الموضوع: خلوا بالكو من كارتك مفيش ضمير

للاسف الجهل وحش..... فعلا كتير جدا بلاقى العامل بيحط كميه اكبر من اللزوم ... واقوله يا عم ماينفاعش يقولى يا بيه الدنيا صيف و الزيت كده او كده بينقص ..... غباء

الحق يقال أنا بأروح كارتك (العبور) الناس بتسقبلني كويس جدا

و ده مش معناه أنهم بيعملو كل حاجه مكتوبة في جدول الصيانة (زي ظبت الموتور أو البطارية ... الحاجات الخفيفة دي سعات بتفوت منهم)

بس أي حاجه بيلاقو انها عايزة تتعمل و من غير أون بشتكي منها بيعملوها لوحدهم ( مثلا زيادة مياه المساحات و تنظيف رشاشات المساحات)

و بستلم العربية (على حسب حالة الزحمة) يا زي ماهي و ساعات متنضفة و متلمعة

وانا بأحاول كل مرة أروح أشفتهم و هم بيغيولي الزيت (لكي لا تحدث مشكلة الأخ thegratenileman) و كل مرة فعلا بيقيسو هما حطوا زيت قد ايه بالزبط و مقابلتنيش المشكلة دي

بس أنا لما رحت غبور لصيانة الألف (10/2007 مش عارف ايه الوضع دلوقتي) و قلت على المشاكل اللي عندي للمهندس (للأسف كأني كنت بكلم نفسي) و يادوبك غيرولي الزيت و السلام ختام و كله تمام .... يلا علشان حنقفل ....
الملاحظات خلصت ... تمام يا باشا ...
طيب المهندس فين ...... بخخخخخ
ع
وضي على الله أنا كنت متوقع كده

رحت بعد كده لكارتك و قلتلهم على الملاحظات عملوا (معظمها) بس أنا شايف ان حتى التعامل هناك كان ألطف كتير من غبوررر

و دي تجريبتي معاهم ... للأمانة

هما زمان قبل ما يتعرفوا كانو بيعملولى اى حاجة فى العربية وفى حاجات كانت بتتعمل من غير ما اطلب انما نظام الكروته ده حرام علشان احنا بندفع فلوس علشان العربية يتكشف عليها بالكمبيوتر وخطوات محدد على اساسها تم تحديد تكلفة المصنعيه


لاشك ان مهندسى الاستقبال ناس محترمين ومؤدبين جدا بس مش هما اللى بيعملوا الصيانه جوه

انا يا جماعة بعمل الصيانة في غبور سواء ابو رواش او قليوب

بيدوني بقية الزيت في جركن الزيت

المفروض ان سياسة غبور انه بيديلك قطع الغيار القديمة و بقية الزيت

يعني هتعرف اذا كان الزيت صح و لا لأ

حصلت معايا برده من سنه كان لسه كارتك جديد....وكان صيانة الألف...حط الزيت كله وطبعا انا كنت لسه جديد ومشيت بالعربيه 3000 كم والزيت زايد عن العلامه 3 سم
من غير معرف

المفروض ان سياسة غبور انه بيديلك قطع الغيار القديمة و بقية الزيت

طيب وفلتر الزيت...انا عندي علشان تغير الفلتر لازم تفك النمر حوارات كتيير كده... في كارتك ولا فكه ولا عمله وحاسبوني علي الفلتر...اعرف منين ان الفلتر اتغير ..وهل عدم تغييره رغم تغيير الزيت فيها مشاكل

المشاركة الأصلية كتبت بواسطة casperinoo

طيب وفلتر الزيت...انا عندي علشان تغير الفلتر لازم تفك النمر حوارات كتيير كده... في كارتك ولا فكه ولا عمله وحاسبوني علي الفلتر...اعرف منين ان الفلتر اتغير ..وهل عدم تغييره رغم تغيير الزيت فيها مشاكل

بالنسبة لغبور بيديك الفلتر القديم برده

بأمانة مش عارف تتأكد ازاي

و معرفش برده مضار عدم تغيير الفلتر

المشاركة الأصلية كتبت بواسطة thegreatnileman

ولقد قررت ان شاء الله انى اغير الزيت بعد كده ان عشنا وكان لينا عمر عند الراجل بتاع الزيوت

أكبر خطأ

تغير الزيت في محطة بنزين مضمونة

معظم بتوع الزيوت (المحلات اللي شغالة بس بيع و تغيير زيوت) بيبعوا زيوت مضروبة و متعبية تحت السلم

مرة كنت باشتري علبة زيت باور للفتيس الاوتوماتيك اداني علبة بيقولي امريكي بابص لقيت عالحرف بتاع الاستيكر الورق الملصوق عليها مكتوب بالضبط كدة

C:/my document/ashraf/abro.jbg

رحت مديهالة و قلتلة شـــــــــــــــــكــــــ ــــــــــــــراً

ما هو اصل الشركة في امريكا مابتطبعش الستيكر عند اشرف ههههههههههههه

ومن يومها مابشتريش زيت إلا من محطات مضمونة (شل-أسو زمان-موبيل- توتال)