خلوا بالكو من كارتك مفيش ضمير
حادخل فى الموضوع على طول
اليوم ذهبت الى كارتك لعمل صيانة ال 20000 كم
وكنت طلبت من المهندس تنظيف ال tps
وجلست فى الكافتريا اراقب وبعدين لاحظت وهو بيفضى الزيت الجديد فى الموتور انه فضى الجركن كله فى حين ان العربية بتاخد 3.3 كيلو بالفلتر
انا اتجننت ونزلت جرى على المهندس وقلتله قاللى مش معقول وقاللى انا حاشوف بنفسى
وفعلا بعدها على طول دخل وقاللهم افتحوا الكبوت لانهم كانو قالولو انهم خلصوا العربيه وقاس الزيت بنفسه لقاه زايد جدا وبعدين الصنايعى المتخلف يقوله مش مشكله يعنى ربع كيلو زياده
المهم الراجل قال له لازياده ولا ناقص اتفضلوا اضبطوه
شوف بقى العك علشان يضبطوا راحو رافعين العربية وحل الفلتر بتاع الزيت شويه علشان يرشح من الاجناب (غباوه) وراح قافله ومطلع العربيه
رحت استلم العربية وقلت للمهندس دول منظفوش ال Tps راح متصل بيهم جوه حلفو له انهم نظفوه فى حين ان تنظيفه بيتطلب فكه ورشه بالاسبراى عدة مرات مع الاستمرار بالنفخ بالهواء ومسحه وده لوحده بياخد على الاقل من 10 ال 15 دقيقه وده تم قبل كده امامى عدة مرات علشان كده انا عارف
المهم كنت خلاص قرفت من هم فرحت دفعت الفلوس (زودوا اسعار الصيانه بقت 160جنيه) وبعدين ركنت بعيد واستنيت اقيس الزيت بنفسى لاقيته عالى جدا جدا
اخدت العربية على واحد اعرفه بيشتغل فى الزيوت فقط وقلت له فضى الزيت كله فى جركن وبعدين انقص منه نصف كيلو ورجعه العربيه وقيست المقاس بعد كده لاقيته تمام يعنى ده مش حرام
طبعا انا عامل حسابى اقيس تانى ان شاء الله والعربيه مركونه علشان اتاكد ولو ناقص ابقى ازوده
دى ناس معندهاش ضمير منهم لله حيبوظوا عربياتنا وهما مش فاهمين حاجه والمهم انهم بيحاولوا يقنعوك بالعك بتاعهم
ولقد قررت ان شاء الله انى اغير الزيت بعد كده ان عشنا وكان لينا عمر عند الراجل بتاع الزيوت
ولذلك وجب على تحذيركم جميعا وانبه عليكم تراجعوا مستوى الزيت بنفسكم بعد ماتغيروه عند اى حد اى كان
