فرش سيارة مخصوص للياريس

**hightide** · 07-08-2008 12:26 PM

الحمد لله اشتريت الياريس و عايز اعرف احسن مكان اقدر اركب فيه فرش سيارة محترم للياريس و اريت لو فيه معاه فرش ارضية كمان
وشكرا و شكر خاص للا ستاز حازم خضر

**hazem_khidr** · 07-08-2008 07:27 PM

اخي الحبيب
الف الف الف مبروك علي العربيه
ربنا يديك خيرها و يحميك من شرها يا رب:)
بالنسبه للفرش ف انا جبته من مصنع الاستاذ في المنصوره
روحت و اخترت الخامه و التفصيله و اللون اللي عاوزه
و بعدين روحت بعدها بيومين استلمته
الفرش بصراحه تحفهه و كل اللي يشوفه ما يفتكرش انه كسوه لانه جاي علي المقاس مضبوط و مافيش فيه اي بروز او زيادات
انصحك تشوف الموزع المعتمد القريب منك و تختار لون الفرش و تعمله.
عن نفسي انا عملته جلد امريكي اسود.

**Dr_MohSalah** · 10-08-2008 10:57 PM

طيب يا استاذ حازم ممكن تدلنى على العنوان فى المنصورة وياترى التكلفة بالنسبة للجلد الامريكى اللى انت اخترته كانت كام ...؟

**hazem_khidr** · 10-08-2008 11:06 PM

كده الموضوع بالنسبالك سهل
مصنع الاستاذ اصلا في طلخا علي طريق دمياط كده
كبير و باين اوي علي الطريق
ممكن تروح المصنع و تختار اللي انت عاوزه
الفرش اللي اخترته كان ب 450 جنيه علي ما اتذكر
و عرفهم عربيتك فول اوبشن ولا هاف اوبشن
لان الهاف اوبشن الكنبه مافيهاش مسند و الكنبه حته واحده
بعكس الفول اوبشن