عرض للطباعة
السلام عليكم
اخوانى الافاضل
منذ نعومة اظافرنا ونحن نسمع عن اتفاقية تسمى الجات
تقريبا بقت فى احلامنا
انا بصراحة خايف اشتري سيارة جديدة وعلى حظى الزفت تطبق مع العلم انى احتمال اشتريها تقسيط
يعنى عندم هندم
والى متى الاسعار فى ارتفاع بالرغم من ارتفاع سعر البنزين حد يفهمنى اللعبة
اشترى ولا انتظر؟؟؟
مع العلم ان اي تغيير فى السعر هتبقى سلخه وتعويرة كبيرة
ياباشا اشتري ومتقلقش لأن اتفاقية الجات كل سنة بيأجلوها يعني هية كان المفروض كانت تتنفذ بالنسبة للعربيات سنة 2005 وبعدين أجلوها لسنة 2008 وبعدين أجلوها لسنة 2010 وأكيد سنة 2010 هايأجلوها برضة
وبعدين حتى لو مأجلوهاش والجمارك على العربيات اتلغت (مع أن ده من رابع المستحيلات) هايلاقوا طرق تانية يغلوا بيها العربيات زي الرسوم الإدارية والضرائب وما الى ذلك لأن همة استحالة ينزلوا سعر العربية وتبقى زي اللى برة لأن كده العربيات المحلية هاتبقى أغلى وأوحش بكتير من المستوردة (يعني هايتفضحوا) وفي نفس الوقت مش هايعرفوا يسرقوا منيين فأكيد سعرها هايفضل زي ماهو ده إذا ماغليش .... سواء بقى تحت مسمى جمارك أو ضرائب أو رسوم أو .... أو ....
وكمان هما كانوا أعلنوا مرة في الجرنال ان حتى لو لغوا جمارك العربيات مش هايلغوها مرة واحدة ... لأ .... هاتبقى على مراحل من غير مايتحس بيها ومعرفش ليه
معلش يا جماعه عذرا يعني هي اتفاقيه " الجات " دي بسمع عنها كتيرر لكن لا اعرف
ماذا تنص او ايه شروطها والي اعرفه بس انها بالاتفاق مع دول زي سرائيل وامريكا تقريبا ,,,,,,,,,,,
إتفاقية الجات تعنى للشعب المصرى ما يلى:
جاتنا نيلة فى حظنا الهباب
وبس
Zazoksh - Cairo, EGYPT
مصر في إتفاقية الجات .. زي ما راحت .. زي ما "جات" !
لما اوروبا تطبقها الاول
نبقي نطبقها هنا :)
لا الحقيقه افدتوني كتيــــــــــــــــــــــ ـــــــــــــــــــر
اهى اتفافيه الجات دى بالذات جات ولا ماجات ادينا صابرين
الجات GATT هي أتفاقية دولية لتنظيم التجارة و التعرفة الجمركية بين الدول ....هدفها ضمان سريان التجارة الحرة بين الدول و ازالة العوائق اللي ممكن توقف التبادل دهاقتباس:
المشاركة الأصلية كتبت بواسطة kemoelord
لو أطبقت بحذافيرها مفروض الدول تشيل كتير من الجمارك و رسوم الحماية اللي بتتحط على السلع المستوردة و منها العربيات
في الحقيقة ما فيش حد بيعمل كده و الكل بيحمي صناعته الوطنية قدام المستورد و كل شوية بيحصل نزاع و شكاوي و تحكيم دولي ما بين دعاوي اغراق أو دعاوي حماية داخلية زيادة
مصر مشتركة في الأتفاقية انما واخدة استثناء (كوسة ) انها ما تنفذهاش في الوقت الراهن ....و اطمن حتى لو أتنفذت حيطلعوا دشليون رسم و ضريبة و جمرك تخلي الأسعار ذي ما هي ....و على المتضرر :011:
و الله أنتوا ناس طيبين قوي
حتى لو إتفاقية الجات أطبقت في مصر و بقول حتى !!
سيتم إلغاء الدعم عن البنزين نهائيا
و عندها برضه مش هاتبقى العربيات رخيصة لأن مصاريف تشغيلها هاتبقى غالية
و أنا شخصيا شايف إن الجمارك و الضرائب دي منفعة للدولة الناس مش واخدة بالها منها
دخل إضافي للبلاد
الشعب في زيادة مستمرة
تخيلوا بقى
كل بني آدم غير منظم من البلد دي بقى عنده عربية !!!!
طبعا كمية تلوث فظيعة
زحام شديد ......... و أختناقات مرورية فظيعة
أنا مع المواصلات العامة ........... المواصلات العامة
التي أرى أن الحكومة لا تعطيها أي أهمية نهائي في البلد دي
لو الحكومة أهتمت شوية بالمواصلات العامة هاتحل أزمات كتيرة من أزمات المرور في مصر و خصوصا في القاهرة التي تختنق يوميا بسبب كثرة السيارات و غياب النظام و إنتشار الهمجية و الفوضى
أتوبيسات نظيفة .......... و بسعر مناسب حتى تستطيع الإستمرار في الخدمة
و أخرى بسعر مدعم للأقل دخلا
و تغطي كل الخطوط ........... و يجب إلغاء الميكروبصات في القاهرة الكبرى أساسا و إستبدالها بأتوبيسات محترمة حتى يعود الوجه الحضاري و النظام إلى هذه المدينة التي ندمرها نحن أهلها يوميا بسلوكيتنا الزفت
المهم أن أنا خرجت عن الموضوع خالص
أنا شايف إن الضرائب و الجمارك واجبة و لكن بنسب معقولة تحقق دخل للبلاد ........ و لا تقلل فرص المواطنين في إقتناء سيارات بأسعار مناسبة و يا سلام لو أهتموا بالصناعة المحلية و أنتجوا سيارات زي ماليزيا أو كوريا أو الدول اللي أتعلمت من الدول الكبرى و أصبح لها صناعة محلية تعتمد عليها
و تحيا ج ع ع :040: :040: :devil2: :puke:
شكرا يا استاذ chicco على التوضيح وربنا يستر وتطبق عندنا بحذافيرها وبدون استثناءات