الموضوع: العربية سخنت وجابت وش سلندر

عربية ابن خالتي516 واحنى ماشيين في امان الله فجأة العربية زمرت ولمبة الزيت نورت
رحت طافي العربية علطول وركنت ......... كشفنا على المية لقينا العربية مفهاش مية خالص
وفي كوع مية على شكل حرف y بينقط مية حركته بايدي لقيته مكسور ونزل بقية المية ............. كلما حسين في المتحدة قال سد الخراطيم بتاعة الكوع وزودها مية وامشي

المهم عملنا زي ما قال : ومشينا زي 3 كيلو وركنا وزودناها مية تاني ....
وركنا بعديها بعد 4 كيلو مثلا وجينا نزودها مية لقينا المية طالعة زي الطحينة وفيها زيت ( يبقى وش سلندر )

المهم مع كل اللي حصل من سخونة الى ان عداد الحرارة لم يرتفع عن النص حتى والعربية فاضية من المية خالص .... وحتى لما جابت وش السلندر برضو عداد الحرارة كان في النص ......

لما سالت حسن واستاذ محمود حسين ... قالولي : (( ان مؤشر الحرارة بيقيس حرارة المية بس مش حرارة المكنة ..... يعني لو المكنة سخنة والعربية مفهاش مية مش هيديك ان العربية سخنة ...
لان مفيش مية في القربية فالمؤشر يفضل في النص وانت مش هتاخد بالك لحد مع العربية تجيب وش سلندر وبرضو المؤشر مش هيرفع عن النص

قالي وده من الاسباب اللي بتخلي العربية بتجيب وش سلندر كتير نسبيا انها بتسخن وانت مش عارف انها سخنة لانها مفهاش مية خالص ... زي ما حصل معانا
ده الى جانب ان ماتور العربية اصلا فيه فتحات مية كتير في وش السلندر وده بيخلي عدد الفتحات اللي قريبة من فتحات الزيت اكتر فنسبة حدوث تسريب بين الزيت والمية اكتر لما العربية تسخن عن عربيات تانية .... وفرجني على وش سلندر اسبيرانزا ووراني عدد فتحات المية الكتير وقالي ان الفتحات دي بتكون اقل في مواتير تانية فوش السلندر ما يضربش كتير ))

طبعا بما ان انا مش مهندس وعمري ما شفت وش سلندر قبل كده ..... اكيد حسيت انهم كتير

ايه راي رجالتنا في الكلام ده ... موضوع مؤشر الحرارة وموضوع فتحات وش السلندر الكتيرة دي ؟؟

حاجة تانية ..... كوع المية اللي اتكسر ده وسبب وش السلندر يضرب كان بلاستيك وتم استبدالة بكوع آخر حديد .... واكتشفت ان كل اكواع المية بتاع العربية كلها بلاستيك .... ميكانيكي تاني قالي ان الاكواع دايما بتكون بلاستيك علشان مش تصدي ويجيلها برومة وتعدي مية

السؤال بقى : هو الطبيعي في العربيات كلها اكواع المية بتبقى حديد ولا بلاستيك ؟؟