مرسيدس 230 vs فيرنا

**AhMeD MeTwAlY** · 25-03-2013 10:34 PM

مش عارف اقولكم ايه
لسه جايبين فيها موتور 230 بالعفشه كامله بكل مشتملاته
صحبي كلمني قالي تعالي ننزل المنصوره نجيب طلب وبالمره نقعد مع بعض انا نازل اجازه يومين بس وهسافر بكره
اذا بسياره فيرنا تقتحم الهدوء الي مشيين فيه وهخطف غره من قدامنا كنا مشيين علي سرعة 80 علي الرابع "مشيين بنتدلع" والعربيه لسه مشدوده وسوند سستم يطرش 2 بازوكا ركبين علي جي ام وكام سماعه بايونير بجد تسمع صوت فخم
وهوبا دا دخل الغرزه من قدمنا
صديقي سخن قالي شكله كدا عايز يسمع صوت الاه قولتله لازم يسمعها وشد وراه
جه علي المطب الي بعده العربيتين جمب بعض طلع المطب وصحبي علي اليمين ودا علي الشمال
صحبي حضن علي اليمين وكسر علي الشمال سنه وقرص علي البنزين وهو دايس دبرياج وطبعا العربيه علي الاول وهوب رفع رجله من علي الدبرياج
وكان الاتي
العربيه عرضت في قلب الطريق ورجع لم الدركسيون تاني علي اليمين وعدل العربيه وبدأ في الحرق علي الغياارات
يا دوب نقل التاني كانت الفيرنا في دهره قرصنا علي التاني سوا هو فصل التاني وانا لسه علي التاني
وداينهاها التالت
وبدأنا الحفله
غرزتين في التالته مش شوفنا الفيرنا
نهدي شوية عشان نشوف الفيرنا يا ابني هي وقعت فين
الفيرنا ظهرت وجي بينفخ شد يا ابني شدينا طلع بالنص الامامي ويا عيني كان فرحان اوي
بس ملحقش فضلنا ثبتين انه طالع بالكبوت لمدة 4 ثواني تقريبا وبدأت المرسيدس تعدي ولسه خلاص هنعدي مطب
طبعا المفروض المرسيدس تاكل المطب لانها اسرع
وبالفعل سمعنا احلي زحفه من الفيرنا ولما لقي مفيش فايده قرر ياكل المطب علي عكس المرسيدس
لزحفه ووهدت وطلعت المطب برحتها بعد اكلة المطب الراجل ركن نزلنا نشوفه عايز حاجه طلع راجل محترم وربنا ستر والعربيه محصلش فيها حاجه
وفضلنا مشيين وراه لحد لما وصلنا
هي بصراحه مقارنه ظالمه
2300 سي سي مقابل 1600 سي سي حرام بصراحه بس للاسف هو الي طلب

**WalidAdel** · 25-03-2013 10:59 PM

فعلا ظالمه جدا و افتكر اداء متوقع من المرسيدس بردوا

**Karim Ibiza** · 26-03-2013 12:01 AM

لاحول ولا قوة اللا بالله
المنتدى كله قلب شدات :)

**AhMeD MeTwAlY** · 26-03-2013 12:55 AM

المشاركة الأصلية كتبت بواسطة walidadel

فعلا ظالمه جدا و افتكر اداء متوقع من المرسيدس بردوا

بصراحه انا خفت ساعت لما الفيرنا كانت واخده سرعتها بس بجد ابهرتني المرسيدس

المشاركة الأصلية كتبت بواسطة windofchange

كام حصان الميرك وموديل سنة كام؟

كام حصان دي معرفهاش انما موديل كام هي في التمانيات

المشاركة الأصلية كتبت بواسطة karim ibiza

لاحول ولا قوة اللا بالله
المنتدى كله قلب شدات :)

انا اخر مره شديت فيها مع عربيه كانت من حوالي سنه
الباقي كله لعب كدا ومناوشات اخرها كنت جي من البلد لقيت عربيه 504 بس ركبها واحد مش مش شديد
لانه اول ما نزلنا من علي المطب طلع عربيته علي التاني
وانا طلعت علي الاول من الطبيعي افرق عنه وكان هيعمل حوالي 4 حوادث في مسافه 6 كيلو

**mr_vampire** · 26-03-2013 01:13 AM

- بمناسبة المرسيدس بقي ... فكرتني بشداية كدة من ايام الثانوي بس لسة معلقة في دماغي... اتنين صحابي واحد معاه مرسيدس موديل 84 اللي هي كشافها اللي ادام من جوا مربع ومدور ... بحااااااااااالة المصنع وكل حاجة مكتوب عليها made in germany حتي الجنوط ( ابوه الله يرحمه كان محافظ عليها جدااااااا ) والتاني كانت فورد اسكورت وكانت في وقتها موديل السنة او سنة ورا.

المهم الاتنين واقفين جنب بعض وعمالين يحرقو... طلعو ... الفورد فركت وعمالة تحرق وتاكل فالاسفلت تحتها وصوتها عااااااالي. يادووووووووووبك الكبوت طلع من المرسيدس فبنبص لقينا المرسيدس الشنطة نزلت لتحت والكاوتشات دخلت شوية جوا الرفارف ( كانها بتجهز نفسها للطيران ) وبعدين طلعت ( كاوتش المرسيدس ملفش لفة عالفاضي عالارض بدون مبالغة حتي مفيش اي علامة حرق عالارض... طلعت طبعا من الفورد بمنتهي السهولة وبتاع الفورد بيحااااول ياعيني يجيبها وعمال يحرق عالغيارات والمرسيدس لسة بتبعد ( وبالمناسبة المرسيدس كانت اوتوماتيك كمان )...

- بجد كنت مبهور بالمرسيدس جدا وفعلا المرسيدس مرسيدس برده مهما كان قديم.

**AhMeD MeTwAlY** · 26-03-2013 01:30 AM

المشاركة الأصلية كتبت بواسطة mr_vampire

- بمناسبة المرسيدس بقي ... فكرتني بشداية كدة من ايام الثانوي بس لسة معلقة في دماغي... اتنين صحابي واحد معاه مرسيدس موديل 84 اللي هي كشافها اللي ادام من جوا مربع ومدور ... بحااااااااااالة المصنع وكل حاجة مكتوب عليها made in germany حتي الجنوط ( ابوه الله يرحمه كان محافظ عليها جدااااااا ) والتاني كانت فورد اسكورت وكانت في وقتها موديل السنة او سنة ورا.

المهم الاتنين واقفين جنب بعض وعمالين يحرقو... طلعو ... الفورد فركت وعمالة تحرق وتاكل فالاسفلت تحتها وصوتها عااااااالي. يادووووووووووبك الكبوت طلع من المرسيدس فبنبص لقينا المرسيدس الشنطة نزلت لتحت والكاوتشات دخلت شوية جوا الرفارف ( كانها بتجهز نفسها للطيران ) وبعدين طلعت ( كاوتش المرسيدس ملفش لفة عالفاضي عالارض بدون مبالغة حتي مفيش اي علامة حرق عالارض... طلعت طبعا من الفورد بمنتهي السهولة وبتاع الفورد بيحااااول ياعيني يجيبها وعمال يحرق عالغيارات والمرسيدس لسة بتبعد ( وبالمناسبة المرسيدس كانت اوتوماتيك كمان )...

- بجد كنت مبهور بالمرسيدس جدا وفعلا المرسيدس مرسيدس برده مهما كان قديم.

دي المعدله
فعلا ولدي بيقولي انا مرتحش غير في المرسيدس عربيه اعتماديه وهي حوت بنزين بس تستاهل تكون حوت

**S O P H O S** · 26-03-2013 01:53 AM

الفيرنا مشكلة تجري وبس

**MASERATI** · 26-03-2013 06:50 AM

السلام عليكم و رحمة الله و بركاته

المرسيدس المعدلة الw123 من أروع و أفخم ما أنتجت شركة مرسيدس.

أنا أحيانا بقعد معملش حاجة غير أنى أتفرج على فيديوهات للعربية دى عاليوتيوب !!!!!!!!!!!

فعلا, عربية محترمة جدا جدا, و اللى ماركبهاش, ماركبش عربيات.