-
لغز اسمه i30
السلام عليكم انا فكرت اجيب عربيه i 30 بصراحه لقيتها واسعه وحلوه وعربيه شبابيه وبتجرى المهم بسأل عليها لقيت الدنيا اتقلبت والناس بتقولى دى قطع غيار غاليه وعربيه تقيله فى البيع وصاجها خفيف وكرهونى فى العربيه من قبل ماجيبها قلت ماليش غير الرجاله هنا هى اللى هتقولى الصح من الغلط انا بانى العربيه بس قلقان من موضوع قطع الغيار ده وسعر اعاده البيع . فا ارجوكم اللى يعرف حاجه عن العربيه دى يقولى رايه فيها بصراحه وشكرا ياجماعه بتعبكم معايا
-
هي الهيونداى كده عربية تطلع السما فغبور يغليها وعربية تنزل الآرض رغم انها ممكن تكون افضل
الاي 30 والاي اكس 20 حظهم كده وحش رغم ان فيهم امكانيات افضل من الالنترا كفاية الاموبيليزر
طب الاي اكي 20 هاتش باك الناجح في اوروبا اكتر من السيدان لكن مش محبوب في بلادنا طل الاي 30 مانجحتش ليه ماعرفش
ده فيه اي 30 ستيشن واسعة جدا ونادرة جدا جدا شيئ غريب
رأيي الشخصي ان من مزايا الهيونداى توفر قطع الغيار وسعر اعادة البيع فماينفعش تجيب هيونداى وتخسر الميزتين دول
والله اعلم
تحياتي
-
ايه هو الامبولايزر ؟؟ وهل قطع غيارها غاليه؟؟
-
قطع غيارها غالية ممكن
هاتتعب في اعادة بيعها عشان مش منتشرة و عشان ثقافة الشعب عن الهاتش باك مع ان العربية تحفة
صاجها خفيف !! اعتقد زيه زي الالنترا 2008
-
عربية جميل لكن قطع الغيار اغلي شوية لعدم الانتشار زي باقي هيونداي
واعادة بيع ضعيفة لكنها من العربيات الرائعة ويعيبها ان واطية شوية خصوصا لو محمل
ولكن فالمقابل ثبات ده جزء من كلام ملاكها
والله اعلم
-
و عليكم السلام و رحمة الله و بركاته
العربيه دي هي أفضل عربيه في الهيونداي الموجود في سوقنا و قطع غيار ميكانيكا و عفشه واحد مع الإلنترا
أما الإكسسوار و الكماليات فبتختلف و بالتالي لها أسعار لوحدها و سمعت (مشترتش)إن أسعارها أعلي من الإلنترا في الإكسسوار و الصاج
لو أمامك حالة نضيفه متصانه و كشفت عليها في التوكيل و كشفت علي الشاسيه عند متخصص توكل علي الله عربيه جميله جدا
لو مش مستريح هات يبقي الحل في الهاتش باك الأوروبي أحلي الصراحه
فيه البيجو 307 عربيه ممتازه قطع غيارها في التوكيل بسيطه أقل من الهيونداي كمان و حاجتها متوفره و موفره جدا في البنزين و طبعا كماليات و قوه أكjv من I30
و كمان الستروين C4 نفس القصه
و الجولف و السيات إبيزا
لكن حدد سعرك الأول
-
-العربيه دي ركبتها كتير و هي من أنظف و أثبت عربيات هيونداي ركبتها ....
أختيار موفق سيبك من الناس كله بيفتي و أحنا نلبس
-
ماتحكمش على اى حاجة فى مصر من مجرد الكلام خصوصا من الفتايين
ابحث و اسأل ناس معاها العربية و ممكن كمان تجرب سواقتها و اسأل على قطع غيارها فى المحلات و كمان قارنها بموديل مشهور زى الالنترا
و توكل على الله و خد قرارك بنفسك
-
متزعلش منى اللغز فيك انتا وفى حيرتك يعنى انتا كاتب اكتر من نوع عربية وبنفس المضمون حدد هدفك واختار
http://www.nilemotors.net/Nile/328486-a.html
http://www.nilemotors.net/Nile/314883-a.html
http://www.nilemotors.net/Nile/313916-a.html
موش عارف ايه الالغاز دى كلها هههههههههع
-
اعمل ايه يا جماعه والله محتار ومش عارف اجيب ايه وخايفلاجيب عربيه والبس فيها خصوصا انى خسرت قبل كده كتير فى العربيات والايام دى البلد واقفه والقرش اللى بيطلع صعب انه يتعوض
Content Relevant URLs by
vBSEO 3.6.0 PL2