ممكن يا جماعة تعمله check على مياه القربة عندكو في العربية و تفيدوني هو طبيعي انها تبقى فاضية ولا لأ ؟
سوزوكي التو 2008 800 CC
لمزيد من التفاصيل شوفو الموضوع ده
http://www.nilemotors.net/Nile/343940-a.html
عرض للطباعة
ممكن يا جماعة تعمله check على مياه القربة عندكو في العربية و تفيدوني هو طبيعي انها تبقى فاضية ولا لأ ؟
سوزوكي التو 2008 800 CC
لمزيد من التفاصيل شوفو الموضوع ده
http://www.nilemotors.net/Nile/343940-a.html
باشا مش انا رديت عليك يومها و قولتلك المية في القربة بتبقي لحد علامة الـfull اللي هو تقريبا ربع او اكتر من ربع القربة بشوية و قولتلك بص ع الريداتير و العربية باردة اذا كانت المية ناقصة و لا لأ و ساعتها تشوف لو فيه تسريب
عمرو باشا
أنا عارف انك رديت عليا و أنا شاكر بجد اهتمامك ، أنا بعد كدا شوفت الردياتر و كان فيه مياه بس ذي ما قلتلك القربة مفيهاش مياه خالص ، و لما غيرت المياه و غسلت الدورة ، عملت check تاني على القربة لما روحت برضه ملقتش مياه فيها ، أنا سؤالي هل ده طبيعي ولا أنا عندي تسريب ؟؟ طب و لو عندي تسريب ، ليه العربية مش بتسخن ؟؟
كده ممكن يكون فعلا عندك تسريب بس التفسير العلمي ان العربية مش بتسخن اتنين
انك حاطط مية تبريد ريداتير و طول ما العربية ماشية بتبرد و لما بتسخن اوي المروحة بتشتغل مع العلم ان اليومين دول قليل ان المروحة تشتغل الا لو سخنت العربية جامد
و التاني انك مبتمشيش بالعربية مشاوير كتيير فمبتلحقش تسخن للدرجة اللي تعتقدها خاصة مع وجود مية تبريد ريداتير
ممكن يكون التسريب خرم مثلا في القربة او مش قافل غطا القربة كويس او الخرطوم مش راكب كويس اللي بين الغطيان
و اخيرا يكون تسريب من الريداتير و التسريب ممكن يكون بسيط و غير ملاحظ و بالتالي مش واخد بالك منه ممكن يكون في جسم الريداتير نفسه او الخراطيم
المهم المية في الريداتير لما شوفتها كان مليان و لا مفضي شوية عن المعتاد ؟؟؟؟
و الاحتمال الاخير متوقعه بس مش هقولك عليه الا لما ترد عليا في الكلام اللي فوق ده :)
بالنسبة إن التسريب يكون من خرم مثلا في القربة او مش قافل غطا القربة كويس او الخرطوم مش راكب كويس اللي بين الغطيان
كل ده أنا عملت check عليه بالنظر و كان مافيش حاجة تقول إن فيه تسريب
بالنسبة إن التسريب يكون تسريب من الريداتير و التسريب ممكن يكون بسيط و غير ملاحظ و بالتالي مش واخد بالي منه ممكن يكون في جسم الريداتير نفسه او الخراطيم
فده حاجة أنا مش هعرف أشوفها
المهم المية في الريداتير لما شوفتها كان مليان و لا مفضي شوية عن المعتاد ؟؟؟؟
ده سؤال هجوبك عليه أول لما أروح عشان أعمل check تاني و هكلمك في التلفون أقولك
و بالنسبة للمياه اللي حاطتها ، أنا معرفش كان محطوط اه قبل التغيير ، بس أنا حطت دلوقتي مياه خضراء ابرو أمريكي
و اسفين يا باشا على تعبك :)
احب اضيف ان ممكن يكون التسريب من مكان قرب حاجة سخنه فمش حيبان...
و برضو لو العربية ميه خضرا يبقى لازم هيبان التسريب اما بشكل لون احمر برتقاني او ابيض حسب نوع الميه المحطوطه...
تحياتي
Sent from my SE Arc S using Forum Runner
أخر الاخبار
امبارح واحد صحبي نصحني إني قبل ما أعمل أي حاجة لازم أعمل check إن دورة المياه مفيهاش هواء ، و ده عن طريق اني أنزل الصبح و العربية باردة ، أفتح القربة و أزود لحد Full ، و بعد كدا أدور العربية و أزود الرادياتير و هي دايرة و أفضل أزود بنزين و كل متنقص المياه ازود لحد لما المروحة تشتغل و تفصل
المهم عملت كدا ذي ماهوا قاللي ، و قفلت الرادياتير و القربة المياه فيها كانت عند Full ، جه في بالي حاجة ، طب ليه مجربش اشغل التيكييف ؟؟؟ المهم شغلته و ببص على القربة لقيت المياه ابتدت تنقص فيها ، المهم زودت مياه تاني في القربة و وصلت في الأخر إن مستوى المية في القربة يبقى عند Full و التكييف شغال و لسة هجرب العربية المية هتنقص فيها تاني ولا لأ
سؤالي بقى ، ليه مع التكييف العربية ابتدت تسحب من القربة ؟؟
حاجة أخيرة هو لو فيه تسريب في العربية بيبان و هي وقفة ولا لما تمشي ؟ سؤالي ده عشان العربية طول ماهية واقفة و مش دايرة المية مش بتنقص ، و بعد اللي عملته إلنهردة برضه مكنش فيه تسريب و هي دايرة عشان مخدتش مني مية تذكر يعني ، هو ذي ماقلت لما التكييف إشتغل مياه القربة ابتدت تنقص و أنا زودتها و سبتها دايرة بالتكييف و محصلش نقص في مياه القربة لحد مبطلتها
و بالمناسبة الكلام ده أخد وقت طويل حوالي 45 دقيقة
لأ بصراحة مبصتش على الشكمان ، بس معلش أعذر جهلي ، هو حضرتك بتسأل السؤال دة ليه ؟؟
إلنهردة نزلت قلت أعمل مشوار بالعربية ، بصيت على مستوى المياه قبل ما أطلع بالعربية لقيته تمام
رحت المشوار بتاعي و لما وصلت بصيت تاني على المياه لاقتها تمام برضه
رجعت البيت و لما وصلت بصيت تاني على المياه لاقتها تمام برضه ، يعني مفيش تسريب حصل إلنهردة مع اني كنت مشغل التكييف على طول ، هو المشوار مكنش طويل كان حوالي 15-20 كم من أول مانزلت البيت لحد مارجعت ،
هحاول أعمل مشوار أكبر و أتابع إيه اللي هيحصل
حاجة تانية لاحظتها ، فيه مياه بتنزل من الشكمان ، بس دة في أول تدوير العربية ، لكن بعد كدا مفيش
ا توقعي ان لما غيرت المية مفتحتش السخن او ان كان في تسريب و اتسد
لو جي انهاردة ان شاء الله مقابلة الصيني و تقدر تجيبها ابص عليها نشوف
طالما غسلت دورة مياه التبريد ... يبقى في كام نقطة مهمة وانت بتزود المياه الجديدة
أولا تزود والعربية باردة من الردياتير
وبعدين تشغل العربية لغاية ماتسخن والمروحة تشتغل .. هاتلاقي المياه نقصت نتيجة لسحب جزء منها جوة الموتور ..
وبعد كدة تشغل التكييف على السخن أولا ... عشان تسحب مياه بداخل مواسير المياه الساخنة وبعد كدة تشغله بارد شوية ترجعه على السخن وانت طافي الكومبريسور وتسيبه شوية لغاية ما الهواء يبقى سخن جوة العربية من غير الكومبريسور
كل خطوة من دول هاتسحب جزء من المياه بداخل المجاري المخصصة لها لغاية ما الدور تكتمل
وبعد كدة تقفل غطاء الردياتير بعد ما تتأكد إنه مليان على الآخر ومافيهوش أي هواء ... وتملى القربة لغاية علامة الماكس
وبعد كام يوم ترجع تطمن تاني على مستوى المياه في القربة لأنه احتمال كبير جدا ممكن ينقص نتيجة لخروج أي هواء من الردياتير ودخول جزة من مياه القربة بدلا منه .. في الحالة دي بتزود فقط مياه لحد علامة الماكس
...
لو بعد كدة لاقيت نقص بيحصل بمعدل عالي يبقى فيه تسريب ...
لكن الطبيعي إن يكون فيه نقص عادي يعني كل شهر ولا حاجة في الشتاء ممكن تلاحط إن المياه نقصت حوالي سم ... ولو في الصيف ممكن تنقص لغاية 3 سم في الشهر أو أكتر كمان حسب حرارة الجو
أهم حاجة بقى في الموضوع ده إنك ماتكنش زودت مياه من الحنفية ... يا إما مياه خضراء أو مقطرة فقط
كلام سليم وجميل ماعدا جزئية تشغيل المكيف عالسخن والكمبريسور....
مفيش اي داعي لتشغيل الكمبريسور عالسخن لان الحراره لاتصدر من هيتر وانما من الميه الجايه من الماتور....
ولا يشترط تشغيل المكيف عالسخن اصلا.... يكفي انك تحول البكره بتاعة الحرارة بالكامل على آخر السخن دون تشغيل الهوايات بكده هتكون الميه مشيت في السخن كله....
تحياتي
Sent from my SE Arc S using Forum Runner
كلام سليم و اتفق مع حازم في نقطة السخن يكفي انه يفتح السخن فقط عشان المية توصل