع سلوك و لكن غالية 481EGP حسب نوع العربية
New Side Mirror Auto Lock Folding System Modules for Elantra MD or Avante MD | eBay