تسارع الفانتازيا بعد 94000 كم علي طريق مرتفع.

**lanos2004** · 30-03-2013 05:18 AM

بقينا 8 صفحات فى ساعه
الحمد لله
تصبحوا على خير

**AhMeD MeTwAlY** · 30-03-2013 05:18 AM

المشاركة الأصلية كتبت بواسطة lanos2004

لا انا بحب اجرى مع اوكتافيا بس حتى شوف
http://www.nilemotors.net/nile/newre...y&p=3874896035
cerato vs lanos vs octavia - youtube
http://www.youtube.com/watch?v=5emqoyvaxw0

هو حضرتك فاضي والفراغ قتلك اوي كدا يا سيدي الفاضل حضرتك بتقارن عربيه مواصفات مصريه بعربيه مواصفات اوربي
ههههههههههههههههههههههههه ههههههههههههههههه
سبحان الله نقول طور يقولو احلبوه
يا رب توب علينا

**AhMeD MeTwAlY** · 30-03-2013 05:21 AM

المشاركة الأصلية كتبت بواسطة lanos2004

بقينا 8 صفحات فى ساعه
الحمد لله
تصبحوا على خير

وانت من اهل الخير خد الباب في ايدك

**طارق _عبد السلام** · 30-03-2013 05:21 AM

المشاركة الأصلية كتبت بواسطة lanos2004

طب بذمتك انته اوكتافيا بتجرى زى اى عربيه 1600 يابانى او ايطالى او اسبانى
وانا قولت قبل كدة عندنا اوكتافيا اقسم بالله غيرت الماتور 2000 سى سى بسبب انها ضعيفه فى الجرى
وعندنا باسات fsi عربيه بطه وخنيئه دة انا حتى لسه مزفوف فيها قريب كانت حاجه مقرفه صراحه ومش بتاعت لعب خالص --لدرجه انى نزلت منها وركبت العروسه جنبى فى الانوس وقعدت العب بلانوس خمسات وامريكانى وحركات عريس مجنون بقه--والله مرضيت اتزف فى عربيه جوز اختى e300 علشان عارف ان اصحابى مجانين وهتبقه حريقه اسفلت فخوفت عليها-تتخبط

بص انا مقتنع بيها جدا وبترضينى جدا فى الجرى لو حبيت انا مش بحب الجرى واظن عمرنا قريب من بعض يعنى انا 44 سنه اكبر منك بسنتين تقريبا بس مش زيك خالص فى قصه الجرى والذى منه الكلام ده وانا صغير كنت مجنون وقلت لك من يوم ماشفت اصحابى عرفت ان الجرى جنون وانتحار

العربيه مرضيه لى بنسبه 200/100 ولو انت لك معارف فى المحله لو تسمع عن محمد الوزان اصحاب مصبغه وتجار حديد
ده اجن مجنون فى الجرى والتفحيط ما شفتش بنى ادم زيه اقسم لك بالله مجنون رسمى نظمى فى العربيات ومن اغنياء البلد ركب كتير جدا جدا ماركات زى ما تحب
هو دلوقت مستقر على الا وكتافيا ده مثال لو انت تعرفه
المسئله يا لانوس انا هستفاد ايه انى اطرقع لعربيه وهى ماشيه هل ده كمال مثلا
وبعدين هو يعنى مصمم يجرى معاك انت بتحت ناس معاك فى فيديوها هم اصلا مالهم علاقه بيك
يعنى آخر فيديو لاشوفنا بتاع الاوكتافيا بيشد معاك ولا حاجه الراجل واخد سرعته وماشى وهو مقتنع وبتاع الي=سراتو هو اللى حب يتمنظر عليكم لكن انت جريت الاول لما شفت الاوكتافيا وقلت اعمل فيديو وشو
وبعدين بتجرى دقائق وتهوب تقوم راجع للسرعه المعقوله اى استفاده دى (بطوله) انا بعتبرها غير كده
يا لانوس انت حر لكن فيه روح تانيه معاك فى العربيه فأنا متأكد انك بس بتعمل كده للشو الناس عرفت انك مسقط مكنه وبتجرى ومعلم فى السرعه كفاياك بقى خوفا عليك

انا غيرك انا شارى عربيته اولا لاقتناعى بيها ثانيا لتؤدى لى غرضى مش علشان اتمنظر بيها

وبعدين تعالى بقى سيبك من كل ده هو يعنى انا مقدرش ابيع عربيتى دى واروح اشترى عربيه لانوس واشترى موتور اقوى من موتورك واسقطه بص وهوفر (150 الف جنيه كمان واقعد اتنطط معاك فى كل موضوع خليك عقلانى يا لانوس انت راجل كبير وعاقل سيبت ايه لبتوع 16 سنه ومش خايفين لا على زوجه ولا اطفال
صدعتك صح بس ده كلام اخوى لو زعلك قولى واعتذر لك واعزمك على حسابك عند طيبه قول زعلان بقى

**lanos2004** · 30-03-2013 11:52 AM

المشاركة الأصلية كتبت بواسطة mostafa hashem

بعد الكلام الكتييييييير ده اسمحللولى اقول وجهه نظرى للأستاذ lanos2004

انا مقدر شعور حضرتك ناحية عربيتك وانك بتحبها لدرجة انك شايفها سوبر كار وعايز توصل الفكره دى لأى حد بتكلمو .. وده واضح من مواضيعك اللى كلها شد وجرى خصوصا مع الاوكتافيا . انا هلمحلك بكام نقطه كده

اولا .. المقارنه اللى حضرتك ديما بتعملها غير متناسقه لأنك ببساطه بتقارن فئه بفئه تانيه خالص .. ده غير انك بتقارن عربيه ستوك (أوكتافيا) بعربيه معدله (لانوس) ..

ثانيا .. الأوكتافيا اللى حضرتك قرفان منها أوى دى .. بتحط وسائل السلامه والأمان والثبات وتقليل الحوادث فى المقام الأول بعد كده يفكرو فى الشد والجرى

ثالثا .. العربيه الفانتازيا اللى حضرتك مصورها اوتوماتك 6 سرعات وحضرتك مانوال .. ده غير ان الفانتازيا فيها سبورت درايف انا متأكد ان السواق مستخدموش

رابعا .. صاحب الموضوع داخل بيوضح تسارع العربيه فى ظروف معينه .. يعني مقالش انا علمت على كذا وكذا وكذا وحضرتك دااخل تقول كلام مش لطيف على العربيه .. مع العلم على ما أذكر ان صاحب الموضوع معاه عربيه مرسيدس اس كلاس 320 ربنا يباركلو فيها ويزيدو .. يعنى متتكلمش معاه فى شد او جرى حتى

-----

انا عايز اوصل لحضرتك ان كل الناس مش بتشد وتجرى وخلاص واى حد يسخنى على الطريق اجرى معاه كده واعرض جياتى للخطر لمجرد انى اعلم عليه او اردلو اللى عملو وخلااص كده .. زى ماحضرتك بتعمل بالظبط .. لا فى ناس جايبه عربياتها عشان يقضوا بيها مصالحهم .. الأوكتافيا مش بتاعة الكلام ده كلو لكن مش معنى كده انها بطه بلدى . لأ انا متأكد ان الراجل اللى حضرتك كنت بتشد معاه لو كان جاب السبورت درايف كان قفل 210 ومكنتش هاتشوفو .. بس لو حضرتك اخدت مطب هوا جامد شويه بالانوس والعربيه عومت بيك كان لاقدر الله يعنى ,, انما الاوكتافيا انتا مش بتحس انك ماشى اصلا ..

غير كده ان موتور حضرتك 2 كام ومانواال .. حاول تشد مغ اوكتافيا ايه فايف مانوال كده .. او ار اس اللى هيا بتنزل بره عشان تبقى المقارنه منطقيه شويه .. وبعدين اخكم على عربيات الناس

نصيحه بقى .. كلام حضرتك ده مش هايقدم ولا هيأخر .. عربيتك ربنا يباركلك فيها ويزيدك وان شاء الله تركب فيرارى .. بس متتكلمش على عربيات الناس بالأسلوب المستفز ده لأن كل واحد عاجباه عربيتو ومش كل الناس زى بعض .. وزى ماقولتلك حضرتك بتقارن فئه بفئه تانيه خالص

للعلم انا عندى 21 سنه وبحب الجرى والشد بس بالعقل .. كان معايا فيكترا 95 مسقطلها مكنه 1800 116 حصان .. ودلوقتى معايا اوكتافيا a4 والحاج معاه فانتازيا وكان معانا اوكتافيا a5

ارجو انك تكون تقبلت كلام اخوك الصغير .. وفضوها سيره بقى يا جماااعه مش مستاهله

لانوس ايه بس الى اقارنها باوكتافيا
انا بتكلم عن توب سبيد وتسارع
بعدين والله لو اوكتافيا 1600 يشغل سبورت دريف يقلبها مانيوال يحط بنزين طيارت لو جابت 201 بحق ولو جابتهم هتجبهم بعد 3 ايام ان شاء الله
وبعدين كلامك على راسى اخى الكريم
بالتوفيق

**المنسي** · 30-03-2013 11:53 AM

قريت الموضوع من اوله ومقدرتش اكمل اقرا المشاركات بس ليا طلب
ياريت زمايلنا اصحاب الاوكتافيا لما يعملو موضوع يكتبو فى العنوان ... ممنوع دخول ولاد ابو اسماعيل

**lanos2004** · 30-03-2013 12:08 PM

خلاص يا رجاله سكودا انا مش هدخل القسم عندكم تانى
وعد منى بذلك
اصل انا الصراحه غلس ومزودها شويه
اصل مصطفى الى كان شغال عند الكمونى موزع اسكودا نصب عليا فى عربيه فابيا سنه 2001 وكرهنى فى اسكود وعلامه اسكودا
غير بعض سائقى سكودا الى شايفين نفسهم -بفتكر الموضوع فبخلى الانوس تحط على اسكودا
معلش يا جماعه اصل انا مريض نفسى
واوعدكم هتعالج قريب من مرض سكودا
مع تحيات لانوس 2004 سكوديرا
اشوفكم على خير من بعيد لبعيد

**lanos2004** · 30-03-2013 12:20 PM

المشاركة الأصلية كتبت بواسطة inspiron

فيديو تسارع الفانتازيا من 0-100 في 12.7 ثانية ( علي stopwatch )

ومن 0-140 في 27 ثانية

طريق حدائق أكتوبر - دهشور..مستوي الطريق متصاعد بميل..الحمولة 3 أشخاص.

متأسف علي صوت الهواء ( نسيت أقفل الشبابيك

)

العربية عاملة 94000 كم.

vid-20130329-00002 - youtube

نبتدى من جديد
ما شاء الله تسارع ممتاز جدا وكمان على مطلع ومحمله و فاتح الشبابيك
ما شاء الله
الاوكتافيا فعلا اوكتافيا بجد
ماتور جبار بجد 105 حصان بجد مش زى الاحصنه اليابانى والاحصنه الكورى المبالغ فيها
حقا انها اوكتافيا الرائعه