ايه الأخبار حضرتك و صلت معاهم لايه؟
عرض للطباعة
ايه الأخبار حضرتك و صلت معاهم لايه؟
انا كنت حجيب الغسالة كمان كام يوم
كده انا أصرف نظر عنها
طب إيه رأيكم في غسالة شارب وتليفزيون شارب إل سي دي
عن تجربة من شهر تقريبا فى مشكلة مشابهة فى سخان غاز كتبت ميل لجهاز حماية المستهلك و كلمونى فى نفس اليوم اللى بعت ألأيميل فيه و بعت لهم صورة فاتورة الجهاز و صورة الفاتورة اللى دفعتها لفنى الشركة "على حسب أوامر المهندس المسؤول اللى قرر أن الجهاز خارج الضمان" و بعد تقديم الشكوى للجهاز الشركة كلمتنى و بعتولى مندوب رجعلى كامل المبلغ اللى دفعتة بدون أى خصومات أو جنيه واحد ناقص. جهاز حماية المستهلك جهاز محترم جدا جدا جدا و حاجة تفرح أن البلد فيها جهة زى ديه.
أهم حاجة ورقك يكون سليم و شكوتك تكون موثقة بأسماء و تواريخ محددة ووقائع محددة علشان يعرفوا يساعدوك لأن الشكاوى اللى بتكون بدون مستندات و بدون وقائع محددة بيتم تجاهلها لأن زى ما بيبقى فيه مستهلك مظلوم أحيانا بيكون فيه مستهلك ظالم و لما تكلم حد مسؤل فى الشركة اللى معاها المشكلة تعرف أسمة بالكامل و ترفقه فى الشكوى أن فلان الفلانى هواللى رفض التصليح. أنا عملت كده, لدرجة كتبت فى الشكوى أسامى و أرقام تليفون المهندس و الفنى اللى أتعاملوا معايا و رفضوا التصليح فى الضمان.