ساعدونى يا شباب فى الموضوع ده ( نوبيرا - لوجان )

عربيتى نوبيرا 2006 سماوى عامله 115 الف
محتاجه شويه مصاريف محترمه
1- نصف ماتور بحوالى 1500 ج
2- اربعه كاوتش بحوالى 1500ج
3 شويه شغل عافشه حوالى 700 ج
4 - سمكره حوالى 500 ج
5 - تكيف يمكن حوالى 500 ج
يعنى الاجمــــــــــــالى حوالى خمسه الاف ج
المهم :- قدامى عربيه لوجان 2010 كامله مانيوال عامله 40 بحاله ممتازه و سعرها فى سعر عربيتى دلوقت من غير ما اعمل فيها حاجه يمكن ادفع الف او اتنين بالكتير ( بس خايف من قطع غيار اللوجان و مش اى ميكانيكى يشتغل فيها و صعوبه اعطالها )
عاوز رائيكم بكل امانه اصرف على العربيه النوبيرا ( عربيه سهله و بياعه و حاجتها رخيصه ) و لا اشترى دماغى باللوجان عشان الحاله بتاعتها شبيه الزيرو

انا لو مكانك ازبط عربيتي واتعب فيها شويه,وكفايه انك عارف كل حاجه فيها وكل مسمار فيها,وانت عارف مميزات النوبيرا عربيه سهله و بياعه و حاجتها رخيصه.

اقتباس:

---

المشاركة الأصلية كتبت بواسطة fares_311

انا لو مكانك ازبط عربيتي واتعب فيها شويه,وكفايه انك عارف كل حاجه فيها وكل مسمار فيها,وانت عارف مميزات النوبيرا عربيه سهله و بياعه و حاجتها رخيصه.

---

كلام جميل و صح جدا و انا فاهم فيها كويس بس حضرتك عارف ديه الحاجات الظاهره حاليا و المستعمل كل ما يمشى كل ما يطلب مصاريف

بصفتى أحد ملاك النوبيرا سابقاً .. أنا لو مكانك أبيعها وأجيب اللوجان أو اى عربية موديل أعلى من النوبيرا وأستفاد بفرق السنين ف الموديل وفرق الكيلوات المقطوعة وكمان فرق الحالة ..
صدقني طالما العربية فتحت بقها مش هيتقفل .. أنا صرفت ع النوبيرا مبالغ طائلة وفى النهاية العربية كانت مميزاتها تنحصر ف وسع الصالون وسرعتها ع الطريق ... إنما عفشة سيئة وفرامل كارثة وإستهلاك للبنزين يخرب البيوت ..

مش عارف بحس ان النوبيرا احسن من اللوجان في الشكل وموتور اقوى ومفيهاش الحاجات الغريبه اللي في اللوجان زي الاكلاكس و زراير الازاز ....و ثبات النوبيرا كويس جدا رأي خليك في عربيتك واللي نعرفو احسن من اللي منعرفوش الا لو عربيتك قرفاك قوي وكل يومين بتروح للميكانيكي

عن نفسى نوبيرا وبس واظبطها صح

انا كان معايا لوجان ..العربية دية ممتازة فى كل حاجة ما عادا سعر اعادة البيع

اللوجان حاجتها هتلاقيها اغلى من النوبيرا بشوية بس انا بتكلم على الاصلي في مقابل انها معمرة و في حاجات ارخص من النوبيرا

قطع غيار اللوجان اللي بتتغير بشكل دوري اسعارها ممتازة اما اللي ممكن العربية تيجي و تتباع من غير ما تغيرها اسعارها استهبال رسمي (انا بتكلم على التوكيل مش برة)

خد الموضوعين دول اتسلى فيهم و احكم بعدها و لو محتاج اي حاجة اسأل و انا تحت امرك

http://www.nilemotors.net/Nile/249863-a.html

http://www.nilemotors.net/Nile/226954-20-1-2013-a.html

اقتباس:

---

المشاركة الأصلية كتبت بواسطة haitham fares

انا كان معايا لوجان ..العربية دية ممتازة فى كل حاجة ما عادا سعر اعادة البيع

---

العربيه قعدت معاك كام سنه و كام كيلو متر
و ايه مميزاتها من وجهه نظرك و ايه الاعطال الى قابلتك؟

عربيتك عامله 115 الف وعاوزة نص ماتور
اعذرنى هوة حضرتك مش بتغير زيت ولا بتعمل صيانه فى معادها
انا معايا لانوس ماشيه 270 الف كيلو ونفس ماتورك و ما شاء الله بتكسر العداد وتاكل اى 1600 عادى خالص
ارجول لو غيرت العربيه لازم تهتم بالصيانه بتاعها

اقتباس:

---

عربيتى نوبيرا 2006 سماوى عامله 115 الف
محتاجه شويه مصاريف محترمه
1- نصف ماتور بحوالى 1500 ج
2- اربعه كاوتش بحوالى 1500ج
3 شويه شغل عافشه حوالى 700 ج
4 - سمكره حوالى 500 ج
5 - تكيف يمكن حوالى 500 ج
يعنى الاجمــــــــــــالى حوالى خمسه الاف ج

---

كل ده في عربية لسه موديل 2006 وماشية 115 الف بس
مع احترامي لسيادتك واضح ان حضرتك مش مهتم قوي بصيانة العربية ولو معندكش حتة الاهتمام بالصيانه قوي يبقى اللوجان برده حتقع منك وحتلاقيها بعد فترة برده فتحت بقها وفتحت في المصاريف يبقى القصة هنا مش نوع العربية ولا موديلها القصة قصة اهتمام حضرتك بالصيانه وده شئ مهم بصرف النظر عن نوع العربية
انا شخصيا معايا دايو اسبيرو 96 وماشي بيها 275 الف ومعنديش اي حاجة من اللي حضرتك بتشتكي منها

اقتباس:

---

المشاركة الأصلية كتبت بواسطة lanos2004

عربيتك عامله 115 الف وعاوزة نص ماتور
اعذرنى هوة حضرتك مش بتغير زيت ولا بتعمل صيانه فى معادها
انا معايا لانوس ماشيه 270 الف كيلو ونفس ماتورك و ما شاء الله بتكسر العداد وتاكل اى 1600 عادى خالص
ارجول لو غيرت العربيه لازم تهتم بالصيانه بتاعها

---

اقتباس:

---

المشاركة الأصلية كتبت بواسطة mostafa . Ahmed

كل ده في عربية لسه موديل 2006 وماشية 115 الف بس
مع احترامي لسيادتك واضح ان حضرتك مش مهتم قوي بصيانة العربية ولو معندكش حتة الاهتمام بالصيانه قوي يبقى اللوجان برده حتقع منك وحتلاقيها بعد فترة برده فتحت بقها وفتحت في المصاريف يبقى القصة هنا مش نوع العربية ولا موديلها القصة قصة اهتمام حضرتك بالصيانه وده شئ مهم بصرف النظر عن نوع العربية
انا شخصيا معايا دايو اسبيرو 96 وماشي بيها 275 الف ومعنديش اي حاجة من اللي حضرتك بتشتكي منها

---

والله يا جماعه انا من اكتر الناس اللى بتحافظ على العربيه و على جدول الصيانه و النظافه
بس للاسف العربيه انا واخدها استعمال من سنتين و كانت عامله 96 و فيها كل الحجات ديه
و غالبا بقى منه لله صاحب العربيه كان مغير الكيلومتر بتاع العداد بس هى من بره و الصالون كانت زى الفل و ماكنش معايا حد فاهم و كنت محتاج عربيه بسرعه جدا و كنت بايع عربيتى و مستعجل المهم الحمد لله على كل حال
و فى السنتين دول صرفت فى حاجات تانيه كتير غير كده
بس الكاوتش ده عادى
و السمكره برضو عادى
و العفشه ممكن نقول عشان شوارعنا السيئه
هى المشكله فعلا فى ماتور عامل 115 و بيدخن
المهم رائيكم اصلح و لا اغير

اقتباس:

---

المشاركة الأصلية كتبت بواسطة tefa22m

والله يا جماعه انا من اكتر الناس اللى بتحافظ على العربيه و على جدول الصيانه و النظافه
بس للاسف العربيه انا واخدها استعمال من سنتين و كانت عامله 96 و فيها كل الحجات ديه
و غالبا بقى منه لله صاحب العربيه كان مغير الكيلومتر بتاع العداد بس هى من بره و الصالون كانت زى الفل و ماكنش معايا حد فاهم و كنت محتاج عربيه بسرعه جدا و كنت بايع عربيتى و مستعجل المهم الحمد لله على كل حال
و فى السنتين دول صرفت فى حاجات تانيه كتير غير كده
بس الكاوتش ده عادى
و السمكره برضو عادى
و العفشه ممكن نقول عشان شوارعنا السيئه
هى المشكله فعلا فى ماتور عامل 115 و بيدخن
المهم رائيكم اصلح و لا اغير

---

هات ماتور استيرا او بلوك وصلح وعيش بيها
النوبيرا زى الفل

اقتباس:

---

والله يا جماعه انا من اكتر الناس اللى بتحافظ على العربيه و على جدول الصيانه و النظافه
بس للاسف العربيه انا واخدها استعمال من سنتين و كانت عامله 96 و فيها كل الحجات ديه
و غالبا بقى منه لله صاحب العربيه كان مغير الكيلومتر بتاع العداد بس هى من بره و الصالون كانت زى الفل و ماكنش معايا حد فاهم و كنت محتاج عربيه بسرعه جدا و كنت بايع عربيتى و مستعجل المهم الحمد لله على كل حال
و فى السنتين دول صرفت فى حاجات تانيه كتير غير كده
بس الكاوتش ده عادى
و السمكره برضو عادى
و العفشه ممكن نقول عشان شوارعنا السيئه
هى المشكله فعلا فى ماتور عامل 115 و بيدخن
المهم رائيكم اصلح و لا اغير

---

انا لو مكانك اصلح طبعا

بسعر وحالة اللوجان ارشحها عن النوبيرا ولو ضايقتك وحبيت تبيعها مش هتخسر فيها حاجة لانك اخدها بسعر كويس