يعنى اية غرزة

**ahmed 82** · 27-03-2013 08:22 PM

يعنى اية غرزة

**akmm** · 28-03-2013 09:28 AM

يعنى وانت سايق وبيكون امامك عربيتين او اكتر وعاوز تعدى منهم لكن الطريق لايسمح بذلك لضيق الطريق او وجود سيارات اخرى امامك فتقوم بالدخول شمال او يمين بعربيتك لتخطى السياره الأولى اللى امامك علشان تدخل فى المسافه اللى فاضيه امامه ويكون بسرعه مع حساب الأبعاد وسرعه السياره اللى امامك لان ده كله بيتم اثناء السير للجميع ودى بتسمى ... غرزه ... وممكن يتبعها بعد ذلك غرزه تانيه وتالته .. وهكذا مع التسريع والفرمله المحسوبه ثم التعجيل على دواسه البنزين ودى يتسمى غرز ...... عموما هى من انواع التخطى الغير محبب للجميع لانه يمثل خطوره عاليه على مؤديها وعلى الغير ويجب ان تكون حاله السياره تسمح بكل ده من تسرييع قسرى للموتور يعقبه فرمله متلاحقه واعده التسريع القسرى وده بيكون فى مجموعه عده ثوانى يعنى العربيه لازم ومهم تكون قادره على ذلك ميكانيكيا وايضا السائق مؤهل على ذلك مع تقيله لكافه المخاطر اللى تقع له او لغيره لاقدر الله من جراء ذلك ...فى النهايه اتمنى السلامه للجميع ولاانصح بالغرز إطلاقا ... تحياتى ...

**aldesha989** · 28-03-2013 01:18 PM

يعنى انتا بتعور واحد وانتا تروح المستشفى :d

فا بلاش احسن :d

**akmm** · 28-03-2013 02:19 PM

المشاركة الأصلية كتبت بواسطة aldesha989

يعنى انتا بتعور واحد وانتا تروح المستشفى :d

فا بلاش احسن :d

هو من حقه يعرف ...... وانما زى مانت قلت دى النتيجه النهائيه غالبا ............

**GREYMAN** · 28-03-2013 02:32 PM

الغرزة شيء وحش وسلوك غبي ومكروه

**El Prince** · 28-03-2013 03:08 PM

هى " الغرزة " تصرف خاطىء كما نعرفها بالسرعات الكبيرة و الجنونية
و مسمى خاطىء من افتكاسات المصريين و غالبا اللى اخترع المسمى ده كان " ترزى "

لكن " التخطى " القانونى السليم لازم يكون موجود و مفهوم عند عموم السائقين
و الا لو فيه طريق حارتين و فيه واحد عربيته عطلانه فى الحارة اليمين - ايه الحل فى الصف اللى وراه ؟؟ محدش يروح بيته ؟؟
" التخطى " القانونى السليم المراعى لاجراءات السلامة هو لحل
تحياتى

**esmail11** · 31-03-2013 09:38 PM

ممتاز
والتخميس

**مصطفى-حسن** · 05-05-2013 01:54 AM

المشاركة الأصلية كتبت بواسطة esmail11

ممتاز
والتخميس

(التعريف الكوميدى للتخميس)

انك تركب عربية مش تعبان فى فلوسها وتستخدم دواسة البنزين والدبرياج والهاند عشان تخلى العربية تلف حولين نفسها (سواء من وضع السكون او فى نهاية الجرى) والتراب والظلط يطير فى وش الناس الموجودة فى المنطقة وعلية سوف يحدث الاتى :

1- سوف تحظى باكبر كمية من الشتائم من كل الناس فى وقت واحد

2- بعض الناس الموجودة هيكون عندهم معلومة مؤكدة ان ماما هيا اللى جايبة لك العربية

3- لو كررت الموضوع اكتر من مرة هيكون عندك زيارات مستديمة للميكانيكى عشان الدسك والاسطوانة وللعفشجى وبتوع الكاوتش

4- لو عندك مشكلة فى توازن جسمك داخل السيارة اثناء التخميس يبقى غالبا هتحاسب على صيانة عربيتك وعربية او اتنين تانيين وربنا يستر وميكونش فية بنى ادمين

5- لو مكنتش محظوظ وفاهم انت بتعمل اية كويس قوى هيكون الصوت الوحيد اللى بتسمعة بمنتهى الوضوح هو صوت الاسعاف اللى جاى يشيلك