المشكلة بسيطة .. يا إما السماعات "ملمسة" مع صاج الباب .. يا إما التوصيلات اللى داخلة ف السماعة مش محكومة كويس وعشان كده بتقطع معاك .. الموضوع كله إنك تفك الحشو بتاع الباب وهتشوف المشكلة بنفسك ..
لو تقدر تفك الباب بنفسك هتلاقي الحوار بسيط ومش محتاج كهربائي متخصص اساسا .. إنما لو الباب فيه حوارات كتير وحركات يبقى من الأفضل كهربائي يفكه ويصلح الموضوع
وانا برضو متهيألي إنها سماعات الفابريقة وخلاص جابت أخرها طالما بتسمع فيها زنة .. عشان كده من الأفضل تجيب جوز سماعات مقاس 13 من اى ماركة تعجبك وتركبهم بدل الفابريقة طالما الكهربائي هيفك الأبواب وتبقى شغلانة واحدة وخلاص .. أنا كنت جايب سماعات أدريان للأبواب عندي بس مقاس 10 سم وكانت الـ rms 25 وكانت عاملة 55 جنيه وشغالة عندي زي الفل وركبتهم بنفسي كمان .. إنما مقاس 13 كان عامل 65 جنيه
المفضلات