ده n16 الشكل القديم يعنى
مش n17 الشكل الجديد زينا
نيسان كعربية ممتازة وكتوكيل مازلت اثق فيهم لانى بعيد عن النرفزة من بهدلة العربية وعدم اتمام شىء انا هتكلم كلمة لله انا كنت قاعد جوة بتفرج على المهندسين الى قدامى وهما قايمين رايحين جيين ويتكلموا هنا وهناك ولما يجيلهم عميل يقفوا ويرحبوا بية والكلام دة من 9 الى 5.30 دة على الاقل يعنى ومشوارهم البعيد جداااا يعنى الواحد فيهم بيصحى 6 الصبح ..والعمال الى عربية تخرج التانية تدخل ومشعلقين ايدهم طول الوقت حمدت ربنا على النعمة الى انا فيها انا بلاقى وقت فى شغلى للشاى والسيجارة والكلام والهزار ..مازلت اثق فى نيسان ومازالت اوتو ايجيبت تحت التجربة لكن مش هروح فى عرض ابداااااااااااااااااااااا
للاسف قالولى مافيش فلتر عند حضرتك ..حضرتك عارف ان العربية بتنزل من غير فلتر قلتلها ايوة عارف سعرة كام قالتلى 198 قلتلها خلية للمرة الجية والا العربية هتتاثر جامد يعنى فقالتلى لا ممكن نخلية المرة الجية عادى
نيسان الشكل القديم موديل 2013
للتوضيح يا جماعة ..انا لما اتكلمت بهزار فى الاول لانى محبتش اخد الموضوع على اعصابى ولما لقيت ناس مش عاجبها فابتديت اتكلم جد عن الى حصل بالظبط فعلا العربية متحلش 90% من عيوبها المذكورة قبل كدة واضافت ليها عيوب جديدة لسة مكتشفها امبارح بعد الصيانة واعتقد انى هزور مركز خدمة قريب والاحتمال الاكبر اخلى ميكانيكى يظبطلى الى مش عاجبنى والى هحس انة اكبر منة هخلية للاتو ايجيبت او السبع ..اما عن نيسان فهى ممتازة كعربية وانا مبسوط بعربيتى جدااا...وعن اتو ايجيبت متاكد ان عندهم احسن وانا روحت بتوقع احسن من كدة منهم لكن عذرهم عندى ضغط الشغل انا كعميل قاعد بيشرب نسكافية تعبت من زحمة الناس فما بالنا بالمهندسين والعمال ...اما المهندسة امينة فهى شخصية محترمة بجد وجد فى شغلها لانها قلبت الدنيا ودخلت عربيتى تانى الصيانة بعد ماخدت تصريح خروج ..يمكن عشان الضغط مهتمتش تكتب كل حاجة انا بقولها وكان هممهم انهم يخلصوا الناس كلها والى عندة مشكلة هنحلها فى الروقان ..وانا مشيت على الاساس دة الى متحلش النهاردة هحلة بكرة ...دة انطباعى دون تعصب عن كل الى خدمونى هناك..وحكمى على اوتو ايجيبت هحددة المرة القادمة بدون عرض
نصيحة يا استاذ لؤى
اوعى تروح لميكانيكى ابدا .. عشان محدش يلعب فى حاجة حتى لو بسيطة وتكبر .. وتخسر الضمان
احجز تانى وروح بدرى وفى معادك اللى انت حاجزه .. وقولهم ان فى الصيانة اللى فاتت بعد ما خرجت حصل كذا فى العربية .. وطالما حاجات بسيطة .. يبقا اكيد حتتحل على خير
وانا زمان قولتلك فى مشاركة .. اترك امورك على الله .. ولو فى حاجة بسيطة اوى عديها .. ومتركز معاها .. لان مفيش حاجة كاملة والكمال لله
على العموم لو تحجز السبت القادم .. حتلاقينى رايح زيارة .. وفرصة اشوفك .. وكمان نتكلم معاهم عشان نشوف ايه المشاكل اللى ظهرت عندك .. واكيد لو فى حاجة عندك فعلا حيحلوها ومش حيتاخروا
واتمنى اعادة صياغة الموضوع فى البداية .. حتى يكون مفيد للجميع واعادة ارساله للادارة فى تقرير مشاركة
وكتابة المشاكل اللى كانت عندك قبل ما تروح تعمل الصيانة وتفاصيل اليوم واى سلبيات تراها حصلت معك ووجهة نظرك ورايك تجاه المركز والمهندسين لكى يتم تلافيه
ولو احتجت اى شيئ منى واقدر اعمله .. انا تحت امرك
تحياتى ليك