الموضوع: مرجع اسعار الزيوت التخليقيه حتى تاريخه

المشاركة الأصلية كتبت بواسطة mohamedfawzy20

ياجماعة في جولتي المعتادة لمعرفة اسعار الزيوت واخر انواعها سالت علي liqui moly لقيت فيه منو معدني ب120 وتخليقي ب235 التخليقي دا 15w/50
المهم سالت واستقصيت لقيت ان الزيت دا بيجي من الامارات وماهوش الاصلي والكرتونة بتاعتو مافيش عليها وارد اصلا ودا اساسا زيت عملولو ريسايكل (زي اغلب الزيوت اللي احنا بنحطها مغشوشة من الاخر)
المهم لقيت زيت تاني اسمو wolver مالقتش منو غير تخليقي ونصف تخليقي التخليقي دا 5w/40 ب240 جنيه تقريبا والنصف تخليقي 10w/40 ب150 الماني وانا ان شاء الله ناوي اجربو وانا بغير الاسبوع اللي جاي ان شاء الله لو كان حد جربو يقولنا عليه

والزيت wolver اجيبة منين العنوان والتليفون

اخر الاسعار
شل الترا 300 جندى
موبيل وان 300 جندى

المشاركة الأصلية كتبت بواسطة ahmed-moga

جبت زيت وولف5w30 c3 بسعر 325 وعليه خصم 5% بقي 308.25 هو صناعه بلجيكيه بيقعد لحد 20000 كيلو لو سواقتك طبيعيه من غير شد وحرق بس بينزل علي 15000وعليه كمان هديه شماسه ومعطرسياره ريحته حلوه بس لسه منزلتش الزيت القديم لأني لسه جايب السياره زيرو ولسه عامله 80 كيلو بعد اذنكم عندي استفسارين العربيه موديل 2012 انتاج شهر 1 والزيت قاعد فيها بقاله اهو سنه و3 اشهر بس لسه بلزوجته وريحته وخصائصه كلها تنصحوني استني لما اعمل 1000 كيلو ولا لما العربيه تعمل 500 كيلو ابقي اغيره بالوولف اللي انا جبته علي الرغم اني حاسس ان التوكيل مش هيرضي يغيرلي زيت التلين ألا بالتوتال اللي الشركه متعاقده معاهم عليه تاني حاجه وانا بشيك علي زيت الفتيس الأتوماتيك علي الهوت لقيته ناقص تقريبا حوالي نص كيلو ده ممكن يضر الفتيس في حاجه ولا أستني في صيانة الألف واقلهم عليه وشكرا ليكم وآسف علي الأطاله

مبروك عليك

وليه العربيه مخزونه ده كله ؟؟

الاحوط تغيره دلوقتى او على الاكثر بعد 1000 كيلو

المشاركة الأصلية كتبت بواسطة gadoo30

اخر الاسعار
شل الترا 300 جندى
موبيل وان 300 جندى

ده كده سعره غلى ولا ايه ؟؟

بس حد يعرف توكيل او موزع كبير لزيوت شل فى اسكندريه ؟؟

انا جبت ال wolver النصف تخليقي ب150 جنيه 10w/40 بقالو معايا 200 كم بس ماشاء الله ممتاز الصراحة
انا جبتو من عند واحد بتاع جملة عدنا في دمياط متهيالي في جروب علي الفيس بوك بيوزعو ممكن تسالوه

انا جبت زيت هولندى اسمه زادو تخليقى ب 270 جنيه بالشحن عرفته عن طريق الفيس بوك وهو جميل وفيه اضافات بتجدد المحرك ومرتاح معاه دلوقتى عملت بيه 9000 كم وهو xado 5w-40